店內環境唔喺好大，屬小店格局，一室美式風情，牆上掛滿充滿美國味道嘅海報，配以柔和燈光，節奏輕快嘅音樂，雖然點餐運作喺半快餐模式（即喺晌櫃表點餐後，再有店將食物送上），但一樣甚有氣氛。唯挑剔少少喺全店都喺高腳枱櫈，但枱底無設置一啲掛鈎，又或櫈底無放置一啲小籃以便客人擺放背囊或手袋之物。
以漢堡包店而言，食物嘅選項真喺唔少，起得個名有Seafood一字，當然亦有海鮮嘅選擇，如龍蝦、虎蝦、魷魚鬚、帶子、青口、珍寶蠔……等等。兩大頁嘅餐牌，除海鮮類，仲有肉類、意粉、餐湯、小食、沙律，以及另一主打漢堡；飲品方面，除咖啡，汽水，仲有多款梳打。
薯格 $28
依度嘅漢堡無伴薯條（只伴少少沙律菜），而薯仔小食有脆薯條、薯角、薯格，可惜無混合，所以點一客薯格試試，因為我哋都較少食。薯格炸得香脆，最得意喺支茄汁，仲以為喺「地捫」貨色，原來經調校過，酸香得嚟帶少少辣，原來加入咗黑椒，所以，較單單茄汁惹味。
蝦兵蟹將堡 $78
以往食海鮮類漢堡，多數只喺魚柳，至多食過一次蝦餅，大蝦拼軟殼蟹依個組合真喺幾有新意，原來更喺店方招牌之一。包內墊有蕃茄、生菜及加上自家醬汁，估唔到效果幾得喎，有爽口，又有煙韌嘅口感，軟殼蟹入口又唔油，鋪滿黑白芝麻嘅包身鬆軟又夠回彈力，而且，漢堡做得唔會太巨型，食起嚟唔會太「拿手唔成世」，雙手撳一撳就可以一啖咬落去。
香辣羊仔柳漢堡 $45
老友都算算哋喺羊痴，所以，9款漢堡中佢指明想試試個羊仔柳漢堡，小弟都食羊，當然樂意奉夠。麵包內夾住幾件羊仔柳，仲有紫椰菜、蕃茄、洋蔥及自家醬汁，如果喜歡食羊嘅朋友一定試試，羊肉帶點點羶香，唔太嗆，相信一般人都接受到，而肉質好軟腍，自家醬汁帶微辣，配合紫椰菜、蕃茄、洋蔥，真喺好食。
鹽燒海鰲蝦 $88 / 兩隻
本來想試吓款蒜香鹽焗珍寶老虎蝦，不過，店員推介隻鹽燒海鰲蝦，原價要成$58 / 隻，依家就賣$88 / 兩隻，師傅會開邊稍稍調味再燒，入口香草味唔會太濃，仍然有鮮蝦味，肉質彈牙爽口，蝦頭又有少少膂，都唔錯喎。
香草煎紐西蘭羊架 $56 / 兩件
都話朋友喺羊痴，羊仔柳漢堡都唔夠，再追加煎羊架，仲要一客都唔夠，叫夠兩客。啲羊架好抵食，一客兩件都只喺賣$56，仲要有番咁上下大支，煎得啱啱好，外皮帶點脆，內裡質感嫩滑，又富肉汁，帶淡淡香草味。
松露蒜香鴨胸意粉 $48
意粉共有4款（意粉可改長通粉），都喺賣$42-$48，一啲都唔貴，而且，估唔到份量十足，賣相跟大餐廳做嘅一樣無欺場。意粉煮得有咬口，既有松露味道，又有蒜香，兩者都平衡到，唔邊單一方面太搶，而鴨胸切成絲，拌住意粉一齊食，真喺啖啖滋味。
罐裝汽水都賣都$16一罐，所以，朋友話倒不如揀梳打，小弟本來偏好喺熱鮮奶咖啡，不過，又薯格，又漢堡，仲鹽燒蝦，所以，改改飲杯凍嘅！
菠蘿梳打 $22
梳打水加入菠蘿汁，製作簡單嘅凍飲，朋友話菠蘿味幾清甜，少少酸酸爽爽。
薄荷青檸梳打 $26
外觀睇見都叫人清爽一陣陣，入口更喺涼快逼人，薄荷、青檸，帶出涼爽嘅組合，應該好襯今晚嘅嘢食。
榛子鮮奶咖啡 $32
其實，小弟都好少飲凍咖啡，因為會被啲冰沖淡，飲唔到當中嘅原味，不過，杯榛子鮮奶咖啡都唔錯，香滑而滲出點點榛子香味。查實，食住漢堡及燒烤炸嘢，都喺應該飲梳打或其他凍飲好啲。
其他漢堡都有興趣，有機會，叫個全份嘅烤焗波士頓龍蝦，加一客龍蝦司令堡，豪食番一次，而野菜農場烤菇堡就最啱食素嘅老婆喇！
個人評分
味道：8/10
環境：7/10
服務：8/10
抵食：9/10
平均每人消費：HK$160
味道：8/10
環境：7/10
服務：8/10
抵食：9/10
平均每人消費：HK$160
餐廳資料：
Seafood Stand
紅磡必嘉街聯盛大廈鴻運閣地下13號舖
2968 0606
紅磡必嘉街聯盛大廈鴻運閣地下13號舖
2968 0606
沒有留言:
發佈留言