壹餅房 ocos：壹餅難求？

晌「南龍冰室」食完一個蝦醬炒公仔麵、一個芝士撈公仔麵及一客金磚焗咖喱雞扒飯，雖然身處冰室，照樣有精緻嘅飯後甜點，當然唔喺講緊普普通通嘅布甸、啫喱、忌廉蛋糕……等等。而喺對面「壹餅房」嘅出品，真喺估佢唔到，原來晌南龍可以點壹餅房嘅蛋糕。

南龍冰室 Nam Loong Cafe：保值磚頭

好多舊區都有自己代表嘅冰室老店，不過，隨着年日，有啲無下一代接手，有啲就大幅加租被逼結業，真喺賣少見少。不過，對冰室嘅情結，總有啲有心人，就好似原址晌筲箕灣嘅「南龍冰室」，若非食友提及，真喺唔知筲箕灣有此老店，結業後再晌銅鑼灣重開，仲由一班後生仔搞起。雖然唔可以跟老店相提並論，但多少也可以讓人掂記一下冰室嘅味道。

Naked Gurume Gyarari：Naked Naked在目

幾個月前先曾經到嚟Naked Gurume Gyarari出席試食活動，印象不俗，西日混和菜，日本食材配合西式煮法，西式食材添加日本味道，當晚嘅味道仍有種歷歷在目嘅感覺。這晚，適逢老友轉咗新工，晌上環嗰邊返工，就相約晌度食番餐當道賀，跟老友食飯喺一件開心事，邊談邊食，先祝願老友新工工作順利，前途更上一層樓。

美心西餅 Maxim's Cake Shop：汁迷不悔

芒果所做嘅甜品真喺層出不窮，只要你有創意，凡事都可以，就以本地薑許留山為例，賣芒果產品多年，都可以講歷久不衰；而年初來港嘅台灣過江龍MangoChaCha，一樣以芒果為單一賣點，照樣越做越有。芒果真喺可塑性強，早前，晌免費報紙睇到美心又出新蛋糕「果汁乳酪蛋糕」：芒果 x 熱情果，已非常感興趣，正打算週日買個返去試試，就剛啱收到公關送贈嘅換領券，多謝之餘，又為小弟慳到一餐飯錢。

Espuma：泡沫中嘅慢活

講到西班牙，小弟依啲波牛就淨喺識西甲嘅皇馬、巴塞、西維爾、馬體會……等等，當然，仲有鬥牛啦。早前曾從飲食雜誌嘅介紹，知道依間原來喺全港首間巴塞隆拿咖啡店，跟西班牙銷量第一嘅咖啡豆品牌Novell合作所開，雖然唔喺捧著咩朝聖心態，但總有一份好奇。

華御結 Hana-musubi：偶然一御

一向甚少為午飯而傷腦筋，因為公司有叫福食，即喺包伙食，坐定定等人送飯上嚟。不過，有時都有例外，有同事放大假我哋就會取消一次半次，改買外賣食。食嚟食去都喺飯盒，轉轉口味，所以就建議不如試一試食飯糰，嚟一次飯糰偶遇，更趁出開街早啲去買，唔使跟人排長龍。

18巷泰國餐廳 Soi 18 Thai Cuisine：東北泰菜泰回味

你話食泰菜、越南菜、星馬菜，多多少少都分辨得出依幾個菜系，若然你問我泰東北菜喺點，小弟就真喺搭唔上嘴。事後翻睇維基百科，有咁嘅描述：「泰國菜以酸、辣、鹹、甜、苦五味的平衡為特點，分泰北菜、泰東北菜、泰中菜、泰南菜4大菜系，反映泰國四方不同的地理和文化，各地使用的食材往往跟鄰近國家的一樣。」多謝老友為我哋揀選主打泰東北菜嘅「18巷泰國餐廳」開餐，有機會讓小弟認識及品嚐一下依個再細分出嚟嘅泰菜特色。

大叻越式料理：叻極有限

朋友有揸車，又想去荔枝角嘅AEON買嘢，順便食埋飯，我都想行吓AEON個超市買吓零食，所以就跟大隊一齊過埋去食晏。其實本身去荃灣嘅AEON多過去荔枝角店，因為近西鐵較就小弟方便，所以，晌度食乜就由朋友發辦。問我一句越南嘢OK嗎？東南亞嘢一向啱我啦！

辛安東元祖奶奶雞 Spicy Andong：除舊迎辛

曾到訪過辛安東元祖奶奶雞銅鑼灣店，嗰次除主打嘅奶奶雞之外，亦試咗多款特色小食，感覺良好，既有新鮮感，又食得滋味。今回再訪，則嚟到鋪位較大嘅旺角店，食完奶奶雞仲可以晌附近嘅HeSheEat、Next Station Dessrt、樂甜品……等食埋甜品先走，一定帶著滿足返屋企。

Venchi Chocolate：朱古力 x 雪糕 x 咖啡．滿足3個願望

一個品牌有百多年歷史，絕非僥倖之事，正所謂創業難，守業更難，成功自有其因素。這日下午，有幸出席Venchi朱古力專門店嘅新概念店開幕活動，讓小弟率先體驗一下佢哋「朱古力 x 咖啡」新概念嘅魅力，因為尖沙咀及灣仔分店一直都喺以賣朱古力及意式雪糕為主，中環新店就兼賣多款咖啡及朱古力飲品。

百特文治 Pret A Manger：英日新味‧「卷」起滋味

麵包班同學仔啱啱去完首爾嚟，話有袋小手信醒小弟喎，咁就不如兩個麻甩佬約埋一齊，食吓嘢，吹吓水啦。地點選取IFC嘅百特文治（Pret A Manger），原因喺大家都晌中上環返工，收工行過嚟都得，走時一程地鐵又快又直接返到屋企。其次，因為剛巧收到公關送贈嘅新出品換領券，用咗佢唔好嘥，再補啲飲品、甜品，咁就變成既輕鬆、又輕怡嘅一餐。

泰愛泰 Thai Love Thai：一反常泰

雖然喺星期日，早餐一樣好似平常咁都食得早，所以，到晏晝會頗肚餓，去茶記食碟大堆頭碟頭飯就一定飽晒。不過，今次就有少少唔同，早餐晌屋企整咗個小型全日早餐，甚飽肚，故此，嚟到午餐時段，唔算好餓，但亦都要食啲嘢，所以，兩公婆一反常態就改食輕省啲嘅粉麵，泰愛泰金邊粉就成為今次午飯飯堂。

莆田 Putien：莆羅大眾嘅美味

「莆田」，福建省沿海中部嘅一個城市，以為依間新食店過江龍喺嚟自國內，點知她來自星洲。近期星洲名店一間接一間晌香港插旗，之前有阿坤、樂天皇朝、Twelve Cupcake，新一員「莆田」大賣福建菜（閩菜），之前睇過啲飲食雜誌介紹，福建本身為三面環海嘅省份，海產、土作皆豐富，所以福建菜以新鮮、天然嘅食材，利用精細嘅手工，保留真味嘅烹調，做出反璞真味嘅菜式。話晒都喺晌新加坡有十多間分店嘅過江龍，所以，捧場客都絡繹不絕。