2014年6月30日星期一

新加坡4天輕渡小周末 – 第3日

30 Jun, 2014 (Mon) 陰26℃-27℃

經過兩天輕鬆之行,來到第3天,仍是「悠悠」盪盪逛星洲。早餐過後,景點只有兩個:下午參觀西新加坡的裕廊飛禽公園,黃昏時分,到Labrador Nature Reserve的紅樹林小徑散步,遠眺聖淘沙。

晚上,返回市中心的老巴剎吃飯,看看這個很人氣的美食廣場在重開後的新景況!

2014年6月29日星期日

新加坡4天輕渡小周末 – 第2日

29 Jun, 2014 (Sun) 晴、陰、雨26℃-27℃

第二天的行程繼續輕輕鬆鬆,睡到飽足,就走到酒店對面的勞明達美食廣場吃早餐,十餘檔在營業,總有合你心水的選擇。

之後,再乘MRT加上轉巴士來到北新加坡的River Safari,來一趟少少郊區樂園遊。遊完剛好下午茶時間,在樂園門前的咖啡座悠閒一會。

下午回市中心的白沙浮、阿拉伯區走走,晚上取其方便,就在附近的雅柏熟食中心吃晚飯。吃罷,還找些榴槤攤販,吃一點才打道回府。

2014年6月28日星期六

新加坡4天輕渡小周末 – 第1日

28 Jun, 2014 (Sat) 晴 28℃-30℃

2011年第一次到訪新加坡,第一次到彼邦,經常聽人說很像香港,當然有不少地方是相似的,但相似中仍有很多不一樣,總之,也有很多新鮮感。事隔3年,有幸獲得兩張免費虎航機票,與太太趁着周末、周日,再駁上七一回歸假,有緣再訪星洲。

上一次短短4日行程去了不少當地景點,如濱海藝術中心、海濱長廊、新加坡河、尾獅公園、牛車水、植物園、聖淘沙……等等;亦到訪一些知名食店、熟食市場,試了不少地道美食,可以說是一趟開心的旅程。

故今次安排行程,又需要花多點點心思。再者,不用為趕景點,可以,輕輕鬆鬆逛獅城。大致行程如下:
Day 1 – 早上11:30am機,5:00pm抵達金陵酒店,旁晚到濱海灣花園,之後再到牛車水史密斯食街;
Day 2 – 輕鬆出發先到北新加坡的River Safari,下午回市中心的白沙浮、阿拉伯區走走,晚上在附近的雅柏熟食中心吃晚飯;
Day 3 – 是日行程先到西新加坡的裕廊飛禽公園,之後再到Labrador Park,晚上返回市中心的老巴剎吃飯;
Day 4 – 今日沒有怎安排景點,吃罷早餐,到超市買點手信,中午到機場,在T3的亞坤吃過午餐,就準備上機,旁晚6:00pm準時到港結束是次新加坡之行。
由於機票不用花費,所去的景點亦不多,最大花費也只不過是住宿及飲食方面,最後結帳兩人全程合共只用了HK$3,866,是一趟使費很少的旅程。

2014年6月25日星期三

滋味館 Delicious Viet Bistro:滋情識趣

認識「滋味館」源於食友嘅一篇食評,幫襯「滋味館」源於大家嘅一份支持。跟幾位晌飲飲食食上志趣相投嘅朋友,周圍覓覓食食,確喺一件幾開心嘅事,這夜走到嚟土瓜灣嘅滋味館,細嚐越南菜,閒聊話家常。滋味,唔單止因為枱上嘅食物,更因認識到依班知情識趣嘅朋友,令每餐飯局都喺一次歡聚。

2014年6月23日星期一

Marks & Spencer 食品專門店:公朱同好(十)

曲奇一直有唔少有心嘅食友送贈,令小弟作為下午茶輕食,讓我更可以晌度以「好友狂嚐曲」系列跟大家分享唔同店家曲奇嘅味道。但估唔到,朱古力小禮物收吓收吓亦收唔少,又讓小弟都可以寫吓,令「公朱同好」系列有幸捱到今次第10篇,而今次分享嘅喺馬莎產品。

