阿來東南亞風味 Aroy Southeast Asia：泰抵食

去茶餐廳諗起嘅食物，自然大多數都會想起港式、乜餐物餐、炒粉飯麵。最近，就去咗一家「茶記」，賣嘅喺東南亞菜，名字叫「阿來」，有好食嘅意思。先總結一下，食物唔算超高班，但亦絕不失禮，比起正式賣東南亞嘅菜館，收費大概平兩、三成，收咁嘅價，性價比高，所以，真喺太抵食！

八蠔吧 Raw Bar No.8：蠔不遜色

本身唔算喺生蠔痴，但去到有賣蠔嘅餐廳，或有生蠔供應嘅自助餐，都會少試數隻。因為，難得自已嘅腸胃OK，無理由又唔品嚐呢種天然美食。食生蠔就最簡單，即開即食，最原味，最新鮮，唔使搞咩花巧去烹調。最近，透過友人介紹，知道曾經人稱蠔王嘅John Steward晌上環尾同友人合拍開咗間蠔吧餐廳「八蠔吧」，所以，今晚一於嚟八吓。

品越越式料理 La'taste Vietnamese Cuisine：日積越累好滋味

約咗表哥有啲嘢傾，所以，專登出咗嚟旺角。依家出旺角，通常都喺約咗人食飯，就算行人專用區殺咗街，小弟都仲喺覺得旺角區人多車多，無乜嘢好行。雖然只喺食晏，都想搵個好坐啲嘅地方，最後，嚟到「品越」，品嚐吓越菜滋味。

大公雞：開國公臣

個多兩個月前，原本喺去KCC朋友推介嘅日本餐廳，但原來星期六晚好多餐廳都唔開，偶然間就過咗去Life@KCC，反而有幾家餐廳有營業，可以講喺KCC嘅附屬商場。當晚就試咗「康奇拉沙」（U Favorite），並發覺隔離有間台灣菜小店「大公雞」，是晚就喺晌度食晚飯。

怡園粥麵小廚 Happy Garden：我的星期六美孚早餐 ~ 粥君好運

晌美孚區，想食粥嘅話，最近小弟住嘅屋苑就喺晌恆柏道內街嘅「味味佳粥麵店」（跟同區嘅味味佳茶記喺兩間鋪嚟），不過，4、5年前執咗笠，之後，就多數去萬事達廣場對面間「海皇粥店」。而再遠啲美孚廣場嗰邊有家「彬記粥麵小廚」，但兩三年前轉咗名，叫「怡園粥麵小廚」，嫌遠甚少過嚟幫襯。其實，實際路程就唔多遠，只喺懶行貪方便去「海皇」多啲啫。作為美孚街坊，點都要走過去試一次嘅，所以，今早趁星期六例出街食早餐，就嚟「怡園」食番餐，跟住行吓公園。

茶屋町居食屋 Chayamachi：溫室的浪漫？

曾經有人話豆腐火腩飯喺男人嘅浪漫，亦有人話大牌檔都喺男人（特別喺麻甩佬）嘅浪漫，最近睇緊韓劇「陽光先生」，女主角金泰梨曾講過作為逆賊，開槍嗰瞬間就喺佢嘅浪漫。浪漫對好多人嚟講，定義不一，喺一份感覺，不過，今晚嚟到旺角「茶屋町」食串燒，絕對跟浪漫扯唔上開係。

Flamingo Bloom：無添加．小確杏

近年嘅中式茶飲店如雨後春運筍般，遍地開花，開到好似梗有一間喺左近。小弟就唔算太好茶飲，不過，偶爾都會飲番杯，尤其呢啲大熱天時嘅日子。近排天氣真喺濕濕熱熱，揸住杯冰凍茶飲，邊行邊飲，確喺不知幾爽，可以講喺晌黑板工作中，忙裡偷閒嘅一份小確幸。

Deserve Better Toast & Coffee：值得更好，食得更好！

一大清早要過嚟灣仔IVE (MH) 辦點事，趁仲有啲時間，先食個豐富早餐。與其講豐富，不如講喺高質，因為只喺食吓「多士」，飲吓咖啡。唔話豐富，但叫高質，當然就唔會喺茶記嘅烘片多士，加啲果醬之類啦。早前，睇啲飲食雜誌已留意到「Deserve Better Toast & Coffee」嘅存在，只喺一直夾唔到時間（佢哋平日好早閂門，小弟身為九龍人，星期六日就費事專登過嚟），難得今早有事過開嚟，就點都要一試佢哋嘅特色吐司。

Cocina 3 Tapas Restaurant & Bar：翻兜．尋味

約咗個老朋友食飯，想試吓西班牙菜，近年前前後後都試過好幾家，幾間嘅質素都唔差，不過，小弟喺九龍人，朋友亦喺九龍人，當然，無必要過海，故此，揀咗奧海城嘅「Cocina 3」，一來近地鐵，二來年多前嚟食過，知道抵食又有質素，為求穩陣起見，就一於再翻兜。

越一越南牛肉粉專門店 PHO 1 Vietnamese Restaurant：空越來風

又喺同老友星期六嘅行山日，呢次得我哋兩支公，可以揀啲難少少嘅，就一於行龍門郊遊徑，但就由城門行番上川龍，撐吓樓梯級。行咗兩個半鐘，算喺咁上下。行完，就無晌川龍飲茶，反而落番荃灣食越南粉麵，喺老友介紹，就即管試吓。

J&A Cake Shop：好友狂嚐曲（79）

自從好友轉到去新蒲崗工作，不時所送嘅小手信都喺嚟自該區，睇番吓，新蒲崗區嘅食評都喺多得佢。今次，趁住一班好友相聚，佢所送嘅曲奇（再搭件蛋糕）又喺出自該區嘅小店「J&A Cake Shop」，睇個膠袋，就知喺街坊餅店嚟。

