Pati by Lassana：再廠Pati

記得大概大半年前左右嚟過一次開晌廠廈嘅Pati by Lassana食晏，嗰時佢哋有個一人自選午餐，可以自選1款主菜、1款配菜及1款沙律，仲有包一杯一般餐飲，真喺好鬼抵。今次再闖Pati by Lassana嚟捧捧場，又睇吓有無點變先。

Tartes & Pop：以身試法

明知故犯，以身試法，就梗喺唔好啦，不過，見好幾位相熟食友均大讚西港城對面Tartes & Pop嘅法式甜撻點正點正，就當然要以身試「法」啦！的確，單睇賣相已相當吸引，嗜甜嘅小弟又點可以錯過，話晒食完晏行過嚟都好快。

Le Marron：私竇新法現

年尾先到過一間樓上鋪食法國菜，經食友嘅安排，今回又再有機會回味法菜滋味。由於有食友打點，少咗好多聯絡、安排事宜，一早到達，安心用餐。而食友所揀嘅餐廳就喺晌銅鑼灣嘅Le Marron，上到去門面極盡神秘，仲寫住「只招待會員」，食友喺會員？

富臨皇宮 Foo Lum Palace：死佬飯局掃興到甩富

又喺我哋一班拋妻棄子嘅死佬，一年一次嘅蛇宴兼團年飯局，上年嘅星廚真喺平靚正、有得睇有得食嘅好玩蛇宴飯局。今年，原本唔喺揀嚟富臨，貪佢做緊個蛇宴套餐加多$300就有房，點知後尾又話取消咗，價錢跟之前雖然一樣，但就只無咗包房嘅優惠，費事煩就退而求其次，堂座都照去馬。

海薈 My Harbour：後薈有期

睇鐵達尼時，覺得啲郵輪好犀利，好似幢漂浮大樓咁，成幢十幾層高嘅大樓晌海中游嚟游去，裡面吃喝玩樂乜都有。人生中都托賴去過唔少地方旅行，不過就從未坐過郵輪，今日同朋友嚟到啟德郵輪碼頭，可惜，都唔喺上船，只喺嚟海薈食餐晏仔，順便遊一遊依個大碼頭。

豚道樂 Butadouraku：津津樂道

一個月一次嘅組長訓練，單挑一支公嚟到荃灣，就晌訓練前嚟豚道樂食拉麵，因為見佢排晌十大之內，風評不俗，一於試試其水準如何？

奇華餅家 Kee Wah Bakery：「喜迎金猴」工作坊

世紀寒流襲港，市區氣溫十度以下，新界就更加唔使講，不過，晨朝早無懼寒風，照樣入到嚟大埔工業邨，因為，參與咗奇華餅家嘅「喜迎金猴」工作坊，阿茂整餅，學人整年糕及蝴蝶酥。

Bien Bistro：去到Bien．食布甸！

雖然慶祝結婚周年，但並未搵啲大店慶祝，只喺就腳少少嚟到荃新天地嘅小店Bien Bistro，喺朋友嘅推介，話值得一試。

Paul Lafayet：自討沒脆

為咗餞行姨甥女，同老婆家人晌沙田新城市嘅鼎泰豐食飯，佢哋啲甜品唔多啱大家食，所以，之後就轉過隔離鋪Paul Lafayet食個高檔甜品。

譽宴 U-Banquet：驚喜偶譽

今年第一餐嘅團年飯就喺同細胞小組嘅團友食，仲要提早到過年前三星期，因為成十多人，幾個家庭，實在唔易約。年近歲晚，好多酒樓都分兩輪，約到嚟譽宴，就喺貪佢就算星期日都唔分時段，讓我哋慢慢傾，輕鬆食。

莆田 Putien：美味田色集

曾經到訪過莆田銅鑼灣店，對其莆田10醉都仲記憶猶新，因為好幾道菜都感受到師傅嘅手功細膩，卒之開到嚟荃灣，喺同老婆常到嘅區域，所以，順道過嚟食餐午飯。

甜藝家 Sweet Boutique de Tony Wong：好友狂嚐曲（49）

「甜藝家」喺本地出名餅廚Tony Wong嘅新店，話新都唔新喇，依家都已經有3間店舖。套用官網嘅介紹，佢就喺一家以低糖、健康食材、用心製作、革新與創作嘅甜點餅店。

