一向都鍾意去茶記食嘢架，平靚正吖嘛，過到嚟葵興呢頭聚會，完咗同朋友食餐晏仔，落「光輝圍」就有好多選擇，茶記更喺多如繁星，唔夠100米就有間，哈哈！最後，揀咗「合成冰室」，撐吓啲細鋪小店。
走入店內，真喺好小店，座位感覺亦比較窄，但裝修就幾有心思，懷舊風，港式冰室風情，仲有好多本土特色裝置。
見到一側牆上好多獎杯，細看原來喺國際金茶王大賽港式奶茶嘅獎項，真喺唔好睇小啲小店，隨時喺禾旱冚珍珠、卧虎藏龍嚟。此外，啲店員都幾好招呼，又有禮貌。
精選常餐A $48
既然沙嗲牛肉喺店家招牌，老友就話梗喺要試一試啦，所以，揀常餐A，有好多配搭，先喺揀咗吉列魚柳配多士，公仔麵可以揀兩餸，佢就話要晒沙嗲牛肉。吉列魚柳炸得金黃，配千島醬，無話乾身都收貨，而多士就烘得夠脆口；沙嗲牛肉果然有一手，香濃惹味，肉質軟腍，麵條口感亦啱啱好。
特製雞脾三眼仔飯 $50
秘製香煎豬扒三眼仔飯 $50
小弟同樣揀三眼仔系列，貪佢會落蔥油豉油，撈飯一流，而大大隻煎蛋，蛋黃溜溜，煎得靚仔，豬扒亦都好大件，煎得香口，加上醃得夠入味，口感鬆化，確喺唔錯；而蛋漿、蔥油、豉油拌飯，淨食飯都覺得正啦！
熱奶茶
既然得過金茶王，無懸念仲會揀其他咩，雖然有樽仔奶茶（凍），但我都喺揀番熱嘅，以傳統厚身瓦杯裝住，感覺更有風味。單睇色澤幾對辦，沉實有光澤，飲落茶底芳香，茶奶比例唔錯，口感醇厚。
睇睇正餐牌，醒神早餐、全日餐、精選常餐、米線推介精選午餐、特別推介，對比大多數茶記嘅五花八門咁多款，呢度選擇上就少啲，但務求貴精不貴多，啱口味嘅啫。
精選常餐A $48既然沙嗲牛肉喺店家招牌，老友就話梗喺要試一試啦，所以，揀常餐A，有好多配搭，先喺揀咗吉列魚柳配多士，公仔麵可以揀兩餸，佢就話要晒沙嗲牛肉。吉列魚柳炸得金黃，配千島醬，無話乾身都收貨，而多士就烘得夠脆口；沙嗲牛肉果然有一手，香濃惹味，肉質軟腍，麵條口感亦啱啱好。
特製雞脾三眼仔飯 $50 雖然隻脾被「三眼仔」冚住，但都遮唔住隻脾有幾大，老友拎出嚟俾我補番張相，真喺幾大隻吓，佢仲話好墜手，而且，炸得外皮帶點焦脆，唔油膩，咬落肉質嫩滑，始終喺脾肉，點都應該滑身啲。
秘製香煎豬扒三眼仔飯 $50小弟同樣揀三眼仔系列，貪佢會落蔥油豉油，撈飯一流，而大大隻煎蛋，蛋黃溜溜，煎得靚仔，豬扒亦都好大件，煎得香口，加上醃得夠入味，口感鬆化，確喺唔錯；而蛋漿、蔥油、豉油拌飯，淨食飯都覺得正啦！
熱奶茶既然得過金茶王，無懸念仲會揀其他咩，雖然有樽仔奶茶（凍），但我都喺揀番熱嘅，以傳統厚身瓦杯裝住，感覺更有風味。單睇色澤幾對辦，沉實有光澤，飲落茶底芳香，茶奶比例唔錯，口感醇厚。
今餐就快上快落，食完都無話坐多陣傾偈，唔想阻人小店做多輪生意囉！
個人評分
味道：8/10
環境：6/10
服務：7/10
抵食：8/10
平均每人消費：HK$50
味道：8/10
環境：6/10
服務：7/10
抵食：8/10
平均每人消費：HK$50
餐廳資料：
合成冰室 Hop Shing
地址：葵涌禾塘咀街117-125號珠寶大樓地下E號舖
電話：5408 1492 (whatsapp)
合成冰室 Hop Shing
地址：葵涌禾塘咀街117-125號珠寶大樓地下E號舖
電話：5408 1492 (whatsapp)
沒有留言:
發佈留言