上到一樓，喺一個好大嘅公共空間，轉左行入啲就喺餐廳，開放式門面，一眼就可以睇到晒成間餐廳，地方非常寬敞，樓底高，空間感十足，裝修帶文青風，氛圍輕鬆。而且，更喺寵物友善，人多人少嚟都適合。兩邊窗都喺落地大玻璃，相信日頭嚟透進陽光，感覺更醒神，尤其冬日暖陽，讓人更覺舒服。
餐廳採掃碼落單，而晌地下就放置咗兩組餐牌：「意大利麵 /飯」同「主菜」，選擇都唔少，定價$88-$238，正所謂豐儉由人。此外，亦提供午餐、下午茶！
而我哋主要揀個「西班牙乳豬二人晚餐」，包咗餐湯、沙律 / 頭盤、主菜、意粉 / 飯、甜品同花茶，最正喺做緊半價優惠嘛，着數嘢無理由唔揀佢嘅。
每個類別都有唔少選擇，頗為彈性，載咗圖俾大家有個參考。
玫瑰洛神花黑糖茶食物製作需時，先嚟一壺花茶細味吓，而茶具都好精緻，一大壺夠由頭飲到尾。味道芳香，帶點洛神花嘅酸，又有陣陣黑糖嘅微甜，飲落好舒服，又有種消滯嘅功效。
Wow素湯盲盒素湯，嚟到都未必知喺咩湯，呷一口就知喺甘筍湯，味道清新，口感順滑，底下仲有啲薏米，可謂健康滿滿。
芝士焗千層茄沙律或頭盤共有7款選擇，老友就想試試焗茄子，因為未食過。將茄子、意大利黃青瓜一片疊一片，加入自家製蕃茄醬同水牛芝士，焗出嚟芝香四溢，而茄子及青瓜焗到軟透，配上茄醬同芝士，味道酸香開胃。
巴黎燉牛臉肉配南瓜意大利飯主菜或意粉類共12款選擇，個人嚟講，西冷或豬手應該喺最抵食，不過，小弟又比較想試師傅做意大利飯嘅手勢，就揀咗佢。兩大件燉牛臉肉，非常有睇頭，咬落入味又鬆化，而汁底帶點甜味，飯粒有咬口又夠濕潤，仲混入唔少南瓜粒，真唔錯。
西班牙烤脆皮乳豬標明有350克，更喺即叫即焗，製作需時，而乳豬嚟到真喺熱焫焫，散出陣陣香氣。外皮咬落勁酥脆，咬落咔咔聲，脆到好似薯片咁，肉嫩多汁，鹹香不膩；配埋清爽嘅沙律菜，同炸得甘香脆口嘅薯條，唔沾茄醬都好食。
法式慢烤蘋果甜品有3款選擇，以呢款烤蘋果最想試，一來未試過，二來好奇烤蘋果會有咩特別呢。真喺原個蘋果焗，但裡面放有好多果仁碎，食落好香口，蘋果軟腍，果仁脆口，味道好清甜，又有微微玉桂香。
老死果然好介紹，唔單環境舒適悠閒，服務熨貼，招呼好，多道菜式亦做得有水準，加上喺社企，值得再幫襯。
個人評分
味道：9/10
環境：8/10
服務：9/10
抵食：8/10
平均每人消費：HK$233
味道：9/10
環境：8/10
服務：9/10
抵食：8/10
平均每人消費：HK$233
餐廳資料：
WOW Pasta
地址：土瓜灣馬頭角道50號迎豐1樓
電話：6257 5164
WOW Pasta
地址：土瓜灣馬頭角道50號迎豐1樓
電話：6257 5164
沒有留言:
發佈留言