何洪記 Ho Hung Kee：洪心壯志

希慎去得較多都應該喺誠品，不過，小弟自問唔喺文青，肚內半滴墨水都無，死剩把口，但講嘢唔叻無口才，淨喺識食。今晚嚟到何洪記，試試米芝蓮一星嘅麵檔喺點？

煤氣烹飪中心 Towngas Cooking Centre：晌煤氣學整扒，一掃霉氣！

早前參加遊戲，中咗張煤氣烹飪中心（www.towngascooking.com）嘅禮券，烹飪中心嘅課程都幾豐富，幾多選擇。小弟都算喺個食肉獸，所以，最後揀咗個「Cook for Love on Valentine's Tuesday-Menu 2-香煎黑椒肉眼扒」實習班，課程費用$400，感覺都幾貴，但又可以帶一位朋友同行，變相$200一個人，又喺實習班，有得煮又有得食，仲有兩道菜示範，划算到極。

瘋鳥 Hummingbird：瘋芒畢露

好耐都無搵表哥一家食晏晝，趁依個星期日落開深水埗，又有點空閒，相約食餐午飯。佢哋家住順寧道，就番晌附近，所以，就揀咗新開無耐嘅瘋鳥，因為經過時見佢幾人氣！

AVA Restaurant Slash Bar：寫意高茶

好耐無嘆吓高茶喇，所以，有少少心血來潮，同親友嚟到尖沙咀嘅AVA，飲啖茶，食件餅，談談近況，說說將來，好好享受一下偷閒嘅周末。

我愛伊斯坦堡 I Love Istanbul：豐伊足食

初時朋友約食土耳其私房菜，第一眼望個地址感覺都有啲面熟，原來就喺曾經到訪過嘅「土耳其安塔利亞」，可能「安塔利亞」實在無咩人識，索性用「伊斯坦堡 」令旗幟鮮明。

梨滿園韓國料理 Lee Moon Yuen Korea Restaurant：薄梨多銷

新年前都各有各忙，卒之，趁新一年伊始，同幾位老友聚一聚，談談近況之餘，更暢談美食之事，是夜聚脚地就晌女人街內嘅梨滿園，少蒲旺角嘅友人覺得餐廳有少少難搵。

越棧越式湯粉專門店 Viet's Choice：日積越累

「越棧越式湯粉專門店」開吓開吓都越開越多，眨眼都有成廿間分店，曾經幫襯過荃灣綠楊坊店，不過，已經喺2012年初嘅事。雖然開到成為連鎖店，但嗰次光顧嘅印象唔差，卒之都開到嚟美孚，作為街坊，都無理由唔試吓架！

Berliner German Bar and Restaurant：深德民心

對於德國，雖然算叫做去過旅行，但已經喺十多年前嘅事了，加埋所聽所聞，其實對德國嘅認都唔算好深。唯一熟啲，就喺德國隊，不過，仲喺懷念緊馬圖斯、奇連士文、布林美……嘅年代。今晚嚟到Berliner，就唔喺搞咩細想德國，而只喺跟家人食慶生飯，試吓唔同嘅國家菜式。

亞玉豆腐花：垂涎玉滴

一大朝早晌新同星茶餐廳食完早餐，就出發踩單車由元朗入到去屯門，因為今朝個早餐都幾飽，之後返回元朗都無食晏，只隨意搵啲小食。嚟到阜財街，最人氣就喺依檔「亞玉豆腐花」，排晒長龍，不過，流轉快，排唔夠5分鐘就輪到我哋。

新同星茶餐廳：假日單車行．強新健體

身為九龍人，入到嚟元朗食早餐，並非為咩人氣長龍店，仲只喺隨隨便便、隨遇而安搵咗間「新同星」，皆因趁假日同老婆入嚟踩單車，當喺做運動強身健體，我哋住美孚（近西鐵一邊），入嚟元朗非常方便，幾個站就到。