喜來稀肉 Seorae：烤肉，喜動吧！

過江龍韓燒店「 喜來稀肉」2013年尾落戶香港，不經不覺，在港幾年都累積開咗7家舖，雖知道，晌香港做飲食都唔喺一件易事，打好根基再慢慢擴張喺好重要，以往都見唔少食肆一喺就食住條水急速擴張，一喺就擴張過渡，最後結業收場。對上一次到訪喺尖沙咀嘅「老店」，已喺2014年初嘅事，事隔3年半，唔知質素如何？

地下鋪面只喺餐廳入口，真正用餐區位於地庫，踏入餐廳就喺排排坐嘅等候區，就算訂咗位都要人齊先安排枱。

而等位區有個告示牌，寫明入座限時90分鐘，到第75分鐘時就唔可以加蛋、加前菜，個半鐘食一餐韓燒真喺好掹水，所以，最好喺諗定嗌乜，一坐低就點菜唔好嘥時間。之不過，今晚唔算人多，所以，90分鐘嘅要求都無嚴格執行。

環顧餐廳，其實環境幾大，又鎅開好多個分區，一室水泥地配紅磚牆，中央仲植咗樖樹，圍咗啲木櫈，睇起嚟好似啲韓國嘅小社區晌街坊公園圍起嚟食韓燒。抽風系統用上抽式，燒嘅期間唔算大煙，食完亦唔覺一身煙味，不過，因為今晚都未算好爆場，未算真正考驗。

現場環境比較幽暗，所以，影起相嚟比較難，嚐試影一影餐牌，效果麻麻，即管貼出嚟俾大家參考。當中有純豬、純牛嘅套餐，如果喜歡集中某啲部位，就散點最好。最有趣喺豬肉類、牛肉類有埋個「解剖」公仔，等你知吓個部位晌邊度。

此外，仲有雞肉、海鮮、蔬菜嘅散點作為燒烤食材，而非燒烤類嘅就有湯類、主食、麵類、一品菜、酒類及其他飲品。除中英韓文對照之外，大部份食物都圖文並茂，方便參考。

牛肉蘿蔔湯

食韓國菜嘅特色之一就喺啲前菜，未坐定就嚟三小碟，以及「一碗」牛肉蘿蔔湯。無錯，喺得一碗，韓國人好興一人一羹分享，港人就未必鐘意，之不過，個湯飲落幾清甜。

前菜

前菜有生洋蔥絲、韓式泡菜及豆辦醬大豆芽生菜絲，雖則話前菜，不過用嚟夾肉再包生菜食都唔錯，作烤肉間嘅間場又得，而個別就咁食小弟就較喜歡豆辦醬大豆芽生菜絲，清爽得嚟有點惹味。食烤肉，除可配搭啲前菜外，3款佐料亦可以隨個人口味好好利用，韓式甜辣醬、豆辦醬、欖油海鹽3款佐料中，最好用都味韓式甜辣醬，可提升肉香，話喺辣醬，其實唔喺點辣。

生菜籃

有睇韓劇或去過韓國就知啲生菜點用，唔使我多介紹，唯一想講喺啲生菜免費添加，食完一籃，我哋都無出聲，店員就自動送上一籃新嘅，非常貼心、醒目。

爐邊蛋

晌特製嘅烤板上，三分天下，外圍嘅凹槽一條用嚟烤蒜粒，一條烤芝士蛋漿，一條烤泡菜蛋漿。個人較鍾意燒到中段食，底層微微焦脆而面層仲保留少少軟心。烤到尾先食，我就覺得啲蛋變得老身。

壹頭牛 $488

左度右度，套餐都喺最划算，兩款兩人拼盤套餐：壹頭豬、壹頭牛，兩款拼盤都包咗5款肉，以及兩客飲品。最後，決定揀上壹頭牛拼盤套餐，烤肉包括喜來稀肉、牛五花、特級牛頸、牛肋骨肉、烤調味牛排骨5款，等陣就逐樣逐樣同大家分享。

桃子汁（餐飲）

睇餐牌時，原以為喺韓國罐裝汽水，送到嚟實際喺散裝，無論乜裝都好，好飲就得喇。友人話杯桃子汁幾好喎，雖然唔喺鮮榨嗰種清香，但飲落都清甜唔作假。

藍色檸檬汽水（餐飲）+$5

咪俾佢藍色嘅外觀嚇親，入口其實只喺檸檬梳打，味道唔會話超特別，但勝在冰涼清爽，涼快清爽一下口腔之用，再者，夠晒大杯，啱啱食一餐烤肉就飲晒。

喜來稀肉

捲成花形嘅喜來稀肉，其實喺切成薄片嘅牛肉，拆開後都有好多片，概略印象上都有7-8片，由於薄，所以，放晌爐中唔使燒好耐就可以食。口感柔嫩，油脂度屬中等，唔會太油，亦有充足嘅脂香感。由於始終有一定嘅油脂，夾生菜食就最好不過。

牛五花

平時食五花腩都喺講緊豬肉，牛一樣有「五花」，同樣包含脂肪部份不少，友人睇見都有點怕怕，少試一件起，兩件止。燒好之後，啲脂肪自我隱藏，感覺無咁肥膏感，但喺夾多少少洋蔥、大豆芽、蒜頭食起嚟就無咁罪惡感，然而，油香晌口腔內滿到瀉。

特級牛頸

牛頸肉件件切得四四正正，色澤鮮紅，油花分佈平均，而且花紋細緻，未食都覺得好上等。燒過之後，牛頸肉肉質極之腍滑，牛味出眾，加上油花平均，食落份外甘香。最好喺沾點甜辣醬淨食，唔需要夾呢樣嗰樣，純粹品嚐其肉香及油香。

牛肋骨肉

肉與肉之間有層脂肪，但又唔似牛頸肉一類咁平均，燒過後入口肉質柔韌有彈性，比較有咬口。幾款肉都切成嘅呎吋剛好，一口一件，方便食用。

烤調味牛排骨

外觀、線紋都有啲似特級牛頸，只喺調味過色澤帶沉。啲牛排骨肉口感軟腍，加上調過味，味道亦比較重。

杏鮑菇 $50

啲烤肉包住生菜食既可減膩，又可增加纖維質吸收，不過，友人還是想烤點蔬菜，故此就點一客杏鮑菇。啲菇燒完之後自然變得軟身，但口感卻喺有少少爽脆嘅感覺，菇味亦不俗。

一次過試到5款肉，而肉嘅質素又高，真喺好滿足，絕對「喜」來。

個人評分
味道：8/10
環境：7/10
服務：7/10
抵食：7/10
平均每人消費：HK$300

餐廳資料：
喜來稀肉 Seorae
旺角廣華街3號百利達廣場地庫
2104 6882