山區裡的走走趯趯: Gelato Pique Cafe：「熊」出沒注意

2026年3月20日星期五

Gelato Pique Cafe：「熊」出沒注意

自從有咗啟德站之後，都真喺多嚟咗啟德、九龍城呢邊食飯，今晚又過到嚟AIRSIDE，晌3樓一家日本服飾店門外傳嚟陣陣製作法式薄餅嘅香氣，唔單賣法式薄餅，其實裡面更喺家餐廳，仲供應主食、飲品……等等，頗為吸引，喺食餐晚飯嘅好選擇。

晌門口睇唔出原來行入去餐廳都幾大，加上佢由服飾店開設，所以裡面佈置得帶點夢幻，再者，一室簡約木系風，燈光柔和，感覺很寫意；而一邊都喺落地玻璃窗，相信日頭嚟感覺唔單止開揚，會倍感舒服。

此外，用餐區較前嘅部分位置更闢作為寵物友善區域，歡迎帶寵物嘅客人安心晌度用餐，非常有心。

廚房都喺開放式，完全睇到師傅做菜、整薄餅嘅過程，所以，睇起嚟衛生度特別高。

食物方面，亮點自然喺新鮮製作嘅法式薄餅，有甜有鹹嘅，見唔少客人就咁買件甜嘅邊行邊食，此外，仲有意大利麵、咖喱飯、三文治、沙律、多款飲品供選擇，所以，嚟食個下午茶又得，食正餐都得，原來飲品仲有加配減$10優惠。

點餐採用自助模式，晌收銀處落單，待傳呼器響機就可以出去取餐，餐具、紙巾、清水都可以喺出面自助櫃位度自由取用，所以，呢度用餐喺唔需要加一服務費，咁就可以慳返啲。

仲有就喺如方便嘅，用餐完筆就將托盤、餐具等等放返去餐具回收處嗰度，方便一下員工，話晒大家都喺打工仔，個個客人行多步，人哋都唔使做得咁辛苦。

拿鐵咖啡 $36（原價$46）

因為飲品嘅製作比較快，所以先整好嘅係兩杯飲品。因為襯返啲甜品，小弟梗係揀返最心水嘅拿鐵先，雖然呢度嘅意式咖啡喺機沖，不過飲落相同啲豆都喺靚貨，咖啡味幾醇厚芳香，唔算話上佳，但亦都好唔錯。

70%特濃朱古力 $48（原價$58）

反而老婆杯特濃朱古力有驚喜，一來面頭放咗塊小熊曲奇，自然令賣相更加可愛，喺加分位，二來70%特濃真喺唔喺浪得虛名，飲落朱古力味好濃郁，而且，個口感都幾順滑，佢都大讚好飲。

北海道帶子明太子熊耳朵麵 $138

呢一款熊耳朵面其實就喺意大利嘅貓耳朶麵，不過，餐廳用咗熊主題，就順理成章取名為熊耳朵面。呢款意大利麵都幾特別一片片，特別煙韌咬口，而且，比長條形意大利麵更掛汁，所以，配上香濃厚身嘅明太子忌廉汁特別好食，鹹鹹辣辣，仲混入唔少三文魚籽，添加口感，而啲帶子亦喺靚貨，大粒，爽口彈牙，有帶子嘅鮮甜味，不失北海道之名。