Libra by Little Prince：工廠區中的小綠洲

不時都會過嚟葵涌區呢邊搵食，晌工廠區一帶，近住KCC呢邊其實都有好多食肆，不過大都喺晌星期日休息不營業，因為少咗附近啲寫字樓客嘛。但今次到訪嘅「Libra by Little Prince」就星期日都有開鋪，皆因樓上就喺Outlet特賣場，多少都有一定客源，而咖啡店又啱小弟口味。

三和叙 Sanwa Jo：午市歡「叙」

都真喺好耐無過嚟九龍城食嘢啦，就算屯馬線開通咗咁多年，呢區都甚少作為搵食首選，唔喺唔方便，我搭屯馬線過嚟都好快，喺無咗嗰種慣性啫。最近就同老友過嚟走訪一下食日本菜，因為有間日本餐廳「三和叙」開業好幾年，風評不錯，睇落都好有質素，環境又舒服。

九爺牛腩：一「腩」無遺

有個朋友幾鍾意食牛腩粉麵，唔使返工嘅日子佢就會周圍試，睇見食友嘅食評大力推介呢間「九爺牛腩」，經濟實惠又抵食，性價比高，所以是夜就同佢嚟到試一試啲牛腩得唔得！

Simplylife：一「酥」癢處

晌金鐘政府合署處理完文件後，落返中環途經「冠君大廈」，想起下面有間「Simplylife」，曾經喺「中環置地店」（現在已關門大吉）食過佢哋嘅烘焙產品，覺得靚正，所以，貪口痕又買個返公司作為下午茶。

山城毛兒老火鍋：有機可「城」

小弟一向都唔嗜辣，食到少少咁啦，不過，身邊就有唔少朋友視辣如無物，食得瘋狂。今晚就瘋狂一下，同朋友嚟到來自重慶嘅品牌「山城毛兒老火鍋」試試其川式老火鍋，據知喺由四川師傅主理，夠晒正宗，老友就非常期待亦讓小弟掹掹車邊，有機可乘試啦重慶火鍋。講到重慶火鍋，小弟真喺有啲失禮，因為工作關係，都曾經走訪有山城之稱嘅重慶十多年，不過都喺未習慣到花椒所帶嚟酥麻嘅感覺！ 

越風味地道越南料理 Viet Tasty Cuisine：逍遙歲「越」

東南亞菜系中，一向都幾鍾意食越南菜，曾經自由行去過越南兩次，到訪過唔少地方，河內、胡志明就唔在講啦，上木帆船晌下龍灣過一晚嘅旅程好舒服，到美奈睇沙漠賞夕陽亦喺唔錯體驗。今晚就嚟到「越風味」食吓越南嘢，短期暫未打算出門，就先回味一吓越南味道。

J’s Bistro：期待落空

同老婆晌荔枝角完咗聚會諗下食乜好，佢就記返起大概兩年前同姨仔慶祝生日嚟過呢間主打歐洲健康食材，以意大利橄欖油烹調，無添加味精嘅「J's Bistro」，由於嗰次印象好唔錯，所以，佢就話再嚟呢間一試。

July Coffee & Co.：悠閒周末

今日同舊同學行一段中距離，由深井經「大欖自然教育徑」行到入屯門大欖水塘，再晌「掃管笏」離開入番屯門市中心。雖然要行4個鐘，但大部分都喺郊野公園內嘅車路，最高點都應該唔過300米，所以唔難行，就晌出發前一於喺深井食餐好嘅先再起行，搵一搵，見到「July Coffee」幾人氣，就晌度悠閒地嘆一嘆。

古今二 Kokon 2：「古」佢唔到出色壽司卷

好耐無約表姨甥女出嚟食飯啦，因為佢之前長時間喺鄉郊搞復耕，近半年先搬返出嚟市區暫住，所以今晚約佢食番餐簡單嘅日本菜。聽聞「古今二」啲壽司卷好有創意、好有特色，因此上嚟走訪一下。

大少燒味茶餐廳 Dai Siu Roast Cafe：下午茶補給站

等到老友「洪哥」星期六短週，加上地鐵有半價 ，所以，兩支公專登入到嚟大嶼山行山，而今次選擇嘅喺由梅窩起步行，經南山古道、南大嶼郊遊徑上到伯公坳，再過對面接地塘仔郊遊徑，然後落返石門甲，再去逸東邨食番個下午茶補一補，行得夠晒皮。因為上年年尾嚟過呢邊住民宿Staycation，所以對「滿東」、「逸東」都有啲認識，而今次所試嘅喺「大少燒味」，因為好似睇見啲食評都唔錯。

Green Common：今次真喺Common咗

在前文提要少少番，就喺同一班舊同事喺西環、中環玩咗大半日，坐埋摩天輪，搭返天星過尖沙咀，而是日行程最後一站，就喺食晚飯。下晝餐梳乎厘班戟下午茶都未落晒格，所以呢餐晚飯就食得輕怡少少，嚟到「Green Common」食餐素，加上離碼頭近，夠就腳。

PHI Coffee & Pancake：真「梳乎」下午茶

又喺要上文提要吓，同舊同事一齊走訪西上中環嘅最新大型壁畫，仲參觀埋「元創方」同「大館 」，前前後後都行咗幾粒鐘，大家都話有啲攰攰哋，加上晏晝嗰餐食得唔稱心，點都要搵番個滿意嘅下午茶嚟補番。幾個人都話想食梳乎厘班戟，既然就晌「大館」附近，一於落去「PHI」，話晌小弟曾經食過一次，都比較有信心唔會伏。

Moment by Moment：Snack Moment

上文提要一吓，由於同啲啲舊同事游走西、上、中環一帶睇睇「HKWalls」新一批大型壁畫，順道嚟埋「元創方」參觀，並趁小休一會，就晌「Moment by Moment」打打躉，食啲小食。