小黑糖 Baroness：「黑」敵制勝

啱啱喺「餓媽家姐」度食完手工漢堡，見正正隔離有間台式茶飲店「小黑糖」，啱晒我啦，睇落啲出品仲非常吸引，就順到買兩杯外帶慢慢嘆。

呢類台式茶飲店嘅環境都喺大同小異，鋪仔細細一眼睇晒，除咗週圍貼滿產品推介之外，有一小角落擺咗啲精品文具作販賣。

睇佢啲單張特別標示「源自台北的手炒黑糖風味」，咁就當然試佢啲黑糖產品啦。整體選擇包括小黑糖系列、濃白奶茶系列、鮮果調茶系列、歐蕾系列、冬瓜系列、經典醇茶系列，都幾多樣化。如果心大心細難唔知揀咩好，咁就不妨參考本週排行榜啦！

小黑糖珍珠厚鮮奶 $35
黑糖、珍珠、鮮奶喺其中一種最合我心水嘅組合，二話不說就揀定佢，而店家仲有一款「厚鮮奶」，加埋手打杏霜，咁就當然要試吓啦。搖勻之後，入口4.3牛乳唔喺流，奶味濃郁，隨之而嚟滲出陣陣黑糖清甜味，而杏霜味就有啲隱隱若若咁，底下嘅珍珠標明由台灣直送，自然喺加分位，咬落煙煙韌韌好有咬口。

小黑糖冬瓜鮮檸 $29

本來想試百香果綠茶，因為啱晒老婆飲，但喺見到呢款冬瓜鮮檸好似幾特別咁，所以，改咗試下新嘢。本身都鍾意飲冬瓜茶，覺得清清甜甜，依家加咗黑糖同埋鮮檸，出嚟嘅效果真喺幾特別，潤潤哋，又有啲清爽感，夾雜黑糖香，唔錯！唔錯！。

依家啲茶飲店競爭確喺幾激烈，間間都要有啲獨門秘方，才能克敵制勝，而啲產品唔花啲心思，或者搞啲新嘢，真喺幾難吸引客人，尤其香港人，一向都貪新鮮嘛！

個人評分
味道：9/10
環境：7/10
服務：8/10
抵食：8/10
平均每人消費：HK$32

餐廳資料：
小黑糖 Baroness
地址：尖沙咀加拿芬道45-47號宏生大廈地下D1號舖
電話：2983 8896