Café 100 by The Ritz-Carlton：經典，只喺個盒面！

「經典」一詞通常都喺形容一啲事物，指其具有典范性、權威性、代表性，更喺有歷久不衰嘅意思，所以，通常都喺有番咁上下嘅歷史。最近，有機會試到麗思卡爾頓酒店（Ritz-Carlton）嘅「經典月餅禮盒」，只可以講：經典，只喺個盒面！

講真，個禮盒做成個皮革「首飾盒」造型，盒面烙印出酒店招牌獅子標誌，鍍金鎖頭，細緻嘅線位，顯出一派優越、高尚嘅氣質，用嚟送禮絕對大方得體、顯出地位，又美觀實用添。事後先知，原來個禮盒設計喺出自香港薩凡納藝術設計學院（SCAD香港）學生嘅設計。

一盒禮盒分上下兩層，共有8個迷你蛋黃奶皇月，全部均獨立包裝，當然方便食用，亦夠晒衛生。

而奶皇月烘得金黃，但由於餅面喺印上酒店標誌，線紋較複雜，所以，未夠清晰；再切開睇睇，外皮有少少厚，不過，奶皇餡就做得幾香，但有一點就幾奇怪，隻隻個餅底都喺拱起上嚟，實在好少見喺有咁情況。

盒底招紙都有官方嘅食法建議，就喺用微波爐加熱約20秒，但略嫌粗疏，因為唔同火數嘅微波爐出嚟嘅效果亦會好唔同。

暫時今年食咗3家嘅奶皇月，以只做網購而無實體店嘅「皇玥餅藝」做得最出色，賣相、味道都出眾；其次「奇華餅家」嘅奶皇月亦相當唔錯，口味具特色；而「麗思卡爾頓酒店」嘅出品，唔喺差，但算唔上稱為經典啫。（註：背後嘅招紙只寫住經銷商喺香港麗思卡爾頓酒店，其實，只限於晌天際100香港觀景台內嘅Café 100 by The Ritz-Carlton作獨家發售。）

個人評分
味道：7 /10
環境：- /10
服務：- /10
抵食：- /10
平均每人消費：HK$0（好友送贈）

餐廳資料：
Café 100 by The Ritz-Carlton
尖沙咀柯士甸道西1號環球貿易廣場(ICC)100樓天際100香港觀景台
2263 2356