櫻花日本料理 Sakura Japanese Cuisine：櫻明抉擇

有兩次去日本（關西、九州）都校正櫻花季節出行，不過，兩次都喺出發前個零月先話當地有寒流，比原定預測嘅開花時間遲個多星期，故跟櫻花再次緣慳一面。今日同朋友嚟到中環嘅「櫻花日本料理」，跟賞櫻無關，只喺老朋友聚舊食餐午飯而已。

屬細街掘頭巷嘅和安里，不時都會經過，眼見越嚟多食肆進駐，短短一條街仔，已有超個10間食店。其實中環有唔少價位相宜嘅日本餐廳，不過，想同老友坐得舒服，輕鬆寫意用餐，所以，走過嚟「櫻花」。整體裝修簡潔高雅，枱與枱分隔好開，完全無擠逼感。

入門口右邊一列鐵板燒吧枱位，喺欣賞師傅手勢嘅上佳位置。另一邊近窗則喺一排排卡位，通花木框間隔，令前後排卡位減低騷擾度，而卡位極之闊落寬敞，好坐舒服，喺小弟覺得最靜侷、最少騷擾嘅位置。

而枱上嘅餐具都好精緻，茶杯、碗、醬油碟、筷子……都好配合環境。

鱈魚片

先嚟一小碟鱈魚片，喺店家小小心意免費奉送。如半塊麥芽餅乾大細嘅鱈魚片既薄且脆，沾少少沙律醬，感覺更香口。

嚟得咁好環境嘅「櫻花」，就算食午餐，價位都預咗喺中等。不過咁，午市套餐都有平有貴，平則$170有交易，要豪華啲享受，貴到$780都有。而所有午餐都包括沙律丶蒸蛋丶麵豉湯丶咖啡（或者雪榚）。

沙律

既然喺食日本菜，沙律自不然帶和風味，簡簡單單嘅胡麻田園沙律，輪套餐嘅價錢相比，感覺喺有啲普通，不過，沙律菜冰涼爽口，芝麻醬亦非常之香。

蒸蛋

食完個沙律，嚟一道滾熱辣嘅茶碗蒸，啲蒸蛋滑溜到不得了，放入口瀡一聲滑落喉嚨。而蛋內有冬菇、銀杏、魚肉……等等，又有蛋香，正呀！

雜錦角切魚生丼 $200

我哋各人揀一款主食，不過，就一齊共享，試多少少嘢吖嘛。揀個角生丼，可以睇吓店家用料夠嚟夠鮮。咪睇個丼好似碗大大、飯少少，其實份量真喺一啲都唔少，啲魚生好似食極都有，而且，既新鮮，又有光澤，包括海膽、吞拿、油甘、池魚、拖羅、三文魚籽……等等，油潤、鮮甜味填滿口腔；而米飯黏糯軟綿，已加入赤醋作調味，份外好食。

雜錦天婦羅定食 $220

另一道主食，心水一喺天婦羅，一喺吉列，因為可以試出店家嘅炸功，由老友決定，就揀個無咁熱氣嘅「雜錦天婦羅」。天婦羅包括有海老、日本南瓜、茄子、青椒仔，唔單止炸得好靚，粉漿夠晒薄，而且，香脆不膩，盡顯功架。此外，海老好爽彈，南瓜十分粉甜，足見用料不賴。

味噌湯

再嚟一碗麵豉湯，細細碗，麵豉味濃郁，湯內嘅豆腐粒就非常嫩滑，雖然個湯較簡單，但好味就得啦。

雪糕

我哋不約而同都揀雪糕，口味喺咖啡味，雖然唔知咩品牌，但入口軟滑，奶味重，但咖啡味卻頗突出，而且，雪糕內更混了啲朱古力碎碎。

整體，環境、食材、服務都叫人稱心滿意，而且，幽靜嘅環境，確喺好適合讓客人慢慢享受一頓午飯。不過，唯一挑剔位，喺上完個丼飯，相隔頗耐先嚟個天婦羅，感覺無咁理想。

個人評分
味道：8/10
環境：9/10
服務：8/10
抵食：8/10
平均每人消費：HK$230

餐廳資料：
櫻花日本料理 Sakura Japanese Cuisine
中環和安里8-13號和安樓1樓
2628 3727