鍋居火鍋專門店:安樂鍋

一向都鍾意「烚吓烚吓」,一邊烚,一邊食,又一邊吹水,尤其一大班人,特別有氣氛。同班「死佬」朋友就例去長沙灣嘅新星,簡簡單單平靚正嘛,但今趟朋友吹雞,一切有佢打點,難得唔使自已傷腦筋諗地方,安安樂樂食火鍋,真喺一餐輕鬆嘅安樂「鍋」。

齒來香蛋卷:為齒而來

食友遊走西環,拜訪多間老店,仲特意為小弟帶來一包特製鮮椰汁鳳凰蛋卷作「手信」,鳳凰蛋卷出自屹立晌西營盤第三街逾40年歷史嘅「齒來香」,除主打馳名嘅蛋卷及鳳凰蛋,據食友講仲有多款懷舊本土特色餅食。

2014年6月22日星期日

前門飯莊 The Door Northern Chinese Dining:擁滬有理

若非小組成員搞活動,都甚少入到嚟青衣,我哋先飯聚,再打波。每次入到嚟都有朋友負責晒所有事,安心食,安心玩,而揀前門飯莊作為飯聚地點,朋友話貪佢有個房仔,可以自成一角,又無消費要求。

下一站...甜品 Next Station ... Dessert:再.下一……城

之前一篇「Next Station Dessert… Mind your dollar please!」(http://garycwm.blogspot.hk/2014/05/next-station-dessertnext-station.html)已分享過當日所試嘅幾款甜品及飲品:雲呢拿泡沫配榴槤雪葩、粟子拿破崙、黑胡椒心太軟配雲呢拿雪糕、Mango Smoothie,都感受到店主對製作甜品嗰份用料有要求,製作有心思嘅用心。所以,再下一城!

亞坤 Ya Kun Coffee & Toast:新坤 vs 港坤

近年不斷有新加坡食店來港開業,「亞坤」喺其中一員,佢喺咩來頭,甚麼咖吔多人氣店、星洲70多年老店、南洋風味咖啡奶茶……等等,我諗雜誌、食評講唔少,可能大家仲熟過小弟!最近,難得到訪星洲hea幾日,自不然走訪一下當地亞坤,好想親自比較一下兩地嘅出品,究竟有咩差別?喺咪好似人哋所講新加坡店好啲。

美心西餅 Maxim's Cake Shop:親親熊貓

星期日同一班教會小組朋友晌青衣城食完飯,再到盈翠會所打保齡,個大人細路開心同樂日。美心又有新蛋糕推出,仲要喺可愛嘅熊貓造型,一定好啱用嚟氹小朋友,一於熊貓蛋糕做飯後甜品啦!

2014年6月21日星期六

龍島美食店 Lucullus Gourmet Shop:公朱同好(九)

最近,又收到朋友送贈嘅龍島朱古力,一送就要打孖嚟,就喺杏仁條朱古力:小紅莓乾杏仁條朱古力(Cranberry Almond Rocher)及脆米杏仁條朱古力(Rice Crispy Almond Rocher)。既然標題叫得公「諸」同好,喺要好好跟家人、朋友分嚐。

優閑甜品班戟店 Leisure Time Crêpe:轉角上嘅休優悠遊

雖然有話Happy Friday,但我就較鍾意星期六,因為一至五始終都要返工,就算唔忙,做嘢都總會累積一啲倦意,而星期日點輕鬆,又喺會想到第二日又要返工,所以,星期六嘅感覺就最好,完晒5日嘅工作,又有個星期日做緩衝。再一次趁著悠閒嘅星期六下午,同幾位朋友晌西環遊轉,嚟到「優閑」休閒咁嘆個下午茶!

御苑皇宴 The Banqueting House:我認,我喺個無翅之徒!

