Pokka Cafe Grill Specialist：有大食大

好耐無見啲表姪女，打算約埋食番餐，本來預三幾個，搞搞吓，老婆、細妹、表姪仔、表姪女……成9個人咁多，作為「長輩」嘅我梗喺我請啦，一於有大食大，唔好客氣。

都知道依間Pokka都幾鬼旺，所以托佢哋搵人早啲嚟攞位，可惜我哋人未夠一半，有枱都唔入得住，最後都要等30分鐘先有位坐。其實，都喺三張二人枱拍埋，免強坐我哋9個，佢啲櫈又重又「啞咋」，感覺頗為逼，唔喺太舒服。不過，志在請一班細姪食嘢，都無所謂！

除咗啲做冬呀、團年飯呀、食盆菜呀……都好少同佢哋食飯，唔知佢哋啲口味，所以最穩陣就喺隨佢哋點，各有各嗌，再一齊分享。但結果有少少失控，叫多咗嘢食之餘，又有啲重複，為免浪費，我依個表舅父就執手尾，包底清晒所有嘢，所以食得小弟好飽好飽呀，無機會試甜品咯！

Tectonic Pizza：心血來潮食板塊

Tectonic，查yahoo字典，解作「地殼構造上的」（地理名詞），故店子嘅中文名就改作「板塊薄餅」，寓意薄餅猶如地球嘅板塊，確係幾有心思。

24吋巨型薄餅第一次試係晌中環嘅Paisano's，純粹貪新鮮，自此，亦無特別搵啲巨型薄餅去食。見到「板塊薄餅」再做團購，第一佢位處尖沙咀亞士厘道，尖沙咀既喺小弟經常出沒嘅地方，而亞士厘道更喺就近老婆做嘢附近，堂食或外賣皆可，買定絕對用得著！

櫥窗放有巨型薄餅，不過款式唔多齊！

吸飲餐飲連鎖 C-In Drinks：朱古力狂熱

雖然係九龍人，但一向都唔多出嚟旺角蒲，因為咩時候都係太多人，唯獨想買波鞋就會走過嚟逛逛，睇睇有咩心水。行完波鞋街，又順道行埋女人街，嚟到西洋菜街尾，走入百老匯睇手機兼過冷河，外面熾熱高溫真難頂。

Riso Café：意粉猶勝意式燴飯

話說陪老婆去完古法烘焙買嘢請同事食，都輪到我哋搵食醫肚，就去咗同晌地面層斜向幾個鋪位，食意大利嘢嘅Riso。Cafe小店格局，一室紅紅白白，不過枱櫈排得有點逼，牆上畫咗以「米粒」為主嘅圖案，色彩繽紛但感覺柔和，再細心睇，原來粒米就喺餐廳嘅標誌。店家走年青人路線，所以所賣嘅產品除主打意大利燴飯，仲包括薄餅、意粉，以及健康果露（Smoothie，我以前提過有餐廳譯咗個中文名俾Smoothie：思慕雪，雖然唔流行，但我都喺鍾意依個譯名好啲，因為多份詩意）、花果茶。

古法烘焙 GU FAH BAKERY：送禮新選擇

老婆變相升咗職，話想請同事食啲嘢，西餅？佢話好似老套咗啲又無新意，記起早前晌古法烘焙食雞蛋仔時，試過佢啲杏仁批同鳳梨酥，印象唔錯，又幾好食，而且，仲有多款產品，如：唔同味道嘅雞蛋卷、鳳凰卷、曲奇餅、老婆餅、老公餅、合核酥、杏仁餅、芝麻酥、牛油楓葉批……等等，所以今次就改一改，買幾盒「特產」返去請同事食，賀一賀！

御花園咖啡室 Cafe Rivoli：未遊英倫．只好味遊御花園

富豪香港酒店內嘅御花園咖啡室，雖然餐廳名字叫「御花園」，花園嘅感覺就無乜，但天花鑲嵌咗幾組大型工藝美術嘅彩繪玻璃，加上樓底又高，倒有一股氣派，再者，入口位有專人鋼琴演奏，悠揚樂韻嘅環境下，又多添幾分優雅。

八喜：喜有此理

記憶中依次已經喺第5次嚟幫襯八喜，不過對上4次都喺去灣仔店，而黃大仙店就首次光顧。諗住都喺集團式經營，分店間嘅水準應該差唔多，試過之後，似乎黃大仙店就差啲啲，好似幾款例叫嘅點心：灌湯小籠包、八喜招牌春卷、台南胡椒餅、肉燥蒸芋粿，除咗個小籠包仍然喺高水準之作外，其餘3款感覺水準下滑咗啲，例如個蒸芋粿，味道保持到，依然惹味，但質感有啲散。所以，又再次證明，分店不同，好唔好食，還看大廚手勢此真理。

