2018年4月30日星期一

Fifty Fifty:謎離餐湯

不時都會過嚟長沙灣或荔枝角食飯,皆因沿線親戚多,其中一個表姨甥女較熟稔,一來年齡相約,二來一講旅行嘢、行山嘢就特別投契。早前去咗一轉澳洲,所以,睇相兼食番餐飯。晌網上搵搵,睇見呢間西餐廳開業短短大半年,風評不俗,晚餐都喺二百內,值搏率高。

2018年4月29日星期日

上海婆婆336 Shanghai Po Po 336:家傳滬曉

舊同事搞飯局,通常都會搵啲曾經幫襯過嘅食店,因為大概都知道好唔好,免得累朋友中伏。大家想食食中菜,又就番大家住晌唔同地區,所以就想起「上海婆婆336」尖沙咀店,喺其中一家穩陣之選。

名點心 Famous Dim Sum:旗幟鮮名

細胞小組嘅四月節目喺行山,最後定晌四月最後一個星期日下午。今次都幾齊人,大大細細加埋一行14人,原本打算去酒樓飲餐茶先出發,不過,飲一飲就搞個幾鐘,所以,改為到太子嘅「名點心」食晏。

2018年4月27日星期五

道鮨日本料理 Michi Japanese Cuisine:道鮨,鮨味成份股!

講到食日本嘢就梗喺食唔少啦,而壽司更不在話下,但「廚師發辦」就一隻手數得晒,都喺兩次咁大把,第一次就晌銅鑼灣嘅「鉄人旨花 」度見識,第二次就晌黃埔嘅「鮨文」滋味重溫。今回,經友人介紹,嚟到新開無耐銅鑼灣嘅「道鮨」,細味「廚師發辦」!

2018年4月24日星期二

五斗米 South Taiwan Comfort:再遇仙草凍

早晌舊年曾到訪過位處堅離地城主打賣台南牛肉麵嘅「五斗米」,靜悄悄已經晌上環開咗家分店,原來仲已開業近半年添。是夜得一支公,就過再嚐吓地道嘅台式牛肉麵。

2018年4月20日星期五

Tea Hub:明茶.暗訪!

由於有親友住晌長沙灣,所以,久唔久都走過嚟呢一帶,呢區都算喺老區啦,區內舊唐樓極多。不過,隨着市區重建,附近幾幢嘅「喜」字頭嘅新樓以及蘇屋村陸續落成、入伙,連帶順寧道一帶都變化緊,較明顯喺多咗唔少餐廳進駐,避開青山道大街平租啲,客源亦相信會多起嚟。其中,較吸引人眼球喺主打以茶入饌嘅「Tea Hub 」,尤其一入夜,燈火通明鋪面晌幽靜嘅順寧道就更突出。

2018年4月19日星期四

組長日式放題 Captain's Japanese Restaurant:組知如此

回顧吓小弟自己嘅飲食足跡,以中菜、日本菜、意大利菜食得最多,當然,同呢類菜系晌香港較普及有關。日本菜方面,以日式放題食得比較少,因為身邊嘅老友都話無咁好食力,食得少就怕蝕底,而小弟對上一次食放題已喺一年前嘅事。難得戰鬥力強嘅表哥有興趣,兩老表聚一聚,就揀食日式放題,搵咗平平哋,又就腳嘅「日式組長放題」。

烘焙工坊 Bread Works:好友狂嚐曲(77)

食友當中,M君就最經常送啲曲奇呀、蝴蝶酥呀之類嘅餅食俾小弟,而且,大多數都喺啲小店,以往有唔少「好友狂嚐曲」嘅食評都喺由於呢位老友嘅送贈而寫成。今回嘅蝴蝶酥,又喺佢嘅餽贈,晌度先多謝佢嘅厚意。

2018年4月17日星期二

Lifetastic:生活.衪是的

小弟一向都喜歡食、又喜歡做甜品,甜品做得叻就肯定無我份,不過,搞咗咁多年,都知道做唔同甜品有唔同出竅門,尤其搵生果做甜品,就特別麻煩,因為易出水。最近,睇到食友嘅食評,大讚「Lifetastic」嘅「草莓西瓜蛋糕」,搞到有啲心郁郁想試,故此,是晚拉埋表姨甥女一訪「Lifetastic」。

2018年4月14日星期六

Odelice!:美味大法現

位於灣仔蘭杜街嘅法式小館「Odelice」開業咗一段長日子,風評亦不俗,不過,小弟就未曾光顧過。最近,得知分店開晌尖沙咀,而且,就晌The One 4樓,相當方便我等九龍人。故相約幾位友人聚聚舊,分享近嚟嘅點點滴滴。

2018年4月12日星期四

喜越 I'Annam Banh Mi et Pho:賞心越目

真喺隔咗好一段長時間先約得成呢餐飯,原意喺舊年去完一轉台灣嘅花東,友人想搵我分享嗰次旅行嘅點滴,由上年尾到依家,唔喺我唔得,就喺對方唔得,總之約嚟約去,結果,事隔半年先約得成,都真喺有啲誇張。點都好,成事就好啦,地方就由朋友揀,佢話想食越南嘢,投其所好我就無所謂。

2018年4月9日星期一

Shop9 Restaurant & Lounge:9仰大名

早前睇到食友寫呢間餐廳,雖然只喺午餐,都頗吸引,而且,性價比高,再問多詳細少少,話間餐廳做菜幾有心,值得一試。西營盤非第一次過嚟,第一街、第二街、第三街都有印象,收工由中環過嚟就更加方便。餐廳位處第三街街角,磚紅色嘅門面好易認,幾分歐陸氣息,從外面睇已見到用餐區分內外。

Fang Fang:聚舊午餐

舊年年尾晌中環同朋友試過一家主打亞洲融合菜嘅 「豐樂里」,感覺有啲西化嘅中菜,今日又喺約咗舊同學食晏,揀嚟嘅「Fang Fang」,同樣揉合西方及亞洲元素嘅新派中菜,加上環境靜局,非常啱靜靜哋同老友食餐午飯。

2018年4月8日星期日

開飯主義 Hoi Fan Cafe:開飯主意

一年總會入嚟太和一次,因為同親友入嚟掃墓,以往就多數揀正午時間,今年就改為晏晝,所以,就先晌大埔搵個地方食晏,食完再跟親友匯合。大埔真喺唔多熟,所以,請教咗地膽嘅舊同事,佢推介呢間「 開飯主義 」,話定價親民,「熔岩系列」有特色,性價比高。

2018年4月7日星期六

叁茶陸飯 CHA FAN:茶飯不C

一個月前過嚟Ikea買嘢,路經呢個餐廳時,就好奇佢個名點解,三姑六婆、三頭六臂、三書六禮、三推六問、三宮六院、三口六面……我就識,「叁茶陸飯」究竟開邊瓣!?其實,上次經過時已睇過吓,主打喺賣台灣菜,剛剛去完旅行,有啲手信跟表姨甥女交收,所以,就索性約佢食餐簡約便飯。

2018年4月4日星期三

魚米 Yu Mai:魚不可及

兩公婆是夜探完老爸,順道落到深水埗福榮街搵食,因為眾所周知,呢條街已經變成為食街,短短兩截街,唔使數,食肆都超過廿間。就番佢口味,又想食得清啲,更唔會揀啲要排隊嘅人龍店,所以,走咗入「魚米」,我哋都曾經幫襯過,知道間嘢都唔差。