小弟一向對食魚翅都喺可有可無,食又得,唔食又得,以前亦有睇過一啲為取魚翅而殘殺鯊魚嘅紀錄片,所以,一般嚟講就甚少主動食翅,不過,出席過由「護鯊行動」(Shark Savers)所籌辦,御苑皇宴贊助嘅「一翅都唔食」(I'm FINished with FINS)一周年慶祝午宴後,小弟從此就走上「無翅之徒」嘅路,承諾以後唔食魚翅。

回味茶餐廳:我的星期六美孚早餐 ~ 回味乏力

「回味茶餐廳」嘅前身喺隔離鋪位嘅「回味小館」,以為佢執咗,之後原來頂在現鋪(前身喺賣日本菜嘅磯陣)重整旗鼓再做過。之前嘅回味小館曾幫襯過,可惜印象麻麻,今回見佢翻新搞過,應該俾多次機會試試有無改進到,就拉老婆落嚟食番個「回味」早餐。

2014年6月20日星期五

美心西餅 Maxim's Cake Shop:好友狂嚐曲(十八)

美心西餅嘅蛋糕食得多,其實佢都有出曲奇,不過,似乎記憶所及,小弟都未食過佢啲曲奇產品,今次又梗喺要多謝食友啦,賞我一包美心「榛子‧牛油曲奇」,讓我有個「狂嚐曲」嘅下午茶。

2014年6月19日星期四

映月樓 Serenade Chinese Restaurant:浮光掠映

好耐無同班舊團友一齊食飯,約得成事都喺多得大家合作,事關當中有做教師嘅,成日忙到飛起,做家長嘅就更加唔使講。映月樓新裝修後都未嚟過,所以,既就大家方便,又一向對美心中菜有一定信心,再者,啱啱同匯豐做緊個套餐推廣,覺得都啱食,定價唔貴,所以,好快就定實晌映月樓一聚。

2014年6月18日星期三

南燒北鍋 Roast Pot:當椰青遇上雞

重慶雞煲嘅熱潮依然有增無減,不過,次次都喺麻麻辣辣嘅雞煲,會唔會間唔中又多心想轉吓口味呢?其實,小弟都幾鍾意食重慶雞煲,不過,只限少辣程度,所以,無意中見到「南燒北鍋」嘅「椰青嘉美雞煲」,就好有想試嘅傻勁。

2014年6月15日星期日

agnès b. DÉLICES:公朱同好(八)

又喺時候再延續吓小弟嘅「公朱同好」朱古力食評系列,得好友相贈,竟然又喺agnès b.產品,不過,今次份禮頗為重手:「手造夾心朱古力禮盒」,禮盒外形設計簡約時尚,精緻大方。

上海婆婆 Shanghai Po Po:傳統不變‧婆婆依舊!

「上海婆婆」及「上海婆婆 336」都曾經幫襯過,前者買較傳統上海菜,而後者就喺「上海婆婆」嘅副線,無論裝修,以及食物,均針對年輕人,晌上海菜基礎上,加入一啲新點子,晌味道上略作調校,比起傳統湯滷醇厚、濃油赤醬嘅上海菜形象,變得健康一啲。查實小弟都好耐無去過「上海婆婆」,對上一次已經喺2010年嘅事(牛頭角淘大花園店),加上朋友較喜歡傳統嘅上海菜,所以,趁星期日過到嚟葵芳都會廣場店,食番餐「晏仔」。

2014年6月13日星期五

Table:動淨皆宜

依家喺「速食」嘅年代,乜都要快,平時返工睇免費報紙,都喺一樣,概略睇睇標題,有興趣嘅就睇多兩眼,不過,副刊中嘅旅遊及飲食就多數會花少少時間細閱,無他嘅,小弟為人貪玩成性,好食懶做。食海鮮,食到游水貨色已經好足夠,就如早前一班死佬揸車入到去屯門三聖村,飽餐一頓海鮮大餐。前排,晌副刊睇過一篇報導「淨化海鮮」,甚麼「還原真味」,文中仲提到海鮮淨化後都能達至刺身級級食,即喺乜都可以生食,實在令人好奇。這晚,唔使再好奇,與朋友一同體驗依份「淨化」真味。

