街粥：「粥」摸不定

因為要到石籬商場幫手搞活動，到放飯時間就要搵啲地方食嘢，由於身體仲有少少抱恙，想清清哋食粥，就問在地老友附近邊度有粥食，就介紹我嚟專做街坊生意嘅「街粥」。

鋪面、內籠都好街坊，裡面無咩裝修，簡簡單單似啲舊茶記，睇地磚都見留下歲月痕跡。唔喺嚟食裝修，所以，出品嘅定價都極相宜。

餐牌都好簡單，一版喺乜粥第物粥，另一版就喺啲小食，仲兼賣少少港式甜糖水。

蒸腸粉 $12/4條、$15/6條
眼前呢兜喺6條嘅份量，真喺非常大碟吓，咁嘅價當然喺來貨啦，所以，無抱太大期望，志在食飽嘅。撈上大量甜醬、麻醬同芝麻，本應諗住好穩陣，但唔知何解，超鹹，再細味又唔似豉油嘅問題，反而，好奇怪喺甜醬嘅問題，甜醬好「鹹」，實在離奇囉！

魚片雞粥 $26

講明喺粥鋪，啲粥好唔好食先喺重點，先講份量，確喺夠大碗，仲有唔少魚片同雞肉，仲好大嚿，魚片都幾鮮甜，雞肉亦好嫩滑，但個人就覺得啲粥綿得嚟有啲餬，口感比較杰身。

由於無期望，所以，就無失望，目標都喺填飽肚，不過，啲腸粉嘅味道確喺有啲奇怪，只可以講，咁嘅價錢，咁嘅份量，仲想點吖！

個人評分
味道：5/10
環境：6/10
服務：6/10
抵食：8/10
平均每人消費：HK$41

餐廳資料：
街粥
地址：葵涌大隴街143號葵都大廈地下4號舖
電話：6263 3213