因為之前都寫過咁多次八喜嘅食評，所以今次唔打算寫得太詳細喇，只想重點咁寫幾樣嘢。先講服務，落單時已吩咐先上點心，其他嘅等叫才上，唔使個次序咁亂，好多時啲食肆都做得好一般，不過八喜依方面做得幾好，井然有序。另外招呼都好妥貼，雖然喺星期日晚，既無分時段，又無時限，但依間分店又幾多人幫襯，高峰時段真喺坐到爆喎。 


環境幾雅緻，但坐滿時候就幾逼！

吉吉魚蛋：無味格仔

美孚區唔多小販檔，一喺晌美孚廣場嗰邊，一喺就晌萬事達廣場背脊位大天橋底下，有檔「吉吉魚蛋」賣港式小食，咖喱魚蛋、碗仔翅、生菜魚肉……等等「名物」，而雞蛋仔同格仔餅又點少得架，而老闆仲棟個易拉架，寫住雞蛋仔喺店長推介必試產品，但我又好想食底格仔餅頂頂肚，因為今晚夜食飯。

2011年9月國內山區工作點滴

在之前的山區工作分享中，也提及過我們絕大多數往返內地，也是從深圳出發的，而非從香港出發，一來是機票價錢便宜（比香港便宜一半，以非旺季而言，一般來回機票都是HK$1,900-HK$2,100），二來是深圳出發的航班選擇多，易遷就到我們的工作安排。不過，最近「香港航空」加多了一個新班次，去程香港直航至重慶12:30-14:30，回程重慶至香港15:30-17:30，票價連稅才HK$2,300，是十分划算的選擇。可惜，一段日子之後，再沒有這個航班了！

新加坡優休悠遊 – 第4日

16 Sept, 2011 (Fri) 陰 27℃-30℃

來到新加坡行程的尾聲，雖然整日天氣時陰時晴，但又不算得很熱，保持着27-30°C。昨日早點睡，所以今早就可以輕鬆早起身。

大清早，在酒店的餐廳先吃一頓稱心的自助早餐，享受過後，再到沙灘走一走，幫助消化。昨日的活動範圍全在「中部」的巴拉灣海灘，故此，今日的範圍就放到酒店這邊「靠西」的西羅索海灘。在沙灘都逛了整小時，然後返回酒店泳池游早水，再「施施然」收拾行李，辦退房。

中午時段，就去了行程最後一站，就是酒店後山上的「蝴蝶公園、昆蟲王國」，聖淘沙本身有很多行山小徑，稱之為「Nature Walk」，經這些小徑很快就可以由酒店轉過去蝴蝶公園。完成了這個行程，返酒店取行李，再出怡豐城（Vivo City），在大食代美食廣場吃個午餐先直奔前往機場。

聽聞樟宜機場十分之大，共3座客運大樓，不過時間上有些緊拙，未有機會去看看T1和T3，就只留在要登機的 T2逛一圈，跟向日葵打個招呼影影相，旁晚5:20pm就起飛歸航香港，正式結束4日的「新加坡優休悠遊」咯！

新加坡優休悠遊 – 第3日

15 Sept, 2011 (Thur) 晴陰 27℃-30℃

來到新加坡的第三日，由於昨晚去不成Night Safari，所以早點休息，今朝亦可以早早起床！朝早收拾好行裝後，先辦退房、寄存行李，就可以安心出去暢玩。

第一站，是去吃早餐。昨日去亞坤咖央吐司咖啡店，失敗了，今早就按計劃去吃黃阿細肉骨茶，幸而只是店家的位置稍為偏，找了好一段時間。吃完早餐，再到附近的小印度行一圈，都有點兒特色，但就算不上十分特別，所以逛了半小時多就離開了。

然後乘MRT走回東新加坡那一邊，尋找了土生華裔祖屋影影相，再到五星海南雞飯吃午餐，兩者位置上很接近。乘兩個站的MRT，返回酒店取行李，就直往聖淘沙！

進入聖淘沙非常方便，MRT直達Harbour Front站（NE1），再轉Sentosa Express入島，入到去有巴士和沙灘電車，全部不用再付費，方便又慳錢。大概4:00pm到達酒店，一如過往，行程尾段我們都會選擇住得好一點、舒服一點、輕鬆一點，所以就揀了仿如置身在森林內的Siloso Beach Resort（新加坡喜樂聖淘沙度假旅館）。

聖淘沙南面海灘區一共有3個海灘，最西是西羅索海灘 (Siloso Beach)，最東就是丹絨海灘 (Tanjong Beach)，而較中間位置正正就在聖淘沙捷運的海灘捷運站對出的就是巴拉灣海灘 (Palawan Beach)。巴拉灣海灘有幾個「景點位」，所以今日玩「中部」的巴拉灣先，首站是巴拉灣的動物天地欣賞動物匯演，之後再去亞洲大陸最南點拍拍照。6:30pm左右，去節慶酒店的Fiesta餐廳，因為有個十分抵吃的前菜加甜品自助餐（Appetizer & Dessert Buffet），吃到飽飽，再返回沙灘區睇8:40pm場次的「海之頌」表演。然後，回酒店的路上散散步，路經魚尾獅塔，欣賞一下皎潔月色，返到酒店才只是十時許，對香港人而言，還很早呢。

