喜膳燒 Happy Q：今「燒」多珍重

因為近期疫情稍緩，限聚令都放寛咗少少，所以，約咗夏總呢個死佬聚一聚，老實講，自一月尾至今，都無乜點約過啲朋友。就算今次，都只喺得兩個死佬嘅飯局，始終疫情一日未完全消失，都仍需要小心啲，尤其保持個人衛生。「喜膳燒」兩年幾前嚟過，印象甚佳，所以，有信心帶夏總嚟試，佢為人食嘢都有少少咀刁架。

元気寿司 Genki Sushi：壽司「元」味道

是日星期六，陪老婆返公司攞數，出開尖沙咀，就順便食埋晏。自一月尾至今，都真喺無試過兩公婆晌美孚區以外嘅地方一齊食嘢。而日本嘢亦好耐無食過，所以，近近哋嚟到「元氣」，平平哋食番餐廻轉壽司。

松山素食 Chung Shan Veggie：「松」心所欲

中環搵食一向都唔平，就算晌快餐店，除一啲特價飯之外，基本起錶價都喺四十以上。但最近先留意到食友嘅食評，原來上環有家素食店「松山素食」，外賣嘅飯盒都只喺三十零蚊，而且，食友仲話份量十足。青綠色門面好易認，雖然叫晌上環，但小店位處都算挨近中環尾，晌中環返工嘅我，都覺得值得走遠少少過嚟試吓。

意樂餐廳 Cafe de Itamomo：我的星期六美孚早餐 ~ 籠「樂」我心

晌美孚區，試過食早餐大大細細嘅餐廳都有近30家，所以，造就咗呢個「我的星期六美孚早餐」系列嘅食評，而當中小弟覺得性價比相對較高嘅喺「意樂」、「MaCafe」及「翠河」。時隔幾個月，疫情緩和咗，就再同老婆落嚟食早餐，當然，就揀咗心水之一嘅「意樂」啦。

唐記包點 Tong Kee Bao Dim：「蒸」心選擇

之前，曾寫過一篇美孚港鐵站內「唐包點」嘅蒸飯，而同區晌近街市一邊，亦有間地鋪嘅「唐記包點」，我老婆喺佢支持者，不時都會幫襯，因為，只有佢有「蔬菜香菇包」（相反，「唐包點」奇怪地喺無呢款素包）。呢晚，又買咗兩個包嚟過過口癮。

百尚屋 101 Tasty House：貴試小食餐

雖然仍有限聚令，但保持一定嘅社交距離，又做好防疫措施，基本上一啲戶外活動我就覺得絕無問題。今趟就友人吹雞，搞咗趟欣澳、愉景灣郊遊樂，仲晌愉景灣食咗個黃昏「下午茶」。對愉景灣唔熟，都唔知有咩好食，而且，好多有海景睇嘅餐廳都已經坐滿人，仲喺無視限聚令保持1.5M距離，所以，晌番主廣場嗰邊，試咗家小食店「百尚屋」。

大快活 Fairwood：快活下午茶

上次就一支公落街買餸兼行公園，晌「銀龍」食咗個好流嘅菠蘿油，今次兩公婆行完公園，老婆口痕就話不如食個下午茶，就揀嚟咗「盈暉薈」嘅「大快活」，因為一嚟等陣會晌隔離嘅「百佳」入貨，二嚟就喺呢間「大快活」地方超大，卻喺特別少人，疫情之下，坐得更安心。

鴻福堂 Hung Fook Tong：推心置「福」

「鴻福堂」最多幫襯喺佢啲飲品，尤其喺火麻仁，依家真喺唔多地方可以飲到。其他清潤嘅飲品，都可以晌超市搵到，仲不時做優惠，比起飲汽水、咖啡，自然相對健康好多。不過，今次就唔喺講嘢飲，而喺講湯品。

東海堂 Arome Bake‧ Drink：包．三餐

一連3日早餐都喺「東海堂」麵包，雖然，走和風嘅「東海堂」一向嘅出品都唔差，但小弟絕對唔算喺佢哋嘅「死粉」。哈哈！今次咁捧場，都只不過因為家中嘅餅券就快到期，換麵包當早餐就好似最划算而已。

大街：比比「街」是

早輪好興潮式嘅皺皮石磨腸粉，以石磨磨出香滑米漿，即叫即蒸，加上餡料多選擇，一下子好似遍地開花咁，唔少地區都有。最近，美孚都開咗一家「大街」（一邊喺賣石磨腸粉，另一邊喺賣港式小食），呢個鋪位由「萬事達小食」轉到「林昌記」，再轉手到依家嘅「大街」，又唔知可以做得幾耐！

銀龍粉麵茶餐廳 Ngan Lung Restaurant：「仙遊」菠蘿包

由於疫情仲未完全穩定落嚟，始終由歐美入境嘅人士仍然唔少，加上本土就不時見啲無公德、又自私嘅人周圍走，增加播毒風險，所以，呢兩、三個月真喺停晒啲社交活動，連行山都暫停埋，故此，最常做嘅就喺行公園。雖然話喺行公園咋，荔枝角公園又大又好行，是日就趁機落嚟公園曬曬太陽之外，順便到「銀龍」食個菠蘿油，嘆杯奶茶。

吉野家 Yoshinoya：三餸早飯

無論晌屋企，抑或晌街，早餐食得都喺西化啲，大多數離唔開麵包、三文治，再加杯咖啡。不過，今朝就貪得意，一支公嚟到「吉野家」食早飯，都喺聽朋友講佢哋最近有款慢活の朝食「三味盛合」，覺得幾抵吓，所以，就搵個朝早過嚟試試。

太平洋咖啡 Pacific Coffee Company：不「疫」．樂乎

上幾周一個人晌「Simplylife Landmark」食個早餐，解解悶氣，確喺可以調節一下心情，加上食到件出色嘅榛子丹麥酥，個人都醒神啲，感覺無咁鬱悶。所以，今早又專登提出返工，晌公司附近嘅「Pacific Coffee」嘆杯咖啡，食個早餐。