2016年2月29日星期一

Waffills:歡夫雀躍

親戚中,有其中一個表姨甥女喺窩夫迷,所以,打算嚟Waffills大嘆全比利時窩夫宴,一問佢,佢就肯定一「夫」百應啦,又點可以唔預佢呀!不過,話全窩夫宴又似乎有啲誇張,只喺一次過品嚐前菜、主菜、甜品3款帶有窩夫元素嘅菜式而已。

2016年2月28日星期日

灑家燒味小廚 Master Kitchen:燒灑走一回

大半年前嚟過灑家一次,試過其及第粥、炒牛河,都覺做得唔錯,不過,以南乳豬手最為有水準,印象中炆得腍,又充滿南乳香,所以,今日同朋友嚟下午茶,都翻兜一客豬手。

I's Land Cafe:廠出我天地

好鍾意個店名,Island解一個個嘅島嶼,但加多一「'」,就變成我嘅天地。好多人都想闖一番事業,做開飲食嘅當然希望有朝一日有自己嘅店,鋪租高昂喺人都知,但唔少餐廳都晌各區嘅廠廈開花遍地。嚟到I's land,睇見佢嘅環境,就好有依一種感覺。

2016年2月27日星期六

翠河餐廳 Green River Restaurant:不翠多士

晌美孚區有咩多?人口多,菲傭多,就喺茶記夾快餐店多。所以,逢星期六我同老婆都會出街食早餐,輕輕鬆鬆慢慢嘆,至於今早食邊間,揀嚟翠河,喺幾間美孚茶記值得翻兜之一。

2016年2月26日星期五

Three on Canton:食得夠Three

又喺一年一度嘅公司周年飯,雖然,今年嘅限額又再多啲,但啲自助餐價錢又再升啲,幸好老細俾嘅預算都算鬆,大部份五星酒店嘅自助晚餐都足夠應付。自從周年飯老細俾我哋放手搞「自己食自己」,無老細同枱,自然食得夠自由,夠輕鬆,經大家嘅篩選,定好晌Three on Canton大擦一餐(星期五晚,$628+10%一位,另有78折)。

2016年2月23日星期二

K2 Kitchen:美味無蹺K

除咗16、17年前晌觀塘區打過工之外,平日甚少過嚟,不過,自從依3、5、7年觀塘不斷嘅蛻變,多咗大商場,廠廈嘅轉型,走訪依區真喺多咗好多,原因都喺嚟搵食,之前曾到訪過身處廠廈之內嘅私房菜、咖啡室、西餐廳……等等。是夜,嚟到離港鐵唔遠巧明街嘅廠廈,與友人晌K2 Kitchen嘆番一餐抵食嘅歐陸菜,依家嚟廠廈搵食,已經絕不蹺蹊!

2016年2月22日星期一

The Fingerprint:指印良品

我哋香港有自己嘅港式西餐,日本亦有日式西餐,不過,食日式西餐晌香港好多地方都有,今晚,同朋友就晌The Fingerprint品嚐咗一餐好有特色,又好美味嘅日式西餐。

2016年2月19日星期五

必勝客 Pizza Hut:趣味芝最.開心時Hut

直覺嘅印象,覺得必勝客年年過農曆年都好似推出芝士7重奏系列嘅薄餅,不過,次次都會稍稍改頭換面搞啲新花樣。趁細佬生日,嚟到西九龍中心嘅必勝客,一家人食番餐賀一賀佢。話時話,都好耐無過嚟西九龍中心喇!

