美心西餅 Maxim's Cake Shop：別具蜂味

前文提要，同一班朋友晌小南國食飯聚舊，成年無見，要講嘅嘢實在「長氣」，傾咗成晚，去到飯局尾聲，亦喺甜點出場，除有小南國嘅棗泥千層糕及上海桂花拉糕，仲加插美心全新推出，充滿清新香甜，澳洲金奬蜂蜜系列嘅蜂味蜜糖屋蛋糕。

其實之前經過已經被佢嘅外型吸引到，蜜糖屋造型，加上黃色小蜜蜂及朱古力蜜糖棒，萌爆超可愛；再睇睇佢個產品說明，內藏多層以唔同食材製作嘅夾心，更引人想得「蜂」狂。

蜂味蜜糖屋 $198

介紹吓個蛋糕先，由底而上，包括：焦糖酥底、黃金蛋糕、蘋果蓉、朱古力蛋糕、檸蜜啫喱、黃金蛋糕、朱古力蛋糕、流心蜂蜜、蜂蜜寒天啫喱，層層相間，清晰分明，而再以蜂蜜慕絲包裹作為整個蛋糕外層，配少少白朱古力做裝飾。

外型同結構攞滿分，味道又如何？會唔會得個樣？整個蛋糕嘅味道以甜蜜為主，蜂蜜味極為突出，因為又流心，又寒天，又慕絲，點會食唔出濃濃蜂蜜滋味，但有少許偏甜；而焦糖酥底咬落酥脆，蘋果蓉頗清爽，檸蜜啫喱亦很清新，蜂蜜慕絲口感柔滑，滲出淡淡蜂蜜香味。咁多層，咁多手工，叫人食出多重口感，又以澳洲金奬蜂蜜製作，誠意十足，抵食之作。

同場仲有另一款蛋糕「蜂味芝戀慕絲蛋糕」（$178）及蜂蜜乳酪杯（$22），喜歡蜂蜜嘅朋友，你又會鍾意試邊款？

個人評分
味道：8/10
環境：6/10
服務：7/10
抵食：8/10
平均每人消費：HK$28

餐廳資料：
美心西餅 Maxim's Cake Shop
尖沙咀西鐵線港鐵尖東站31號舖
2367 3396