最正喺出面嘅「騎樓」保持原汁原味，特色懷舊嘅瓦仔，修長嘅屏風木門，放上幾張櫈，充滿50、60年代氣息。唔知喺唔喺農曆年嘅應節班，更擺咗少少自家賀年零食俾學員享用。
另一邊騎樓大廳，更「晒冷」放晒所有奇華賀年出品，目的就梗喺介紹佢哋有咩出品啦。
既然喺工作坊，正所謂工欲善其事，必先利其器，每個學員嘅工作枱非常之闊落，設備齊全，一切「架生」都準備好，圍裙、用具、所需材料，一應俱全，所有材料亦都量好晒。
講義亦印刷精美，食材份量、製作步驟都清清楚楚，小弟要學嘅喺「臘味蘿蔔糕(實習)及黃金馬蹄糕(示範)班」，話就話3個小時，一般嚟講，兩個半鐘乜都搞掂晒。
一切就緒，但就未動手做住，先喺出去大枱睇師傅示範一次，一邊做，佢就一邊講出製作時嘅竅門及要注意嘅地方。每班頂多只接待16人，所以，唔會過逼睇唔到師傅示範，再暫，可透過上面嘅大電視睇到師傅嘅一舉一動。
師傅嘅成品
師傅按步就班慢慢示範完，就輪到我哋落手落腳，睇嚟都算幾易。萬一忘記咗啲步驟，或唔喺好肯定搞粉漿得唔得，都唔使擔心，導師都會從旁協助。再者，有啲入爐嘅步驟，有啲奇華嘅職員幫吓手，而師傅講明，呢個食譜設計如果唔喺咩犯大錯，基本喺零失敗。
最後，唔少得拎走自己嘅成品啦，小弟底糕都做得唔錯架，有板有眼。
小弟嘅成品
由於蘿蔔糕本身要蒸75分鐘，所以，晌蒸糕嘅時段，師傅就示範製作黃金馬蹄糕。至於個馬蹄糕嘅製作過程就唔多講，上載少少相片作為製作花絮，睇落其實亦都唔難整。
師傅嘅成品
由於新鮮蒸出嚟嘅糕唔可以即刻食，又唔知喺咪就嚟過年關係，師傅另外煎咗兩底糕俾我試，當然喺奇華嘅出品啦，當喺做吓宣傳。
先試嘅喺「金華火腿腰果糕」，原盒拆出嚟切件煎，有好多腰果，內裡混有金華火腿，鹹鹹香香，糕身夠挺，唔會好削，好食。
另外一款就喺甜糕「蔗汁馬蹄糕」，師傅話呢款出品喺用鮮榨蔗汁，果然，入口蔗汁味濃而清甜，糕身軟糯帶點煙韌，馬蹄粒加添一份爽口感，掂喎。故此，都有打算買呢兩款糕返去同屋企人試，因為真喺幾有特色。
如果對奇華工作坊嘅活動有興趣，各項詳情，開放時間，有咩活動，可瀏覽官網https://studio.keewah.com/frontend/web/index.php，有時間我都想學吓整唐餅呀。
個人評分
好玩指數：9/10
抵玩指數：8/10
實用指數：9/10
抵玩指數：8/10
實用指數：9/10
奇華工作坊 Kee Wah Studio
地址：香港灣仔皇后大道東188號2樓
電話：2343 8106
學費：$450
地址：香港灣仔皇后大道東188號2樓
電話：2343 8106
學費：$450
沒有留言:
發佈留言