啱啱做緊一個期間限定「春之彩」系列，啲款式都幾特別，試咗其中兩款：櫻花立魚及吉備奈子，又有另一張「本店誠意推介」之選，當然興致勃勃又點選咗兩款：火炙芝士玉子及火炙北海卷。
此外，再加埋大家嘅心水選擇，食住先，唔夠再嗌。反正打開本餐牌，裡面嘅選擇多的是，壽司、軍艦、手卷、刺身、料理、汁物、烏冬、沙律……一應俱全。雖然有話食壽司有個次序，先由白身魚開始食，跟住赤身魚、多油份嘅魚、貝類、軍艦、卷物，不過，又唔喺咩頂級食壽司達人，輕輕鬆鬆隨意可以啦。
油甘魚（$26 / 兩件）、櫻花立魚（$24 / 兩件）、挪威三文魚（$14 / 兩件）
- 油甘魚，淡紅嘅油甘魚，油花唔算好重，但甘香獨特，鮮甜味美；
- 櫻花立魚，魚身雪白，入口肉質彈牙；
- 挪威三文魚，三文魚油脂唔錯，厚薄均一，$14已有兩件，實在非常抵食，順帶講埋飯粒，飯粒帶微暖，夾起唔易鬆散，大細恰如其分，一口一件啱啱好。
- 櫻花立魚，魚身雪白，入口肉質彈牙；
- 挪威三文魚，三文魚油脂唔錯，厚薄均一，$14已有兩件，實在非常抵食，順帶講埋飯粒，飯粒帶微暖，夾起唔易鬆散，大細恰如其分，一口一件啱啱好。
油甘魚（上）、櫻花立魚（中）、挪威三文魚（下）
人氣三點盛（$32份）、池魚（$18 / 兩件）、帶子（$32 / 兩件）、吉備奈子（$16 / 兩件）- 人氣三點盛，有三文魚、千尋海老及帶子，前者三文魚上文已講，帶子下面會詳細講，而中間嘅千尋海老只不過喺甜蝦加上蟹籽，鮮甜度十足；
- 池魚，讓咗俾兩位朋友食，所以，無評語，亦無補充；
- 帶子，因為大家都鍾意食，所以點夠兩客，帶子起咗雙飛，都依然大粒厚肉，爽口鮮甜，超正；
- 吉備奈子，依個名都喺第一次聽，外觀好靚，有條銀帶圍住，不過味道真喺唔得，有啲腥。
人氣三點盛（左上）、池魚（右上）、帶子（左下）、吉備奈子（右下）
三點盛喺以3款唔同嘅壽司作「綑綁式」銷售，人少或一個人嚟就最啱，可以唔使點咁多碟，但又試得款式多。依個系列有好多選擇，每份定價都喺$18-$45，上面介紹過其中一款「人氣三點盛」，跟住再分享另外兩款：三文魚三點盛及火炙三點盛。
三文魚三點盛 $32
一客有三文魚他他、三文魚及三文魚腩壽司，由於唔喺一個人食晒3款，所以難以作一次性比較，只可以講小弟所試嘅三文魚他他壽司質素唔錯，味道新鮮。
火炙三點盛 $32
包括有鰻魚、帶子及三文魚，因為火炙外，亦加咗醬油，味道偏濃，所以，較為惹味，而所試嘅鰻魚油香嫩滑，食味不俗。
火炙芝士玉子（$14 / 兩件）
不愧為「本店誠意推介」之一，玉子壽司一向俾人感覺都喺普通啲，不過，加上芝士，再利用火炙，有種相得益彰嘅感覺。厚厚玉子嘅蛋香，半溶芝士嘅濃香，火炙輕烤嘅焦香，入口有份濃郁香味化不開嘅感覺，正。
火炙北海卷（$22 / 兩件）
另一「本店誠意推介」，睇名睇相都唔會知佢喺乜，其實喺三文魚捲住飯糰、放入薄片帶子、芝士，火灸後加蔥粒做裝飾，又真喺幾值得推介。味道、口感層次俱佳，有三文魚及帶子帶嚟嘅鮮味，亦有芝士及蔥粒帶嚟嘅濃香及清新味，又點可以唔講個「正」字結尾！
蔥粒吞拿魚腩手卷（$22 / 件）、海膽軍艦（$36 / 兩件）
臨尾再食個飽肚少少嘅蔥粒吞拿魚腩手卷，紫菜脆卜卜，最怕啲紫菜擺耐咗腍晒咬唔開；晌蔥粒嘅清新襯托下，刴到細蓉嘅吞拿魚腩唔單止好軟綿綿，魚味鮮明啲；而海膽軍艦刻意加咗兩小片青瓜，海膽綿香得嚟，感覺輕盈得多。
忌廉芝士薯餅 $32
最後追加一客芝士薯餅，忌廉芝士雖唔似巴馬臣咁有一絲絲嘅過癮，但溶透軟綿，芝士味濃，同樣好味；而外層嘅薯餅，外殼香脆十足，內裡仍帶點粉軟，跟忌廉芝士確然喺對好拍檔。
食壽司飲綠茶好緊要，一件壽司一啖茶，可以清清味蕾試真每件壽司味道。峰壽司提供玄米茶茶包及一大個熱水壺「自斟自飲」，初段都OK，不過，多飲幾杯個茶包會無晒味。
補充一句，依家已經喺盛夏，相信「春之彩」系列應該一早完結，翻查官網資料，現在嘅期間限定喺「活力祭」系列，不過都喺做到8月尾。即使錯過都唔緊要，相信跟住入秋又有其乜祭物祭嘅期間限定！
最後，藉此文祝願老友在彼邦生活安好，搵到份好工，豐衣足食，唔憂柴唔憂米啦！
個人評分
味道：8/10
環境：7/10
服務：7/10
抵食：8/10
平均每人消費：HK$175
味道：8/10
環境：7/10
服務：7/10
抵食：8/10
平均每人消費：HK$175
餐廳資料：
峰壽司 Mi-Ne Sushi
尖沙咀廣東道30號新港中心地庫
2111 1630
峰壽司 Mi-Ne Sushi
尖沙咀廣東道30號新港中心地庫
2111 1630
沒有留言:
發佈留言