2016年2月18日星期四

Espresso Alchemy:咖啡之煉金術師

睇過啲介紹,知道Espresso Alchemy嘅幕後班底好強勁,有獲認證嘅專業咖啡烘培師、世界咖啡師大賽嘅資深評委,以及經驗豐富嘅咖啡師,所以,嚟得依度,食都喺其次,咖啡先喺重點,今晚同麵包班同學仔嘅茶聚,就喺想清靜傾吓偈,研究吓飲飲食食。

2016年2月17日星期三

十二味貴陽牛肉粉 Emma's Noodle:牛肉粉新貴

唔講你唔信,因工作關係,十多年前跑貴州山區跑咗好幾年,省會貴陽市就到訪唔多,大部分時間都只喺個落機上機嘅地方,真正要到嘅都喺偏遠嘅內陸縣,如六盆水、威寧、赫章……等等,咪話高鐵啦,記得嗰時連啲高速公路都未完善,真喺試過一早香港出發,上深圳坐機到貴陽,再轉車入威寧、赫章,到達已喺晚上八、九點嘅事。題外話講多咗,今晚一支公嚟到十二味貴陽牛肉粉,想重溫吓當年當地嘅牛肉粉。

2016年2月16日星期二

樂天客棧 Paradise Inn:配搭棧鬼南洋中菜

之前幫襯過樂天皇朝好幾次,八色小籠包當然一絕,其他菜式亦高水準,所以,佢哋嘅姊妹店開到嚟香港,自然投其信心票。位處奧海城嘅「樂天客棧」,交通尤為方便,今晚同朋友嚟食晚飯,因為佢哋就晌附近返工。

2016年2月15日星期一

Otto Restaurant:蝦蝦笑.迎開年

過年前,跟家人、親友好多團年飯要食,所以,跟相熟食友嘅聚舊,就留待過年後食番餐開年飯。雖然喺開年,但卻喺食西餐,打破啲慣性嘛。選址Otto Restaurant,貪其夠靜局。

2016年2月14日星期日

英王麵包店 A1-Bakery:梳乎.芝士合唔嚟!

小弟家住美孚,但就住近西鐵線嗰邊,有時搭荃灣線返到美孚,就會再行番過西鐵線,依一間「英王麵包店」就經常經過,而且,佢都開到好夜。但話時話,由於晌屋企食完早餐先出門,所以,甚少幫襯佢哋買早餐,今次嘅幫襯,都喺口痕當下午茶。

2016年2月13日星期六

聖安娜餅屋 Saint Honore Cake Shop:門當芋對.糕心莫測

今個農曆年食賀年糕點唔多,晌過年前收到姨仔嘅兩盒糕,一盒喺年糕,另一盒喺芋頭糕,以為又喺傳統嘢,點知兩底糕都有驚喜。
 至尊山芋芊絲糕
桂花紅豆軟心年糕

2016年2月12日星期五

Ciao Chow:順水推Chow

雖然晌中環工作,但一向都甚少出外食晏,唔喺帶飯返去叮,而喺公司屬舊派,仍有叫福食嘅傳統。都幾好架,足不出戶,專人送到,快快手食完又可以瞓吓晏覺。不過,間中都有例外,就如福食嗰邊無咁快開市,又趁新正頭,約約附近做嘢嘅朋友外出食餐開年午飯。

2016年2月8日星期一

功夫點心 Kung Fu Dim Sum:點.點心.意

之前晌另一食評中講過今個春節試咗兩款蘿蔔糕,分別喺美心及功夫點心,前者已晌另一食評分享過,所以,今篇就喺介紹吓功夫點心嘅蘿蔔糕。當市面乜糕物糕,出到咩味都有嘅時候,功夫點心所做嘅仍歸於傳統,就只有臘味蘿蔔糕及椰汁年糕。

2016年2月7日星期日

美心西餅 Maxim's Cake Shop:風糕物燥

上星期尾,香港嘅濕度跌到得廿零個巴仙,啲皮膚乾到呢……不過講到個「燥」字,就諗起「火辣辣」喇,早幾日經過美心西餅,見到新出嘅情人節蛋糕系列「#Cakefor2」,當中紅噹噹、火辣辣嘅辣味朱古力慕絲蛋糕非常搶眼,亦喺最感興趣嘅一個,一於換依個試試。

