而我哋訂枱無特別註明，卻安排坐晌最後面近窗嘅四人枱，正正有個大維港景睇吓。
再睇睇枱上嘅餐牌同餐具，唔翻開餐牌嘅話，仲以為喺嚟食中菜喔。
由於本餐牌頗大又厚身，頁數多，比較難影，所以，今次就無影個餐牌俾大家參考，但圖文並茂，喺方便到食客。不過，就提提佢哋少少收費，如茶芥每位$8，餐前小食就$12碟，免切餅費……得等。
講開茗茶，唔喺普通嘅香片、普洱嘅中式茶，茶味中滲出少少荔枝味，感覺頗特別。
熱羅漢果龍眼蜜 $28
佢哋呢度有好多星馬特飲供應，冷熱都有，如鮮檸薏米甘蔗汁、、美祿哥斯拉、香茅薑母茶……等等。我哋就揀咗一壺「熱羅漢果龍眼蜜」，貪天氣乾燥飲呢啲就夠潤，果然入口好清潤，非常有龍眼嘅清香。
餐前小食 $12
唔喺咩花生之類平嘢，而喺近年特別熱門咗嘅炸魚皮，咬落極之香脆，半點油膩味都無。
涼拌牛蒡木耳絲 $48
見啲冷盤頗有特色，所以，先嚟兩道冷盤先過過口癮，邊食邊傾偈。 牛蒡絲、木耳絲都切得好幼細，拌上少少麻油，爽脆而香口。
沙葛柚子蝦沙律 $62
好少食到搵沙葛做嘅沙律，除柚子、大蝦，仲加埋啲提子乾增加多少少口感，而沙葛爽口，柚子清甜爆汁，大蝦亦好鮮甜，最得意喺個醬汁加入香橙，但我哋就覺得稍為甜咗少許啫。
沙嗲拼盤 $82
沙嗲嘅款式有牛、豬、雞、羊，而且，每種肉類又會有一、兩款部位選擇。不過，最好喺揀拼盤，6串嘅可以任揀兩款（$82），12串嘅就可以揀4款（$148）。我哋得3個人，就梗喺揀6串啦，串串沙嗲都燒得好靚仔，伴上大大碟沙嗲醬。
牛肉沙嗲
老婆話食沙嗲就梗喺配牛肉啦，難得佢肯就一就，其中一款就揀牛肉，牛肉入口好腍滑，富肉味，而外層又有焦脆，有點點炭火香，好食。
羊肉沙嗲
另一個難得喺我哋3個都食得羊，所以，另一款串燒就揀羊肉，啲羊肉亦好軟腍，且唔會燒到乾晒，而羶味唔太重，相信一般客都接受到，至於啲沙嗲，推得好香，花生味頗濃郁。
星洲蠔餅 $78
雖然喺叫星洲，但就唔喺好識跟潮州嗰啲有咩分別，我諗可能喺配咗啲新加坡辣醬及魚露。啲蠔餅既大個，又厚身，甚具蛋香，而蠔肉飽滿大粒，用料無欺場，最緊要喺煎得唔會太油吖嘛！
肉碎秋葵生菜包 $68
老婆對呢道菜有少少失望，因為一心想食啲秋葵，但份量卻得好少，然而，整道菜本身卻喺幾好食。一來啲肉碎喺無乜肥肉，二來炒得香口，又加入少少魚乾，搵啲生菜連埋芫荽包住一齊食，感覺清爽不膩，卻喺味道富層次。
新加坡海鮮椰香喇沙 $98
最後，搭一道粉麵作結，實夠晒飽飽啦！星馬粉麵當然首推喇沙，食整都咁鍾意，其實呢道菜好多星馬餐廳都做得好。而「少爺」嘅「新加坡海鮮椰香喇沙」同樣做得出色，賣相更特別將啲餸料排得整整齊齊，兼且好豐富，有鮮蝦、炸魚片、魷魚、豆卜及雞蛋。
湯底濃郁富椰香，更有種從香料而嚟嘅層次感，而粉底唔喺單單配瀨粉，仲有啲參參嘅做法，混上油麵，炷炷粉都沾滿喇沙汁，夠晒風味。一碗喇沙份量好足，分吓分吓都分到足3碗滿嘅。
無諗過啲生菜包都食得人幾飽，而喇沙亦比預期大份量，所以，食完晒所點嘅菜式，大家都話好飽食唔落其他嘢，故此，雖然有唔少甜品供選擇，但都喺食唔落。最後埋單都喺$550，都幾抵食，加上又儲到少少飛行里數添。
個人評分
味道：8/10
環境：8/10
服務：8/10
抵食：8/10
平均每人消費：HK$185
味道：8/10
環境：8/10
服務：8/10
抵食：8/10
平均每人消費：HK$185
餐廳資料：
海南少爺 Hainan Shaoye
尖沙咀廣東道3-27號海港城海運大廈地下G16號舖
2110 3533
海南少爺 Hainan Shaoye
尖沙咀廣東道3-27號海港城海運大廈地下G16號舖
2110 3533
沒有留言:
發佈留言