稻田食堂 Inada Shokudo：「稻」人向膳

早幾日「香港航空」出啲零票價機票，諗住短短哋走一轉日本，可惜都喺唔夠人搶。橫掂今晚兩公婆都唔想煮，做一晚無飯夫婦，就過到嚟家住葵芳嘅老友所推介嘅「稻田食堂」，食返個日式便當，因為佢話店家嘅便當款式多，而且配搭豐富，食咗就當去過！

點心到MIX ▪大排檔 Dim Sum Here Mix Seafood：美食「心」度遊

今晚專登約咗個老友出旺角傾嘢，就打算搵間好坐啲嘅，地方又大啲嘅，可以坐耐少少嘅餐廳，結果就搵到「點心到 MIX 大排檔」。初時仲同老友講話食住點心傾，點知原來晚市無點心供應，主要喺食小菜，但既來之，則安之，反正我哋都無乜所謂。

一町目茶室 Icchome Chaya：美食一町

近排一到週末就落大雨，所以一切戶外活動都做唔到，無得行山，無得踩單車，最佳節目就喺同老婆平平哋睇早場。呢個星期六又嚟到「荃新天地二期」睇戲，睇完剛好11:30am左右，喺地下層打個轉睇下有咩餐廳啱食，初頭以為呢間「一町目茶室」喺食日本嘢，其實喺間茶記，餐牌貼晒喺門口，睇落啱食喎，所以，就選咗喺度食午餐。

胡蝶•泰 Thai butterfly：高潮「蝶」起

趁老友生日，就乘機約出嚟食餐飯，叫做搵個藉口大家大吃大喝一餐咁解啫。佢早排一家大細去咗芭提雅話幾好玩，今晚嚟到「胡蝶▪泰」再延續泰國滋味。

馬德里餐廳 Madrid Cafe：「德」一想二

嚟得深水埗，一喺就搞電腦嘢，一喺就買電話卡，過到嚟嘅就順便搵咗住晌附近嘅老友落嚟食餐便飯聚一聚。佢就推介小弟嚟試試「馬德里」 ，因為呢度啲鐵板餐定價好相宜，幾有質素，而且，個套餐好有懷舊風味，咁就啱我哋兩個食肉獸啦。

Essence：快閃自助午餐

東涌就一向少入嚟，然而，同呢間餐廳「Essence」都算喺有啲緣，先後因為大型聚會、Staycation而嚟過好幾次。今次再寫又喺因為搞大型聚會，入到嚟食自助午餐，由於小弟有份幫手做車長，事前事後要安排車務、聯絡司機，仲要幫吓手扶老攜幼上上落落，所以，真正用餐時間大概得一個鐘。如果普通食晏當然無問題，食自助餐就肯定唔夠，故此，揀食物要有取捨，快閃當食個飯堂快餐。

福盈酒家 Rich Forex Restaurant：絕不重「福」

接續上文，我哋兩公婆加埋表哥3人行由美孚經馬騮山行到嚟大圍，喺預定時間之內到達咗紅梅谷燒烤場，再慢慢行落去大圍。咁途經隆亨邨就走入去搵下有咩食，剛好有家「福盈酒家」，飲茶食點心就最襟坐。

金裝燉奶佬餐廳 Daniel's Restaurant：早餐例選

大表哥退咗休，生活比較清閒，所以，星期六就拉埋佢一齊去行吓山，由美孚起步，經馬騮山一直行到去大圍。起步前，就索性約埋一齊嚟「燉奶佬」食個早餐，貪佢就喺地鐵站口側邊，方便到佢唔使周圍搵。

Luna Kaffe：親民鐵板餐

睇見食友嘅貼文，竟然唔使「一嚿水」就食到威靈頓牛柳，喺真唔喺呀？真喺好好奇咩質素喎！所以，都趁好耐未同夏總食過飯，就約佢出嚟聚一聚，兩個佬講下波經、又講下旅行嘢。

