餸記潮食：「餸」心保證

雖然作為美孚街坊，但都唔喺試盡美孚嘅所有餐廳，一來喺睇個人喜好，二來都喺參考住晌同區老嘅報料。最近，有老友話區內新開幾個月嘅「餸記潮食」啲滷水幾得，比同區嘅「樂園潮州粉麵」仲好，所以，搵晚幫襯吓買份滷水當加餸。

隔住玻璃可以睇到師傅做菜，而望落去，環境幾企理。上格就掛滿好多滷水鵝，枱面就擺放咗唔少潮式美食。

下格呢就列印晒全店嘅食物選擇同價錢，包括王牌嘅滷水鵝、滷水拼盤、潮式凍魚、小食。當中，仲有一款特別顯眼嘅出品：威士忌酒香鵝肝，鵝肝膽固醇頗高，家人唔好啱食，不過，潮式嘅滷水鵝肝本身都有名氣，呢款加入威士忌酒嘅，感覺亦都幾特別。

滷味雙拼 $128
滷味有雙拼（$128）、三拼（$168）、五拼（$198）可揀，簡簡單單揀咗鵝肉拼墨魚就夠喇，買滷味還附有一大兜滷水汁，店家就溫馨提示話將滷水汁翻熱後倒入拼盤內。不過，我哋見兜滷水汁咁大兜，留起一半用嚟撈麵食，同樣咁正。

墨魚片塊塊厚薄均一，入口軟柔，咬落有韌勁，卻唔會韌到咬唔開。

鵝肉切得厚薄適中，肉質很嫩，好有鵝嘅肉香，醇厚嘅滷水浸得入味！

墨魚、鵝肉底下墊有唔少滷水豆腐，口感滑溜，有豆香，同樣滲出醇香滷水味。

食咗3款滷水嘢，果然喺唔錯，滷水本身都醇香細膩。依家晌疫情之下，呢一類外賣、加餸小店都應該有得做。

個人評分
味道：9/10
環境：7/10
服務：7/10
抵食：8/10
平均每人消費：HK$40

餐廳資料：
餸記潮食
美孚百老匯街74號美孚新邨三期地下6號舖
6740 1709