走入啲，就喺用餐區，裝修簡約帶點北歐風，藍白為主色調，木紋餐枱，水泥地台，嚟得自然，加上樓底高，空間感唔錯。
晌門口已放置咗一大個餐牌，分為主菜、小食、未來漢堡3大類，兼有多類飲品選擇，如冷壓果汁、咖啡、沙冰、茶品及特飲。
點餐運作採自助模式，晌櫃枱落單，有個蜂鳴器，聽到響聲就出去拎。而餐具、餐紙一一已放晒晌枱面，自行搞掂。
此外，白開水亦自己顧自己，就放晌半開放廚房旁，仲帶額外嘅碗碟都可以晌度拎。非繁忙時段，店員有時候都會幫手捧餐。
牛油果焗蛋 $38
賣相幾標緻，牛油果去咗核，再放個蛋黃上去，灑上素巴馬臣芝士烘焗，牛油果跟蛋黃味道幾夾，而且，口感好融和，有種軟軟滑滑嘅感覺。唯挑剔就喺唔夠熱辣，否則就更香。
咖喱三寶配豆乳家常麵 $69
老婆食嘢好講健康，所以，竟然晌度遇到咖喱三寶，喺健康嘅咖喱三寶，就極好奇想試。三寶有蘿蔔、魚蛋及魷魚，後者仲埋花，啲咖喱香濃惹味，微辣；啲家常麵似喺上海麵，色白幼身，都滑口，沾點咖喱汁，正呀！難得全部喺素食食材，安心之餘，佢可以大飽口中福。
足甘筍漢堡 Plus $62
呢個喺新登場產品，個漢堡好簡單，只喺夾有生菜及甘筍「扒」，配較韌身嘅英式鬆餅，伴有牛油果、粟米、紅腰豆，賣相頗清新。
但講到味道，感覺喺寡咗少少嘅，一來漢堡內無添加任何醬汁，二來單單只夾甘筍扒，所以，小弟就將啲牛油果夾埋入去食，以期增加味道層次。
冷壓果汁 +$28
點主菜或漢堡都有升級優惠，原價賣$38.9嘅冷壓果汁就喺其一，優惠價平足10蚊。雖然只有指定款式，但啱心水嘅「芒果蘋果」口味就喺其一，冷壓嘅賣點就喺原原本本保留晒所有養份。支果汁幾大支吓架，芒果味喺佔比重大啲，但蘋果香亦有滲出嚟。
總之喺食素嘅，老婆就開心，加上咁有特色嘅素菜，佢自然食得更稱心。仲話，又有新素菜店介紹俾啲素友！
個人評分
味道：7/10
環境：8/10
服務：7/10
抵食：8/10
平均每人消費：HK$100
味道：7/10
環境：8/10
服務：7/10
抵食：8/10
平均每人消費：HK$100
餐廳資料：
Green Common
尖沙咀廣東道3-27號海港城海運大廈地下OT G61號舖
3102 1220
Green Common
尖沙咀廣東道3-27號海港城海運大廈地下OT G61號舖
3102 1220
沒有留言:
發佈留言