糖宮甜品專門店 Dessert Palace：甜品「宮」略

晌尖沙咀「天文台道」完咗聚會，算喺時間尚上就不如食個糖水先打道回府，上網摷一摷附近就有間「糖宮」。雖然未幫襯過，但上網睇一睇風平不俗，同埋見佢勝在款式夠多元化，又有榴槤系嘅甜品，啱晒小弟喎。

元朗冰室 Yuen Long Bistro：失敗「元」因

如果用膳時間有限，快餐店以外嘅選擇，最快靚正嘅就梗係搵茶記。今晚出到嚟尖沙咀出席大型聚會，收工趕到過嚟，食飯時間只有半個鐘，因為順路關係就走咗入嚟呢一間茶記「元朗冰室」，睇返啲菜式先想返起原來好多年前幫襯過太子分店，不過，當期時嘅印象喺麻麻地。

成記麵家車仔麵：有機可「成」

好耐無同「發哥」出車喇，所以，搵個星期六天氣幾好嘅，就同佢踩返轉中長途，有挑戰少少嘅，兩支公一齊由大埔起步，踩去大尾篤，再上新娘潭，沖返落去鹿頸，再兜一轉去沙頭角邊境站，然後再折返番粉嶺，食個晏之後返回大埔。唔喺因為踩單車都唔會入到嚟粉嶺搵食，因為仲要踩段路返大埔，所以，唔會食得太飽，就揀咗嚟「成記」食車仔麵。

河內越式料理 Ha Noi Vietnamese Cuisine：「內」人尋味

今年3月中去咗一轉越南芽莊，輕鬆渡吓假，由於芽莊喺個沿海城市，海產豐富，所以，嗰幾日 我哋食海鮮居多，反而越湯粉就較少食。今晚兩公婆就懶煮，出嚟尋味搵食支持吓本土經濟，近近哋揀「河內越式料理」，貪佢一出地鐵站口附近就喺，加上風評不俗，定價實惠。

百味鮮 Fresh Eat：搶佔「鮮」機

上次同表哥食馬拉嘢嘅時候，佢話佢屋企附近新開咗間火鍋店「百味鮮」，有款二人套餐性價比幾高，有個雞鍋，一份菜，再加份煲仔飯，三嚿水都唔使，值搏率高，所以，今晚又同佢聚一聚，嚟到「百味鮮」嘆吓！

雲香園小鍋米線 Yun Xian Mixiam：抵食到「雲」

老友啱啱去完旅曼谷旅行，所以，專登約出嚟食飯傾吓旅行嘢，等佢分享吓旅行點滴，簡簡單單搵咗佢公司附近嘅一間主打小鍋米線嘅小店「雲香園」，睇返往日食評原來無食米線都竟然成年幾有多。

香港地 Hong Kong Day：我的星期六美孚早餐 ~ 服務仍然麻麻「地」

之前再試番「品樂冰室」，離開時經過「香港地」，見好多人晌門口等位，加上見佢有款蕃茄湯系列嘅早餐，啱晒老婆，就搵個星期六朝嚟食個早餐，睇吓喺咪好咗！其實我就對「香港地」印象一般般，唔喺話差，但唔叫得好，今次就俾多個機會佢。

雪山冰廳 1956 Cafe：「蒸」心製作

近排老婆辛苦多嘢搞，所以，趁開心星期五就費事煮，做一晚「無飯夫妻」出街食，因為唔喺咩慶祝，就無上啲大餐廳，不過，都想食好少少，就算茶記都搵間有水準嘅，故此就過嚟「雪山冰廳」，因為知道佢哋有好多蒸魚選擇，呢樣真喺啱晒佢。

御膳 Imperial：美味再重「御」

同個老死傾開偈，原本佢都未嚟過觀塘啲廠廈食私房菜，咁就啱喇，難得三人行就一於帶佢哋嚟試吓「御膳」。因為食過好幾次，出品高質，水準穩定，永無失望，所以先夠膽推薦俾大家。仲有就喺貪佢價位唔算高，亦都做得有特色。