柏景餅店 Park Deli：快閃之櫻

依家啲whatsapp搞搞埋埋好多群組，成日都收到唔少轉寄又轉寄嘅資訊，不少都喺流流哋嘅假資訊，實在需要過濾吓先好嚟吸收。不過，資訊流通方便咗，故此，就不時收到有啲好嘢嘅優惠，就好似今次「柏景餅店」嘅應節快閃優惠，真喺快閃得緊要，講到明訂購期只得幾日，但攞餅嘅日子就有成個月時間，加上價錢極優惠，吸引力大升。

以前都試過佢哋嘅出品，感覺唔錯，所以，趁住今次嘅大割引，當然更有唔執輸嘅心態。呢次嘅新品，喺承着賞櫻季節所推出嘅「櫻花乳酪慕絲蛋糕」，平常佢哋啲磅裝蛋糕，正價要賣到成$248一個，但今次嘅快閃優惠只喺$138，喺咪好心動呢！？

據官網介紹，整個蛋糕主要分為上層嘅鹽漬櫻花啫喱及下層嘅乳酪慕絲蛋糕，少咗花巧，卻多添一份怡人嘅外觀。

春日嘅下午，就用作懶洋洋嘅下午茶主角。面層嘅啫喱做得晶瑩透徹，而鹽漬嘅櫻花，唔好期望太多，因為櫻花本身無乜味，但嗒落確喺有些微鹹鹹哋，都幾得意。至於啲乳酪慕絲，柔滑而帶微酸，中間嘅海綿蛋糕，十分軟綿，整體入口絕對唔膩，又屬少甜，好有一份清爽感。

老實講，兩次到訪日本都遇唔着櫻花盛開嘅境況，究竟，小弟喺咪跟櫻花咁無緣呢？

個人評分
味道：8/10
環境：7/10
服務：8/10
抵食：8/10
平均每人消費：HK$35

餐廳資料：
柏景餅店 Park Deli
尖沙咀廣東道33號中港城皇家太平洋酒店園景翼2樓
2738 2382