常溫 So Warm：溫故滋新

咩叫做「常溫」？我諗可以理解為一般室溫，讓人嘅體感覺得舒服，至於有無一個特定嘅溫度，相信唔同地方嘅人對此嘅感覺都會好唔同。但晌新蒲崗大有街嘅呢間「常溫」，唔喺講天文，而喺食友推介嘅餅店，介紹佢哋嘅戚風蛋糕有幾得。而今次，佢就順路買咗其中兩款口味俾我試試。

雲石巧黑力味 $13

佢哋所做嘅戚風蛋糕，無市面其他嘅戚風蛋糕做得咁花巧、咁講求賣相，外觀比較原始啲，有原個或片裝，友人所送嘅就喺片裝。睇樣就知朱古力部份都佔幾多，所以，入口朱古力味都幾濃郁，蛋糕嘅口感幾輕盈。

和風柚子味 $13

另一款嘅柚子味，食落感覺好清新，柚子味亦比預期中突出，而且，唔會一種死甜嘅感覺，再講講佢嘅口感，輕盈之餘，回彈力幾強，咬落極之鬆軟。

事後再睇睇其他人撰寫嘅食評，原來，「常溫」都有幾多產品，如瑞士卷、杏仁豆、果醬、蝴蝶酥……等等，有機會過開去再試試佢哋其他產品。

個人評分
味道：8/10
環境：- /10
服務：- /10
抵食：- /10
平均每人消費：HK$13

餐廳資料：
常溫 So Warm
新蒲崗大有街33A號佳力工業大廈地舖
9325 7882