2019年9月8日星期日

香榭里烘焙 Élysée Bakery:美味大「香」里

九龍城一向喺卧虎藏龍之地,早前就試過「Chapter Two」嘅軟歐包,順道就走過嚟「九龍城廣場」逛逛,商場以傳承九龍城社區文化為理念,更不時會引進啲特色小店,務求令到商場多元化,兼唔會嚟嚟去去都喺嗰啲品牌商鋪。早前就靜俏俏引入澳門首家傳統法式烘培過江龍「香榭里烘焙」(Élysée Bakery)喇,見個門面好光鮮,就入去打個轉先。
雖然聽個名「烘焙」店,即喺麵包鋪,其實,裡面喺擺放咗多組甚富法式風格嘅枱櫈,喺可當為一家咖啡店。大可以買點烘焙產品(提供翻熱),配杯咖啡,享受一下香噴噴嘅早餐或下午茶時光。
先概略介紹一下店家,首先,就梗喺不同嘅烘焙產品啦,多種口味嘅法式牛角包、有長有短嘅長法包、唔同款式嘅酥皮麵包、不同口味嘅吐司……等等,一一陳列晒晌麵包櫃度,大可以慢慢睇,慢慢揀。
另一邊嘅凍櫃,亦有好多蛋糕類產品,好代表法式甜點嘅馬卡龍就實唔少得啦,此外,雖然見唔到歌劇院蛋糕,但其餘幾款蛋糕都甚有法式嘅影子。
此外,仲有其他附帶產品售賣,如果醬、曲奇……等等。
晚既然喺咖啡店,咖啡就自不然唔少得,仲有花茶、其他熱飲、冷壓果汁、梳打特飲……等等,應可滿足到大部份客人嘅需要。
咁臨近中秋佳節,都好似唔少餅店咁,都有推出應節月餅。要殺出重圍,就梗喺要有啲花巧嘅,所以,佢哋嘅月餅以奶皇月餅為基礎,混入不同口味為亮點。
長型橙黃色包裝盒,設計精美亮麗,而打開包裝,裡面嘅設計亦好有心思,每個均以唔同顏色嘅獨立小盒裝起,送禮非常夠大體。而口味方面,共有6款,包括:朱古力、綠茶、伯爵茶、經典奶皇、摩卡及茉莉。整體嚟講,每款月餅都印出好深嘅店名,而奶皇餡心亦都軟滑。
bowl朱古力
黑漆漆嘅朱古力口味,朱古力味好香濃,嗒真啲仲有點甘苦味,甚有食緊美式甜點「班尼士」嘅影子。
bowl綠茶
一睇就知喺綠茶口味,無論外皮,定餡心,都混入大量綠茶元素,尤其餡心,綠茶味好突出,有份幽香甘甘哋嘅味道。
bowl伯爵茶
依個外皮就無刻意加入伯爵茶元素喇,但咬落一樣有好幽香嘅伯爵茶茶味,都好欣賞佢哋搓嘅皮都做到厚薄均一。
bowl經典奶皇
外觀烘得金黃,雖然喺傳統口味,但一樣得人歡心,因為,奶皇奶好有蛋香及奶香,可能切開有點散,但口感好綿密架。
bowl摩卡
同朱古力口味一樣,都喺「黑掹掹」,朱古力嘅味道依然濃郁,但隨之而來喺淡淡咖啡香,唔會話邊個太搶,都做到平勻感。
bowl茉莉
賣相就梗定予人嘅感覺喺平平無奇,之但喺,入口就會細味到陣陣清幽嘅茉莉花香氣,配一杯中國茶,喺非常之夾。食咗咁多個,都唔覺做得過甜。
雖話喺月餅,但當為一件甜點,再配杯咖啡或熱茶嚟襯吓,已可以喺一個好唔錯嘅下午茶組合。

個人評分
味道:8/10
環境:7/10
服務:8/10
抵食:8/10
平均每人消費:HK$30

餐廳資料:
香榭里烘焙 Élysée Bakery
九龍城賈炳達道128號Shop UG18
2833 0009

沒有留言:

發佈留言