另外，餐廳近尾設有兩個廂房，分別供四人或八人使用，設計成榻榻米形式，增加私隱空間，而兩個廂房亦可以互通，讓一大班客人可以玩個痛快，都唔怕騷擾其他食客。
窗外跑馬地景色
打開餐牌，就有我哋今晚將會品嚐嘅涮涮鍋套餐，此外，亦有多款散點菜式，如前菜、沙律、和牛料理、魚料理、天婦羅、壽司卷、蠔料理、刺身 / 壽司、食事、甜品等多類別。
額外，更有一張廚師嘅特別捱介，相信喺師傅認為時令或揀手嘅食材，做出唔同款式嘅和食。
講番啲涮涮鍋套餐，有日本黑豚、美國牛肉、日本和牛、鱈場蟹等幾款選擇，定價由$550-$980，消費絕不便宜，無論揀邊款，所有套餐都包埋精選前菜（兩款）、時令什菜、日本白米飯 / 雜坎 / 烏冬及甜品。
法國生蠔
以法國生蠔作為前菜之一打頭陣，味道上，佢屬於淡口少少，但不失爽脆及滑溜，仲帶有淡淡嘅海水鹹鮮味。
四點刺身
品嚐完「海洋」嘅鮮味，再以4款刺身延續「海洋」真味。帶子， 深海池魚 ，油甘， 拖羅 擺得精緻有意境，紫蘇葉既可作為襯托, 又可以加晌醬油中添味。由淡至濃，先嚐帶子，肉厚鮮甜、口感彈牙； 深海池魚質感帶點爽身,充滿鮮味 ；油甘色澤閃麗，肥美誘人；最後食嘅拖羅，脂肪分布平均，油脂入口即溶，輕點醬油，更能突顯鮮味。
日本和牛鱈場蟹鍋
嘆過兩款前菜，喚醒吓味蕾之後，喺時候日本和牛鱈場蟹鍋（$980）登場。整份涮涮鍋用上日本野菜、鹿兒島A5和牛及北海道鱈場蟹入饌。
食之前，侍應先送上兩款醬汁，分別喺柚子醋及芝麻醬，前者供蟹及野菜沾點，而後者則供沾和牛食用。
食乜都喺由淡至濃，近乎不變嘅定理，所以，先下野菜及鱈場蟹落鍋先涮 。貫徹尊貴嘅服務，全程都有侍應幫手，當然，自己動手絕無問題。
一鍋昆布清湯，加入野菜及鱈場蟹，自不然喺食其鮮味，稍為蘸少許柚子醋，足已讓蟹脚更鮮，幼嫩嘅蟹肉，絲絲放入口內，還是大啖大啖蟹肉咁食，都喺咁鮮味盡出。
跟住輪到另一主角鹿兒島A5和牛出場，睇見啲油花，就衝動想即時放晒入口。侍應都會先問問客人要幾多乘熟，猶如烤牛扒咁，要咗五成，大概輕灼數秒，肉質非常腍滑，富油香，脂味滿溢。沾一點芝麻醬，減低少許脂嘅豐盈油，但多添幾分芝麻香。
雜炊
除配日本白米飯或烏冬，仲可以揀雜炊，近尾聲，涮涮鍋都差唔多完結，就以「湯底」嚟做雜炊，加入雞蛋，青蔥，白飯盡吸湯底精華，變成濃湯粥飯，香甜暖身，冬天食就更正。
柚子雪葩
真正嘅尾聲就梗喺甜品出籠，簡簡單單一小球柚子雪葩，讓暑氣全消，冰涼清爽，味道酸酸甜甜更有助消解滯膩。
霜月晌用料上可見用心，不過，消費的確不菲，但要是晌特別嘅日子嚟慶祝一番，定有不錯嘅味覺體驗！
個人評分
味道：8/10
環境：8/10
服務：9/10
抵食：6/10
平均每人消費：HK$1,080
環境：8/10
服務：9/10
抵食：6/10
平均每人消費：HK$1,080
餐廳資料：
霜月 Shimo
銅鑼灣霎東街15-21號OLIV 24樓
2321 5155
霜月 Shimo
銅鑼灣霎東街15-21號OLIV 24樓
2321 5155
沒有留言:
發佈留言