唐記包點 Tong Kee Bao Dim：「蒸」心選擇

之前，曾寫過一篇美孚港鐵站內「唐包點」嘅蒸飯，而同區晌近街市一邊，亦有間地鋪嘅「唐記包點」，我老婆喺佢支持者，不時都會幫襯，因為，只有佢有「蔬菜香菇包」（相反，「唐包點」奇怪地喺無呢款素包）。呢晚，又買咗兩個包嚟過過口癮。

唔使多介紹，相信大家都知佢哋主打買中式蒸包，的確，包款非常之多，而且，素包選擇亦都多，加上定價相宜，所以，不時都見到人龍。老婆最心水喺佢哋嘅「蔬菜香菇包」、「蕃薯包」、「香芋包」，而小弟今次就揀咗款肉餡包。

沙嗲牛肉包 $7.5

「唐記」嘅沙嗲牛肉就唔似得平常晌茶記所食嘅沙嗲牛肉，蒸包裡面嘅牛肉喺成球肉餅咁，份量十足，食落有啲似「山竹牛肉」嘅質感，但口感都喺實淨咗少少，沙嗲味就唔算好突出。始終佢哋做開蒸包，所以，包身不俗，夠鬆軟。

蔬菜香菇包 $7.5

老婆食飲偏素，所以，呢款素包佢經常食，可以講喺佢嘅精心選擇。相對我啲牛肉，啲蔬菜香菇就少餡咗啲，老實講，跟官方嘅食物相真喺差好遠。因為唔喺單純得啲菇，加入唔少蔬菜絲入內，故此，味道真喺比較喺清。

我自己嚟講，兩款包都喺第一次食，整體觀感都喺麻麻，都喺蕃薯包最啱我。

個人評分
味道：7/10
環境：-/10
服務：6/10
抵食：9/10
平均每人消費：HK$7.5

餐廳資料：
唐記包點 Tong Kee Bao Dim
美孚美孚新村吉利徑5號地舖
2343 4133