2016年2月6日星期六

奇華餅家 Kee Wah Bakery:熊福齊天

早前晌雜誌見過奇華餅家依個「熊貓賀年禮盒」($108),造型既得意,紅噹噹又夠應節,所以,今年我哋屋企連全盒都唔使預備,一於用佢嚟當埋全盒,反正,都無乜人嚟拜年,都喺當自己晌屋企嘅過年零食啫,哈哈。

美心西餅 Maxim's Cake Shop:吉星糕照

除咗老婆整咗兩底素蘿蔔糕自用之外,今年食到嘅蘿蔔糕仲有嚟自美心及功夫點心,後者另文再講,晌度先分享吓美心嘅「瑤柱蘿蔔糕」,喺表姨甥大量買入佢啲蘿蔔糕券再轉手賣俾我哋一班親戚,所以,平市面再平多少少。

2016年2月5日星期五

華御結 Hana-musubi:猴住嚟試

總有啲老友記好有心,喜歡過時過節就送上點點心意,而且,次次唔同,樣樣都見心思。華御結一向喺賣日式飯糰嘅專門店,估唔到賀年產品都有,友人話唔喺店家轉型,只喺跟友好嘅日本和果子台合作,將美味分銷嚟香港,小弟所收到嘅美味就喺與京都百年老店「京都吉祥庵」攜手推出嘅猴年限定和菓子「京乃干支菓子」。

2016年2月4日星期四

奇華餅家 Kee Wah Bakery:好友狂嚐曲(51)

我記得晌小弟嘅「好友狂嚐曲」系列中都寫過唔少餅店嘅蝴蝶酥、杏仁條食評,而奇華嘅出品,亦托朋友嘅福,曾試過其黑白芝麻蝴蝶酥(好友狂嚐曲39)及玉桂蝴蝶酥(好友狂嚐曲45),印象中,前者牛油、芝麻兩者嘅香味好平衡,而後者則牛油味被玉桂味搶咗啲。反而,佢哋嘅原味蝴蝶酥就未食過,臨近新年,咁啱多得好友送小弟一盒杏仁條蝴蝶酥禮盒作賀禮,正正就可以試到其原味蝴蝶酥!

2016年2月3日星期三

御苑皇宴 The Banqueting House:隨御而安

早年因為一個護鯊活動而嚟過依一間「御苑」食飯,覺得佢啲菜式都做得唔錯,今次同幾個以前做酒店嘅舊同事食團年飯,東鐵沿線最就大家,問過好幾間都分場,啱啱御苑就唔需要,所以,就一於扑鎚晌度食,等我哋可以安心慢慢傾。御苑屬於專做婚宴酒家,所以,環境算裝修得美輪美奐,可惜對海一邊大廳有公司包咗做年夜飯,不過,晌另一邊大廳都唔差。我哋一行5人,被安排坐晌近尾嘅一角,仲好啦,人少少,靜局啲。

2016年2月2日星期二

餅家 the Bakery:好友狂嚐曲(50)

早前友人所送嘅聖誕禮盒(蝴蝶酥及杏仁酥),已對「餅家」嘅出品已有深刻印象,貫徹店家嘅宗旨:用心製作;估唔到時隔無耐,又收到食友嘅好意,不約而同,又喺「餅家」出品,但今次就唔喺乜酥物酥,而喺曲奇,正正又可以為小弟嘅「好友狂嚐曲」多添一篇食評。

2016年2月1日星期一

CHOO CHOO:愛屋及Choo

最近,其中一個表姨甥女搬咗屋,其實喺長沙灣搬去長沙灣,只不過街頭去咗街尾,乘機賀佢喬遷兼聚一聚講吓近況,所以,呃番一餐飯食。Choo Choo話就話地址晌順寧道,查實鋪面開晌轉角嘅昌華街。好彩,事前表姪女話搭咗棚嗰間,所以,一轉角就見到。