愛烘焙麵包工房 iBakery：好友狂嚐曲（廿一）

數月前曾收過朋友所送嘅「愛烘焙麵包工房」（ibakery）腰果朱古力曲奇，包裝簡約精巧，沖杯咖啡，啱啱好一包7件當個下午茶，等小弟晌沉悶嘅工作中抽一抽身悠閒吓。今次又收到另一包愛烘焙麵包工房嘅曲奇，哈哈，又可以「蛇一蛇」，抖一抖，嘆一嘆。

關於愛烘焙麵包工房依間社企，上次食評都有略略介紹，不過，自行上官網了解吓就仲好，喺一間好值得支持嘅社企。

今次收到嘅又喺朱古力口味，不過，就喺雙重朱古力曲奇，都喺一包有7塊。深得近黑嘅曲奇朱古力味極之香濃，入口非常鬆脆，初時以為「雙重」會唔會加入咗朱古力粒呢？因為曾經試過「喜‧乳酪」（Hey YO!!）嘅雙重朱古力曲奇，喺朱古力曲奇混入朱古力粒。不過，「愛烘焙」嘅雙重朱古力曲奇其實喺無嘅，大抵只喺單純加重朱古力味嘅成份，但印象裡跟上次食過嘅腰果朱古力曲奇嘅朱古力味不相伯仲。

多謝好友心意，讓小弟可以繼續「狂嚐曲」！

個人評分
味道：7/10
環境：- /10
服務：- /10
抵食：- /10
平均每人消費：HK$0（禮物）

餐廳資料：
愛烘焙麵包工房 iBakery
西環堅尼地城域多利道1號百年大廈2座地下2號舖
2816 5233