正宗水上人氣鍋專門店 Boat Dweller Steam Hot Pot Specialist：氣鍋蒸選

近年大行其道嘅蒸氣鍋，小弟唔算食得多，皆因食蒸氣鍋以品嚐食物嘅鮮味為主，所以，一間店食材嘅優劣就成為成敗關鍵。早前同食友飯聚，就聽佢猛讚依一間「水上人」，仲標以正宗，今晚就嚟到一探究竟喺咪好似食友所講咁正。

何洪記 Ho Hung Kee：英洪莫問出處

嚟機場唔喺出門去旅行，就一喺送機，一喺接機，仲有就當然喺晌機場或周邊工作嘅人。機場抵港層，食肆多的是，有翡翠拉麵小籠包、太興、Délifrance、星巴克、麥記……等等，唔止抵港嘅人會食，有時離港嘅人都會趁有時間會晌度食個早餐、午餐或晚餐先登機，所以，好幾間食店長期都咁旺。

良記餐廳（老鳳冰室）：老奉本色

傳統冰室晌香港賣少見少，執一間就少一間，不過，近幾年又興番起啲懷舊冰室，雖然只可以叫做「仿」冰室，但內裡嘅陳設卻又幾令我依等中坑懷念。之前曾幫襯過羅麥記、南龍、金記好幾間懷舊冰室，從食友嘅食評見到深水埗都有一家「老鳳」，我作為半個深水埗人，無理由唔撐吓喎，是夜就「老奉」撐場，順便落鴨寮街買個USB充電插座將來旅行用。

The Hwaduk：以逸待爐．好味韓雞

早前同兩個表姨甥女到訪過銅鑼灣一家韓式炸雞店，大家都好回味該次炸雞體驗，所以，再次相約品嚐同樣位處銅鑼灣嘅另一「雞店」，不過有啲分別喺店家只賣烤雞，佢個名就叫Hwaduk，韓文拼音烤爐嘅意思。

Holy Crab Bar and Restaurant：蟹逅相逢

一向都因為公司有包伙食，所以，甚少晌返工日在外食晏，中環食晏真喺多人到不得了呀！但喺，偶爾會有啲同樣晌依區做嘢嘅朋友，想聚一聚食吓晏，唔使下下等到邂逅相逢先至約嘅。只不過近德輔道、皇后大道嘅食店都塞爆，食得急，又唔方便坐得耐，所以，揀咗晌蘭桂芳再上啲嘅Holy Crab，貪其靜靜局方便我哋傾偈。

Tokyo Milk Cheese Factory：好友狂嚐曲（57）

晌舊年年底先落戶香港嘅日本過江龍超人氣伴手禮Tokyo Milk Cheese Factory，產品當中嘅牛奶芝士餅、艾登芝士蛋糕、海鹽芝士曲奇及蜂蜜芝士曲奇喺店家主打，試過嗰兩款曲奇又的確幾好食，又幾特別。今次食友送上此店嘅曲奇，原以為又喺曾試過嘅口味其中一款，點知喺有驚喜嘅新口味！

九重鮮 Steam Fresh：未卜鮮知

過去一年蒸汽鍋可謂大行其道，猶如雨後春筍，開得遍地，連好多酒樓都轉型加入戰團，都咪話唔激烈。不過，正所謂汰弱留強，九重鮮我認為喺其中一支「強隊」，皆因舊年年中由佢哋較先引入九層塔海鮮蒸鍋，經過一年，跳出大坑，再晌紅磡開分店，足證實力所在，可謂未卜先知，不容忽視。

柏屋 Kashiwaya：柏案叫絕首嚐懷石

日菜對小弟而言，除咗品嚐其味道，欣賞其做菜嘅細緻，亦喺一個個學習嘅機會。就如今晚一場懷石料理，無論選材、食物嘅賣相、味道，都喺令人難忘嘅體驗，「柏屋」或許你唔太認識佢，但身負米芝蓮三星嚟自大阪嘅佢，低調得緊要，卻喺卧虎藏龍。

The Chop House：為食牙斬斬

上次到訪過Prost by King Ludwig之後，見隔離The Chop House頗有氣氛，所以，搞手已約定話搵晚嚟一試，加上佢話銅鑼灣店已做得有聲有色，又有大集團背後支援，實在喺信心嘅保證，睇番銅鑼灣店嘅食評，又確喺既吸引。

Marks & Spencer 食品部：好友狂嚐曲（56）

同相熟食友嘅聚會，除咗可以聚一聚一齊「犯罪」之外，周不時都收到佢哋醒我嘅小食禮物，今趟又收到一小包出自馬莎嘅迷你朱古力碎碎曲奇（Mini Choc Chip Cookie）。

