Coffeezine：偷閒加油站

約咗個朋友出旺角傾傾嘢，大家本身都喺咖啡粉絲，所以，一心都打算去咖啡店，不過，老友喜歡小店，唔多鍾意連鎖嘅，晌網上搵搵，就摷到一家頗隱蔽嘅精品咖啡小店「Coffeezine」。由於「Coffeezine」喺鋪中鋪，若非門口唔喺有啲飲品價目牌「提示」一下，恐怕過門不入呀！

旺角區邊忽都好，日與夜都喺咁熙來攘往，遊人多到呢……，不過，「Coffeezine」就顯得格外清靜，非常適合同朋友短聚。但難得環境卻營造出少少文青嘅感覺，十分幽靜怡雅，予人感覺舒服。

小店專注於咖啡，牆上嘅價錢牌一眼睇晒，唔會搞太多「花臣」嘢。

故此，喺另一邊餅櫃裡面所見，亦只喺有啲卡龍及件裝蛋糕，是日所見，就只得一款荔枝味慕絲蛋糕，心形造型，別緻亮麗。

馬卡龍 $8 / 件

襯咖啡，無少少甜點就總喺若有所失咁，難得定價唔貴，都只喺$8粒，有多款口味供選擇。城中某某知名嘅馬卡龍，一粒要賣成廿約蚊架。

檸檬馬卡龍

啲馬卡龍做得幾靚仔喎，外層做得非常光滑完整，咬落先脆後煙韌，中間嘅檸檬餡心做得頗清香，質感軟滑，算得上穩打穩紮嘅出品。

雲呢嗱馬卡龍

另一件馬卡龍同樣做得好細緻，外觀完整，無崩無爛。 口感亦能帶出外脆而內層微微濕潤感，雲呢嗱簡而清，基本質素不俗。

Mocha $38

友人今次竟然唔飲咖啡，反而，揀咗朱古力鮮奶咖啡，甫上枱，友人嘅反應喺驚嘆嘅表情，因為杯朱古力鮮奶咖啡嘅拉花真喺拉得好靚、好細緻兼有層次感，老實講，我都好少見朱古力鮮奶咖啡拉得咁靚。唔止睇得，味道仲好得，友人話朱古力味跟咖啡味好平衡，口感堅喺柔滑如絲，咖啡底好醇香。

Affogato $46

小弟算喺鮮奶咖啡嘅忠粉，不過，偶然亦會試吓其他咖啡系產品，正如Affogato（雪糕咖啡）- 雲呢嗱雪糕加意式濃縮咖啡，既可當甜點，又可當為飲品。其實，間間嘅雪糕咖啡都差唔多樣，但雪白嘅雲呢嗱雪糕添上少少金箔，賣相喺咪立時高檔幾倍呢！

其實，雪糕咖啡都非第一次食，我就認為食法可以隨意，不過，小弟個人就鍾意食法分三層，倒下咖啡，第一層就雪糕沾濃縮咖啡；第二層等雪糕半溶，搞一搞先飲，有種鮮奶咖啡嘅口感；第三層喺等雪糕溶透，再拌勻，就好似飲緊咖啡奶昔咁，幾有趣架。

城市人忙忙碌碌、匆匆趕趕，但偶爾停落嚟，跟朋友聚一聚，飲杯咖啡，遇上稱心舒適嘅環境，絕對喺個偷閒加油站。怪唔之得，晌我哋堂座享用咖啡期間，確喺見唔少客人嚟買杯咖啡外帶啦！

個人評分
味道：8/10
環境：8/10
服務：8/10
抵食：8/10
平均每人消費：HK$50

餐廳資料：
Coffeezine
旺角廣華街1號仁安大廈地下5A號舖