台灣郎 Taiwan Lang：晴郎的一天

早前晌葵湧嘅「大公雞」食到碗高質嘅台灣牛肉麵，講開講開，就讀港大嘅表姨甥女亦有好介紹，就喺西營盤嘅「台灣郎」，一聽個名就知喺賣台灣菜啦。今晚，就喺如佢嚟試試呢度嘅牛肉麵。

唔單門面做到好台灣夜市樣，就算入到餐廳裡面，一樣喺好有台灣風情。原木木枱、大燈籠、牆上小盆栽，都令到環境、氣氛輕鬆。

最特別喺水吧位，就好似夜市啲賣飲品檔，一條條五顏六色嘅菜名牌，可講喺台灣夜市嘅特色。而且，就算閒人，亦有唔少人幫襯，有份熱鬧感。隨著港島西延線開通，西環真喺越嚟越多特色食肆。

翻一轉餐牌，原來有幾好選擇，除慣見嘅牛肉麵、鹵肉飯，仲有私房菜菜式（需預訂）、台式小菜、粉面飯、小食、湯水，以及各種台式飲品、啤酒。

另外，仲有兩版「主廚推介」及「寶島懷舊套餐」餐牌，唔想諗太多，晌度揀就快靚正。兩款套餐喺包熱飲，亦可加錢轉其他飲品。

經典台灣香腸 $58

小弟對台灣香腸仲喺停留于「黑橋牌」，此外，都唔喺有太多認識。上枱時已切成薄片，較地道嘅食法喺可以伴以蒜片一齊食，當然，襯台灣嘅果啤就風味更佳，而香腸入口帶甜，肉質唔會太肥膏，感覺唔錯，喺定價似乎有少許貴。

香炸花枝丸 $28

一客共有3粒，粒粒都成個乒乓球咁大，炸得黃金，不過，有別慣常食貢丸咁爽爽彈彈，雖然內有唔少墨魚粒，但口感有啲粉。

鳳梨甜酸蝦球 $88

試咗兩道小食，又試試佢哋小炒嘅手勢，甜酸蝦球細細份，小托碟，頗精緻。咪睇佢份量好似唔多，但質高，啲蝦球用上新鮮大蝦，食得出有鮮蝦味，而且，口感非常之爽彈；每只蝦球有薄薄一層甜酸醬包住，唔會太厚身；唯一挑剔位喺墊底用罐頭鳳梨都算，但一入口喺冰嘅，令感覺就無咁好。

紅燒牛肉麵 $88

上次「大公雞」嘅台灣牛肉麵好有水準，今晚晌「台灣郎」食到嘅紅燒牛肉麵亦相當出色，外觀已睇落好大碗。個湯底同樣做得沉厚香濃，飲完都唔會有口渴嘅問題；粗身嘅麵條耐浸有咬口，而且，份量十足；至於牛肉喺採用牛展位，件件都裁得大大嚿，但出奇地煮得鬆化軟腍，又有肉香夠晒入味，伴以好多紅蘿蔔、白蘿蔔，清甜無渣。

蜂蜜薑茶（跟餐）

點個牛肉麵可以免費要杯熱飲，表姨甥女多數會揀熱飲，蜂蜜薑茶就最啱佢，滋潤暖身嘅感覺。題外話，最唔鍾意嗰啲全黑色瓦杯，影相唔多靚，又睇唔清杯嘢喺點。

芒果乳酸爆珠 $20

仲喺大熱天，我就喜歡凍飲，本來想飲珍珠奶茶，但又未試過爆珠系列，貪得意試試。清爽就幾清爽喇，不過，啲乳酸爆珠就唔喺太合我自己口味，都喺鐘意煙韌嘅珍珠啫。

喺個花枝丸失色咗啲，其他菜式都好食，七、八月無乜點打風，反而九月一嚟就兩個：百里嘉、山竹，後者更喺破壞力強嘅超強颱風，勁過舊年嘅天鴿。台灣，亦喺常受颱風影響嘅地區。人生亦然，總有不少風風雨雨，幾許風雨過後，定有晴朗的一天，雨後草更清嘛！

個人評分
味道：8/10
環境：7/10
服務：7/10
抵食：8/10
平均每人消費：HK$140

餐廳資料：
台灣郎 Taiwan Lang
西環西營盤德輔道西260號正德大廈地下
2865 2829