新加坡優休悠遊 – 第2日

14 Sept, 2011 (Wed) 晴陰雨 25℃-32℃

今日新加坡天氣十分反常，可以非常好天氣，陽燒普照，卻又可以傾盆大雨，好像打風似的。

昨夜玩得較晚，所以，今早則遲一些才起床。早上打算去牛車水，所以就想着先去附近丹戎巴葛區的亞坤咖央吐司咖啡店（21 Tanjong Pagar Road）食吃咖央多、嚐半生熟雞蛋，誰不知旅遊書的資料出錯，抑或人家已搬，白行了一趟。繼而轉去不遠的麥士維熟食中心一次過吃一頓早午餐。

餐後，就逛安祥山、牛車水，算是到此一遊，作為華人怎樣也要到當地的唐人街走一圈。牛車水有條史密斯街，其實是條食街，不過，時間尚早，一檔也沒有開，無緣一試。下午，就去新加坡植物園，主要目的是內裡的國家胡姬花園（國家蘭花園），這個是太太指定想去的「指定景點」，因為她同事說裡面有很多不同品種的蘭花，而且很漂亮。最終我倆在裡面逗留了3個多小時，一來我們不停影影影（她當然正學影相），二來又要避雨呢（下了一場小雨，一場大雨），所以才弄得這麽久！

夜晚原本計劃去Night Safari，所以，到訪完新加坡植物園，就返回烏節路那邊，在ION Orchard的美食廣場吃晚飯，然後再以地鐵轉巴士入去Night Safari。正想着下午下了兩場雨，雨過天清，太陽也出來了，豈知9入Night Safari的巴士車途中，突然傾盆大雨得緊，到了Night Safari還下着毛毛細雨。買入場券時，服務員也溫馨提示我們，剛下完雨，園內的動物可能大部分也躲起來，會比正常情況下少很多動物出沒，甚至可能甚麼也看不到，被他這樣「兇一兇」就決定原路走，逛一會兒商場就早點返酒店休息吧！

新加坡優休悠遊 – 第1日

13 Sept, 2011 (Tue) 陰雨 25℃-30℃

常常聽別人說到訪新加坡是一件很悶的事情，只是大城市一個而已，跟在香港差不多，逗留3天也嫌多了呀！不過，在籌備這一次獅城之旅，發覺都有幾多地方想去，因為想玩得輕鬆、休悠，所以原先是計劃去5日的，機票、酒店都一早訂好了。不過，由於有個親友突然離世，守夜日正正是回程那一晚，所以行程因而縮短了一天，幸得老婆體諒兼配合。雖然很多安排打亂了，但都只屬小事一樁！

一早打算獅城是趟休悠之旅，所以行程安排得好寬鬆，去得多少就看多少，一切以休悠為優先，故此個旅程名稱就改為「新加坡優休悠遊」。大致行程如下：

Day 1 – 安頓好，旁晚到新加坡河一帶遊覽，看看魚尾獅，之後到makansutra gluttons bay露天熟食中心嚐地道美食；
Day 2 – 牛車水、新加坡植物園、國家胡姬花園（國家蘭花園）；
Day 3 – 早上，吃罷黃阿細肉骨茶，在小印度走一圈，再在新加坡東區逛逛；下午，入到聖淘沙遊覽各處景點，晚上在節慶酒店輕鬆吃一頓前菜加甜品自助餐，餘慶是欣賞「海之頌」表演。
Day 4 – 走走沙灘、游游泳，何其輕鬆寫意！到訪酒店附近的「蝴蝶公園、昆蟲王國」後，就要離開聖淘沙，直往機場。

由於中午機，9:00am到機場登記、行李寄倉，再在機場Traveller Lounge享受一頓早餐。12:15pm正式起飛，首次搭HK Airlines的飛機（Airbus 330），機上餐飲、服務，感覺不錯，又有獨立視聽系統，看一齣尊尼特普配音的卡通「馬拉高」，很快（3:30pm）就到了新加坡樟宜機場。

乘MRT（新加坡地鐵）先到酒店Hotel 81 Lucky安頓，小休後就出動了。第一站是海濱區的濱海藝術中心、海濱長廊、新加坡河；再在濱海藝術中心側的Makansutra大牌檔吃黑胡椒蟹、沙嗲……等地道美食。飽餐過後，再過橋遊魚尾獅公園，順着新加坡河去到碼頭區同酒吧街，故今晚玩得夜了點。