羅勒印度餐廳 Tulsi Indian Restaurant：香味足印

雖然「羅勒」貴為米芝蓮推介餐廳，但因為個人本身唔喺好信啲乜乜指南、乜乜雜誌推介，所以，今晚同親友嚟到食飯，都喺聽啲相熟嘅食友介紹，價位唔高，又夠正宗。

Hello Kitty 中菜軒：吉星拱照

雖然小弟唔喺咩吉蒂粉絲，但亦唔抗拒依一主題餐廳，不過，老友夏總嘅太太就喺佢嘅多年死粉，幸而據我所知就唔喺瘋狂嗰隻。再者，睇過啲食評，知道依度唔喺賣萌、賣可愛嘅地方，相約佢哋嚟當飲餐茶而已。

微熱山丘 SunnyHills：丘之良品

你會唔會喺好熱衷儲飛行里數嘅人呢？我都會儲，不過就唔喺搏晒命嗰啲，偶爾，有啲里數就快過期，但又唔足以換張機票遊吓埠，最叻喺換吓機鐵免費飛，今次就摷到原來可以用3,000里換盒微熱山丘嘅鳳梨酥（10個裝），加上老婆對佢哋嘅鳳梨酥情有獨鍾，所以，就更加好好利用就快到期嘅里數換一盒試試。

鐵牛台灣牛肉麵 Iron Cow Taiwanese Beef Noodles：打鐵趁熱

老婆上堂，知道今晚得番一支公食飯，所以，就趁機約埋保險經紀傾嘢，又一次過搞埋其他私事，待完晒之後就搵間餐廳舒舒服服食番餐。因為完晒事時身處尖東，順便到半島中心拍卡慳兩雞，出嚟見到對面好似有間新開嘅台灣麵店「鐵牛」，望入去都幾人氣，喺值搏嘅指標。

君蘭餅店 Orchid Padaria：好友狂嚐曲（55）

寫咁耐嘅曲奇食評，叫得做「好友」在嚐（賞）曲，就梗喺好友嘅相贈，不過，今次依包就唔同，喺老婆醒我嘅。事緣佢買咗幾包請啲細路食，點知啲細路唔鍾意，剩低一包就醒咗俾我。

奇華餅家 Kee Wah Bakery：好友狂嚐曲（54）

一向都以為「奇華」啲中式嫁喜禮盒都喺啲傳統嫁喜禮餅，如紅綾蓮蓉酥、黃綾荳蓉酥、白綾五仁酥、五彩皮蛋酥……等等，若非朋友送小弟一盒「熊貓嫁喜禮盒」（$88），真喺唔知佢哋嘅嫁喜禮餅「西化」咗咁多。以招牌熊貓做主角，戴上傳統中式婚嫁配飾，扮相卻趣致可愛，卻不失體面。

公主 Princess Cafe：不萌不紊

初時老友搞局約食飯，選址晌銅鑼灣嘅「公主」，雖然佢間唔時都當我喺「好姊妹」，但我心諗喺咪玩嘢呀，依啲地方唔多似喺男生幫襯嘅地方喎，況且小弟仲喺中佬一名，上到去扮「執事」就有份。不過，經老友解釋後，話人人一聽個店名就好易有誤解，查實店家並非賣萌一類嘅咖啡室，反而喺食到精緻歐陸菜嘅地方，加上最近新推出一個Princess Tasting Menu，故造就是夜嘅飯局。

Amina² Cuisine：酒逢知己．品味人生

事隔年半再次造訪，皆因知道其用料精，做菜用心，菜式有驚喜，所以，是夜與幾位食友共享美味，品味人生，更大談飲食軼事、趣聞，好不愉快嘅一晚。

小蟻人 甜品西餐 Mr. Ant：美味蟻竇

之前晌「飲茶」嘅食評都提過，有位朋友從外國返嚟逗留一個多月，晌上次餐飯講開不如行轉山，所以，趁佢走之前個星期六，三支公行吓城門水塘，行完落番荃灣食晏，之後再帶佢遊埋三楝屋，直落渡過悠閒星期六。

Jacomax：Jaco防飢

經過艱辛忙到甩轆嘅一週，嚟到快樂星期五，遇著老婆又要返學，捉埋老友聚聚舊吹吓水，大家想食得輕鬆啲，又話想食吓薄餅，講開我又好似一段時間無到訪過薄餅店，所以，晌網上摷幾間心水嘅，就番大家放工，就嚟到灣仔嘅Jacomax。

聚德軒 Jade Terrace Restaurant：情軒一線

中學年代，總會因成績關係，轉往唔同嘅班別，嗰時所讀嘅中學，精英班唔喺A班，而喺E班。隨着轉入唔同嘅班別，認識到唔同嘅同學組合，今晚一同飯聚嘅舊同學，算喺保持聯絡得最密嘅一組，不過，對上一次嘅聚會已經喺2014年年初晌德福金滿庭嘅事，今晚嚟到尖沙咀聚德軒，又再讓我哋班老嘢大話當年。