2014年6月12日星期四

士林棧:不甘士弱

個人都幾鍾意台灣,所以,先後去過台北、宜蘭、台中、高雄、台南、墾丁等地,雖然台北嘅士林夜市未有留下過足跡,不過,晌唔同地方,甚至台北本身,都有去過唔少夜市。小弟就幾鍾意台中嘅六合夜市,夠大又多嘢睇;台北嘅饒河街夜市,亦唔錯,幾好行;印象中唔多喜歡高雄嘅瑞豐夜市,逼鬼到暈。今晚,獲邀嚟到士林棧,品嚐一下「士林夜市」嘅味道,又睇睇能否顯出不甘示弱嘅姿態。

龍島美食店 Lucullus Gourmet Shop:公朱同好(七)

之前都收過龍島嘅朱古力,一次喺三年前老婆送嘅罐裝榛子牛奶朱古力(Hazelnut Milk Chocolate),另一次就喺食友送嘅小盒裝南瓜子爆谷朱古力(Pumpkin Seed Choc-A-Corn),兩款朱古力都好好食,不過,當時就未有寫朱古力嘅食評系列。最近,又收到朋友送贈嘅龍島朱古力:熱帶乾果朱古力(Tropical Dried Fruit with Nuts)同快樂無限朱古力之旅(Happy Chocolate Tour),當然要寫入「公朱同好」系列啦,由第一篇到依家,唔覺唔覺已去到第七篇,雖然篇數唔多,但都代表對朋友餽贈嘅一份謝意。

2014年6月11日星期三

Subway:Subway芝選!實惠滋選!

一向都幾鍾意Subway嘅產品,因為價錢實惠之餘,份量十足,又可以自由選擇配料。以往多數幫襯半島中心分店,貪佢近尖東百週年紀念公園,尤其秋涼,買個潛水堡,邊享受陽光,邊享受美食,心情都寧捨開朗。不過,自半島中心分店結業後,如再要晌百週年紀念公園嘆潛水堡,就要光顧帝國中心分店嘞。

2014年6月9日星期一

一鍋 – 台日式精緻小火鍋專門店 iPot - The Shabu Shabu Expert:心有不柑

一人一鍋晌香港已經唔喺咩新事物,晌台灣亦喺好普遍,舊年就曾經到「一鍋」試過其台日式精緻小火鍋,印象唔錯。今次重臨,事緣新出咗兩款雞鍋底:古早柑桔雞鍋及上品花雕雞鍋,都甚有興趣想知道兩者味道如何!

2014年6月8日星期日

Lab Made 分子雪糕專門店:氮化不力

晌大力棒棒摩登中菜幫姨仔、舅仔慶祝完生日,就由弟婦負責付鈔請所有人去Lab Made食分子雪糕作飯後甜品,估唔到分子雪糕嘅熱潮依然咁旺盛,晌鋪外一堆二堆客人,有排隊落單,有等候雪糕,更有正正品嚐緊雪糕嘅滋味。

大力棒棒摩登中菜 Bang Bang Modern Chinese Cuisine:再嚐摩力

每年幫姨仔、舅仔慶祝生日,最大好處喺可以一餐過搞掂,因為佢哋生日只喺相差一星期,不過,諗去邊度食就最煩,皆因舅仔較為嘴刁,佢又鍾意食中菜多過西餐,傳統酒樓有啲了無新意。早前曾到訪過「大力棒棒」,試過其中一些特色摩登中菜,所以,今回就鐵定帶舅仔嚟一試有幾摩登法?

2014年6月4日星期三

御膳 Imperial:一遇再御

今時今日,私房菜唔喺咩新鮮嘢,上工廈食飯更唔喺奇談,所以,食肆要突圍真喺一啲都唔易。以廠廈賣私房菜為經營路線嘅「御膳」,舊年曾到訪一次,事隔大半年,依然有唔少食客捧場,自有其原因,大抵不外乎價錢與質素嘅關係。今次再嚐御膳,又睇睇啲食物有無走樣?還是更上一層樓!

2014年6月3日星期二

利華超級三文治 Oliver's Super Sandwiches:平實無華

這日要到城大出席一啲活動,今晚屋企無飯開,食自已,最好順便晌又一城食埋先走。唔想晌頂層美食廣場食,一支公食嘢可以好「求其」,亦唔會「求其」到搵老麥,卒之就悠閒咁晌利華食番餐。