agnès b. DÉLICES：公朱同好（十二）

「公朱同好」依個朱古力食評系列，卒之都儲到夠一打，其實，咁耐以嚟，寫朱古力食評印象中都超過廿篇，不過，喺後期唔少朱古力都喺朋友所送，而所收到嘅朱古力又會同家人或同事分享，有公諸同好嘅意義，先至以系列形式一路寫落去。今次，又從食友手中收到好嘢agnès b. DÉLICES嘅「榛子排裝黑朱古力」（Dark Chocolate Bar with Hazelnut），走上官網睇過，只得淨重72g，竟要賣成$100盒。

粉綠色鐵盒包裝，有種好溫柔嘅感覺，盒面嘅浮雕喺agnès b.嘅招牌兔仔。唔知喺咪同agnès b.特別有緣，過去一年收到agnès b.嘅朱古力特別多，包括：「手造夾心朱古力禮盒」、「Snow Ball朱古力」、「12片裝64%純黑朱古力禮盒」等等。而依款排裝黑朱古力有榛子、杏仁、野草莓、低糖4款味道，另外亦備有排裝牛奶朱古力，同樣又有4款味道:榛子、低糖、海鹽、芥末芝麻。

官網資料

打開鐵盒，包裝非常簡單，黑朱古力無咩密封。但打開睇睇啲朱古力造型又幾得意，做到好似砌圖咁，有agnès b. DÉLICES字樣；而背面就沾滿原粒榛子，一粒緊貼一粒。

講咁耐，味道喺點呢？原粒榛子既大粒，又香脆，榛子味香，黑朱古力採用64%朱古力嚟做，份外甘苦醇厚，喺誘人嘅可可滋味，如果想食落甜啲又無苦味，揀牛奶朱古力系列就合你口味。

作為閒時嘅一口口零食，確喺奢侈咗，不過，能與家人分享，又豈用金錢價值嚟衡量。

個人評分
味道：8/10
環境：-/10
服務：-/10
抵食：-/10
平均每人消費：HK$0（禮物）

餐廳資料：

agnès b. DÉLICES
鰂魚涌太古坊德宏大廈1樓D舖
2805 0318