環亞機場貴賓候機室 Plaza Premium Lounge (East)：環亞（東翼）新場

去機場貴賓室都喺入去食吓嘢、攤抖吓等上機，不過，就唔喺小弟慣常嘅做法，通常喺搭廉航唔包飛機餐先會到訪一下機場貴賓室，當喺提早食個「飛機餐」；又或者搭晨早機，出門口乜都未食，最好就預早少少去機場辧妥登機証後，到機場貴賓室施施然嘆個早餐。過咗離境禁區，最就腳就喺東翼嘅環亞機場貴賓室，所以，經常好多人排，最近，就見佢再前行隔幾步路設立咗「分店」，完全無人排，非常之好。

斯慕奇 Smuki：一斯脆味

同啲朋友為九月嘅花東之旅開「茶會」，晌旺角嘅上樓咖啡店食晏兼交待行程細節，因為店家嘅是日甜品只有普通嘅芝士餅一款，滿足唔到友人嘅喜好，所以，建議不如一齊試試一間主打法式泡芙棒嘅「Smuki 斯慕奇」，就晌兩個街口不遠處。

心選 Choice Cafe：最佳選友

九月中準備咗一趟花東之旅，機票、酒店亦一早訂好，行程基本上已度掂晒，喺有啲細位要執執，所以，趁出發前個半月，喺時候約啲「團友」開吓茶會，就番各人，選址旺角，揀咗數上咖啡店嘅「Choice Cafe」，貪佢環境夠迤，讓我哋可以慢慢傾。同人去旅行都要講夾唔夾，今次嘅旅行組合，可以講喺最佳「選」友之一，啱傾啱講！

Vida Coffee Stand：隱店賞心咖啡

相熟嘅食友早前試過依間咖啡店，覺得質素相當高，知我喜歡嘆吓咖啡，又晌中環區工作，所以，推薦小弟嚟試一試。小店位處皇9嘅嘉軒廣場，其實，正正晌小弟做嘢斜對面，一於早少少過嚟當食個早餐。

Non Kitchen：晴non的一天

同表哥講咗好幾次，觀塘有唔少廠廈餐廳，好多都好有特色，佢就一次都未試過嚟依類餐廳，所以，今次短聚就揀咗一間帶佢試吓，順便交收啲旅行用品，去旅行最緊要天氣好，順祝佢哋一家三口下個月中嘅關西之旅，一切順利，日日都喺晴朗天。non kitchen雖然話喺屬觀塘區，但其實近牛頭角地鐵站，行過嚟都喺5分鐘，挺方便。

鉄人旨花 Shika Teppan-Yaki：再拾旨味

有老友就嚟出遠門去澳洲做嘢，一去就幾個月，多得另一老友搞局，等大家可以聚一聚。選址由老友決定，揀嚟「鉄人旨花」食廚師發辧（Omakase, $1,280）。都曾經嚟過「鉄人旨花」食鐵板燒喇，不過，已經喺兩年多前嘅事，由師傅即席做鐵板燒，邊睇邊食，感覺真喺好唔同。其實，真失禮，廚師發辧都喺第一次試。

海港酒家 Victoria Harbour Restaurant：夫添死佬賀壽宴

繼年初嘅蛇宴，一拖再拖嘅死佬飯局卒之搞得成，晌大家咁百忙之中都夾到一日，真喺難能可貴，今次仲要「夫添」齊晒16件死佬，一個都不能少呀，真多謝各位大佬俾面出席。以往年中嘅飯局都會搞入三聖食海鮮，不過，連續3年入咗3次大家都有啲悶，今回就回歸市區，搵間酒樓包個房，等我哋點嘈都得，有死佬建議嚟「海港」，因為有抵食嘅阿拉斯加長腳蟹。

Hollywood 49：閒情．高質．午餐

平常好少出街食晏，一來中環食晏時段真喺超多人，周圍都逼到爆，二來公司有包伙食，唔使錢，又唔使同人逼，快快手食完仲可以小休吓。不過，難得有老友專誠搵到約食飯，就必定奉陪，是日就走到上荷里活道上面一家新開嘅餐廳「Hollywood 49」，位置就正正喺荷里活道49號，但大廈入口卻設晌嘉咸銜斜路。

Flâneur：官涌小館

最近朋友睇雜誌發現Flaneur依間餐廳，再上上網睇風評幾好，而且，二百零蚊就有一道有5款海產嘅海鮮拼盤，睇雜誌介紹仲唔喺用普通貨色，性價比非常高，所以，走訪一試。餐廳位處幽靜嘅官涌街，外貌有啲法式小館嘅影子，故此，都唔難搵。

金滿都越南餐廳 Gold Mondo Vietnamese Restaurant：分金同味

上次去長沙灣「DK Pizza」時，已途經過見依間「金滿都」越式餐廳，其實本身都幾鍾意東南亞菜式，因為味道上幾有特色，而越南菜故然亦有佢嘅個性。原來，依間餐廳喺家住順寧道尾表姨甥女嘅飯堂之一，佢話呢道啲晚餐四、五十，去茶記或快餐店都要呢個價啦，但勝在地方好坐，乾淨企理。

俺の割烹 Ore-no Kappou by Ginza Okamoto：食好嘢．先知先割

早個多月前，去咗銅鑼灣嘅「FireBird」，食咗唔少以宮崎、鹿兒島食材所做嘅理料，唔知友人喺睇咗小弟嘅食評，定喺知我年初去咗一轉南九州旅行，今晚揀嚟嘅「俺の割烹」又喺大賣宮崎食材嘅日本餐廳，席間再次談及南九州有幾好玩，讓小弟回帶返到宮崎、鹿兒島嘅旅程中。