The FarmHouse：美味農屋

老友記話北角開咗家新酒店，佢哋嘅自助晚餐喺超長時間，由18:30pm-22:30pm，而且，食物方面有唔少賣點。其實，呢一區都甚少嚟，但既然有新嘢，而且，又可以同啲老友聚一聚，時間長可以慢慢傾個夠，就算未喺快樂周五，一樣可以好開心食番餐。餐廳Farm House就位處五星級嘅「海匯酒店」（Hotel Vic）西座2樓，離地鐵站都只喺5-10步程，非常方便。

Bigger Burger Café：取長堡短

上次同姨甥仔食飯，講開食漢堡包，佢對麥記嘅漢堡喺不屑一顧，其實，我又OK喎，尤其MacCafe啲嘢，我覺得幾好架。咁問佢有咩食漢堡嘅好推介，隨口介紹咗佐敦嘅「Bigger Burger Cafe」，反正我都未食過，一於約埋一齊去試。

First Step Coffee：一步到胃

正所謂萬事起頭難，萬丈高樓都要從地起啦，所以，做咩都要有第一步。無第一步，你又唔知行得啱唔啱，最討厭嗰啲齋講唔郁嘅人，而小弟就應該屬於行動型。所以，今日晏晝就嚟到太子嘅「First Step Coffee」，同夏總及佢老婆一齊食晏，唔好講咗幾星期都唔行動。

酥妃皇后 Queen Sophie：好友狂嚐曲（78）

雖然聽過「酥妃皇后」呢個品牌，亦知道佢哋嘅368層古法製酥皮蛋撻頗有名氣，但就未品嚐過佢哋嘅出品。其實，小弟對368層抱有少少疑問，純粹喺數學問題，無論第一層喺兩摺還是三摺，因為每疊一層都喺倍數遞增，點乘都計唔到368層。姑勿論對錯，今次收到嘅小禮物，喺好友送贈「酥妃皇后」嘅手工曲奇。

藝廊咖啡室 Cafe Aficionado：藝力美食之旅

80日可以環遊世界，咁60日可以做啲咩呢？早前晌「富豪機場酒店」嘅「藝廊咖啡室」就推出咗一個「60日環球美食之旅」自助晚餐，顧名思義，去到9月10日前嘅兩個月，自助晚餐嘅主題就喺以環球美食為賣點。雖然（如無意外），無乜機會可以環遊到世界，但就可以嚐到環球美食，是夜，就同親友入嚟大擦番一餐，由頭食到尾，嚟一場毅力美食之旅，實行美味走天涯。

Ember：高質吧菜

灣仔、銅鑼灣喺傳統嘅搵食旺區，所以，餐廳多到呢……。最近，就經朋友推介一家酒吧餐廳，位處兩個旺區之間，但又唔會離地鐵站好遠，卻環境靜局，而且，雖然喺酒吧，但唔喺嗰啲被人劈酒嘅場，感覺唔會好雜。故此，呢晚就初會Ember。

Le Menu：情懷未變

有套經典電影「時光倒流八十年」，詳情就唔講，反正上網搵搵就知。嚟六國酒店，唔多唔少有種時燒倒流嘅感覺，六國查實有超過80年歷史，多年無嚟過，對上一次嚟Le Menu食自助餐已經喺2013年嘅事。佢哋定價向來都大眾化，嗰時嚟收$258（星期一至四，無加一），今趟再訪，只喺收$268（星期一至四，已包加一），你話喺咪有種時光倒流吖。故此，藉暑假做借口，同一班老友嚟嘆番餐。

Chicken & Co：脆味烤雞

長沙灣區都算小弟半個主場，因為，多親戚住呢頭，加上呢區買嘢平，不時都會順道過嚟逛吓。今日，就打算過嚟食晏，之後再去剪髮。晌元州商場就開咗家法式烤雞店「Chicken & Co」，主打全榖飼成長、非基因改造、不含激素嘅法國春雞，佢就喺同老婆嚟食晏嘅地點。

明星金閣：行完山，攤抖吓！

晌另一篇美孚Pacific Coffee嘅食評度，講過朝早嘆完個早餐，跟住出發同朋友行衛奕信徑第5段，由沙田坳（唔喺晌沙田，而喺晌黃大仙上面）行到去九龍水塘（即馬騮山一帶），整段路唔太難，對我哋行開山嘅人嚟講，算喺輕鬆，亦因為天氣有啲熱，先至揀呢段嚟行。完成3小時嘅路程，剛好中午時份，最好就一行6人落深水埗飲茶啦。

太平洋咖啡 Pacific Coffee Company：我的星期六美孚早餐 ~ 清爽迎夏日

「我的星期六美孚早餐」呢個系列都好耐無寫喇，上月初晌中環嘅Pacific Coffee嘆個下午茶時，偶然發現佢哋推出咗啲紅菜頭特飲，呢啲健康嘢，啱晒我老婆啦，所以，專登搵個星期六落美孚曼克頓山嘅Pacific Coffee食個富貴早餐。

C.O.W Dining：慢煮．意麵

差唔多喺一年前嘅時間，曾到訪過觀塘駱駝漆大廈一家主打「慢煮」（真空低溫烹調）嘅餐廳，印象非常好，慢煮，喺我覺得一種非常好嘅烹調方式，讓食材得以保留所有營養，亦令其質感變得更鮮嫰。最近，從友人口中得知，觀塘有另一家餐廳同樣以慢煮為賣點，而且，更有自家製手工意大利麵，啱晒我嘅口味啦。故此，相約友人到訪，跟牛完全無關喺嘅意大利餐廳「C.O.W. Dining」。