Rooot：「Rooot」力小店

上文講過同舊同學行完山，去咗「愉景新城」嘅「Chef's Stage Kitchen」食晏，言談間，原來佢未去過「南豐紗廠 」，而且，佢話幾有興趣睇吓，既然就晌附近，帶佢行一轉，睇睇間紗廠變成點！閒逛完，搵個地方再打打躉，食個下午茶，傾吓偈，見呢一間「Rooot」幾得意，又有啲特色下午茶餐，就坐低試一試。

Chef's Stage Kitchen：靜享高質午餐

「愉景新城」比較偏埋一角，所以，唔多嚟，不過，較早前同舊同學行山，終點晌荃灣，故此就順路嚟到「愉景新城」食晏。始終疫情持續緊，所以，都刻意揀避避人潮，唔晌啲放飯高峰時段嚟，亦揀啲地方闊落嘅餐廳，所以，選上「Chef's Stage Kitchen」。

SOYmart by 豆乳狂人：「乳」眾不同

很早已聽聞過這一家豆乳店，從一啲「沙田友」嘅食友所講，佢哋最初鋪仔細細，只賣豆乳（豆漿）同豆花，搞吓搞吓發展埋多元嘅甜品。最近經過樂富廣場，偶然發展原來呢個「狂人」開到出嚟市區，相請不如偶遇，加上老婆本身幾鍾意大豆類產品，我哋屋企都有部豆漿機，又不時以豆製品入饌，故此就試試佢哋嘅手勢，買啲外賣返屋企試吓。

Brick by Brick：味力「Brick」人

小弟本身都幾鍾意馬來西亞，前後都叫去過3次，次次嘅感覺都幾唔錯，特別鍾意檳城嘅老味道，亦喜歡馬六甲嘅舊建築。對於馬來西亞嘅食物，大多都鍾意，亦好啱口味，最近就一支公放飯時專登走咗去試喇沙，所以，寫番篇食文分享吓。

薩莉亞意式餐廳 Saizeriya Italian Restaurant：抵食「薩」手鐧

原來美孚嘅「薩莉亞」搬咗鋪，由近曼克山搬咗去美孚廣場，都喺搬番去同區，而且更加近我，若非街坊老友報料都唔知搬咗，而之前嘅涮涮鍋就靜俏俏摺咗。因為部份日子在家工作，基本上都晌屋企食晏，喺今日落開街買啲嘢，先嚟「薩莉亞」買啲外賣返去食。

金域軒 Golden Mile Cuisine：「金」日之選

疫情下，唯一活動就剩番行山，就算行山都好小心，全程戴住口罩行就唔使講啦，亦唔會點約人一齊行，有時一個人，有時就約一個半個相熟嘅行山友，等有個照應。繼好早前行咗一轉金山之後，今次時隔多時，就行轉長少少，由荃灣經元荃古道行到嚟深井，方便離開，而到達深井，就嚟到位處後巷嘅「金域軒」食個下午茶。

百份百餐廳 Cafe 100%：百份百下午茶

疫情下，基本上都停晒所有活動，除晌屋企踩吓單車外，就只有耐唔耐行轉山，由於近來疫情好嚴重，連行山都減少咗，好耐先行一轉，仲做足防疫，全程都喺戴住口罩行，其實戴慣咗都OK！今次走一轉短程，由美孚經馬騮山上到「華景山莊」，揀晏少少行，等無咁多人，當喺減少風險。到咗「華景山莊」嘅商場仔，睇到「百份百餐廳 」無乜客，比較安心少少就食個下午茶墊墊肚至離開。

The ALP @ Lounge Hakuba：年年「柚」餘

趁農曆年大除夕有得早放，專登過嚟日系咖啡店嘅「The ALP @ Lounge Hakuba」享受一下寧靜嘅下午茶時光，靜靜哋一個人諗吓嘢、寫吓嘢，又整理一下近來發生嘅煩擾事情。由於疫情自年初爆番起嚟，市面都靜咗好多，所以，呢日嚟到都喺客人唔太多。

十里湘薈 Moments Together：有緣「湘薈」

由於疫情關係，呢三年嘅年三十（今年就得年廿九）都無搞過大家族嘅團年飯，頂多只喺搞番同自己細佬妹嘅小團年飯，本來都一早安排好晒今年嘅小團年飯，點知踏入年初就無埋晚市堂食，所以，今回就外賣 + 自家製，前者當然揀啲具質素，而自己唔會煮架啦，所以，試一試主打湖南菜、上海菜「十里湘薈」嘅外賣。

Italian Tomato：美味良「芳」

有近30間分店的「Italian Tomato」，晌香港都屹立咗好多年，做得咁多年，又有唔少分店，自然有一定嘅實力。店家分為餅店及餐廳經營，幫襯過佢哋嘅餐廳，試過啲蛋糕確喺好有水準。今回到iSquare嘅分店（餅店）攞蛋糕，試一試冬日限定嘅新出品。

汴京茶寮 Tealosophy Tea Bar：亳無「京」喜

過年前，與兩位老友食晏聚一聚，數數手指，真喺有兩年時間無見，當時疫情未咁嚴峻，叫做還可以出嚟。不過，中環放飯時間一向好爆人，所以，專登揀咗「汴京茶寮」，一來縮咗上雲咸街比較靜侷，二來睇啲食評感覺又好似幾有質素，故此，篤定晌度試試。

圓圓小姐 Lady BoBo：「圓」美選擇

上文提過晌西九龍中心嘅美食廣場搵食，試咗一家主打台式拌麵嘅「阿佳拌麵」，搵嘢飲就求其揀咗「圓圓小姐」，完全無咩原因，純因喺隔離鋪，唔使左搵右搵咁麻煩。

阿佳拌麵：「佳」大歡喜

小弟都算喺晌深水埗大，不過，就好耐都無嚟過「西九龍中心」喇，因為一向都無乜行大商場癮，喺真喺有嘢要買，先會逛商場。今日就皆因過到嚟鴨寮街買卡，先順道上去美食廣場搵食。呢度餐廳眾多，如果事先無心水嘅，揀起嚟都幾唔容易，打咗個圈，就揀定「阿佳拌麵」，原因？無喎，純粹想食吓台灣嘢。