Flamingo Bloom：明茶暗訪

近期行經士丹利街都見好多人堆喺依間新開嘅茶飲店外，唔單因為門口放咗好大隻紅鶴水泡，事後睇過啲飲食雜誌介紹，原來喺賣健康無添加嘅手工花茶，走新派路線，最特別喺並非慣常所見嘅西方花茶，而喺加入新元素嘅中國茶，怪唔得知咁多人嚟排隊嘆番杯啦！

Ask：問．誰領風騷

依家做飲食認真唔易，為彌補租金開支，往往營業時間都頗長，尤其是晌啲旺區，不過，今晚到訪嘅咖啡店「Ask」，雖位處上環區，卻喺8:00pm就閂門，幾有個性。

五斗米 South Taiwan Comfort：升斗小店

睇番自己嘅旅遊記錄，每隔三、四年就會過寶島旅行一次，對上一次喺2013年尾嘅台北搭宜蘭之郊遊樂（有興趣嘅朋友可瀏覽小弟遊記：http://travel.openrice.com/traveller/trip.htm?tripid=3892）。嗰次旅行發覺宜蘭好好玩，所以，今年九月已安排好進發花蓮、台東。台灣真喺好多美食，牛肉麵喺其中一種，印象較深喺晌高雄市鹽埕區嘅老宋牛肉麵所食嘅紅燒牛肉麵，平靚正（https://tw.openrice.com/zh/kaohsiung-pingtung/review/%E7%9C%9F%E5%81%87%E8%80%81%E5%AE%8B-e83827）。食友話我知，晌堅離地城都有一家小店「五斗米」，牛肉麵亦喺一讚，故是晚特意到訪。

薩莉亞意式餐廳 Saizeriya Italian Restaurant：費薩思量

聽個名以為佢喺嚟自意大利，其實喺日本過江龍，喺一家連鎖意式餐廳，遍及世界多個地區並超過千間分店，做到咁嘅成續真喺唔可以小覷。其賣點就喺平，但食物又唔差，可以講喺打破平嘢無好嘢嘅定律。今次就約咗晌曼克頓山做物業管理嘅親友食個早鳥晚餐，都真喺未試過5:00pm就食晚飯，哈哈！

東海滬 Shanghai East：滬相輝映

老婆啱啱搞完個活動，所以，趁開心星期五就一於唔好煮，落街食慶祝吓，雖然話「落街」，但就由街頭行到街尾，因為我哋都較少行嚟美孚廣場、曼克頓山呢邊食嘢。今晚就專登試試「東海滬」，話時話，作為美孚街坊一員，都真喺第一次到訪。

奇華餅家 Kee Wah Bakery：好友狂嚐曲（67）

唔知由幾時開始，就將啲蝴蝶酥、千層酥之類嘅小食放咗入曲奇系列嘅食評中，啱啱收到好友心意，喺嚟自「奇華餅家」嘅香脆酥條，咁就抽少少水索性放埋入「好友狂嚐曲」系列中。原來呢款產品喺奇華嘅新品，仲喺有多款口味。

靈魂 Soul 9+：靈枉勿縱

北角嘅錦屏街講嚟無咩特別，但其後街卻有啲似諾士佛臺咁，一條小巷隱藏咗多家食肆，如Villa Villa、古月、酒盗、The Beans、北豆 Bar & Grill……等等，若非友人相約嚟食晚飯，真喺唔知港島呢邊都有條「小諾士佛臺」。而今晚，友人揀咗據知由90後為店主兼掌廚嘅「 Soul 9+」。

うまい鮨勘 Umai SushiKan：獨丼一面

小弟曾到訪過關西、北海道及九州，但貴為首都嘅東京，真喺一次都未去過，拖吓拖吓「築地」都計劃好搬去豐州，而我都仲未有計劃到東京走一轉。晌築地內場嘅「うまい鮨勘」落戶香港，選址海運大廈，到訪唔喺因為其過江龍身份，而喺食友嘅誠心推介。從門面所見，餐廳應該幾大，設計又有得氣派，着住和服嘅妹妹負責引路。

譽宴 U-Banquet：出乎譽料

始創間譽宴其實都幫襯過好多次，飲茶又有，食飯又有，不過，寫嘅次數唔多，主因都喺同枱嘅人腳有時候唔方便影相。今次就唔同喇，同細胞小組聚餐，原來都無打算影相寫食評，但當點心一到佢哋已經話等埋我影完相先起筷。既然大家咁有心，迤迤哋出篇迤評，當喺留個記錄。

雲桂香米線專門店：劣食到雲

七一有咩搞作？慶回歸就無咩太大感覺，所以，兩公婆專程一早入咗去香港文化博物館睇展覽，皆因有兩個特展好吸引：「羅浮宮的創想 － 從皇宮到博物館的八百年」及「八代帝居 ─ 故宮養心殿文物展」，原本打算睇完展覽晌博物館嘅「牧羊少年咖啡．慢遞館」食埋午餐，嘩多人到不得了，結果行過去新城市三期，一樣人潮澎湃，故最後過咗對面偉華中心嘅雲桂香食米線，雲桂香有唔少分店，但都喺第一次食，事後睇啲人嘅食評先知，晌咁多分店中，沙田店喺劣評最多嘅一間，小弟呢次都算中個頭埋去自挖墳墓。