麗姐私房曲奇 Lily's Pastry ：好友狂嚐曲（廿二）

自從小弟開始寫依個「好友狂嚐曲」嘅曲奇系列，都會多咗少少朋友送上曲奇作小禮物，因此，亦讓我知道更多城中大大細細嘅曲奇專賣店。若非朋友送嚟呢包「麗姐曲奇」，真喺唔知有間「麗姐私房酥餅」嘅小店。

上網睇過吓佢嘅背景，原來來頭唔少，由最初對整餅產生興趣，以至放售於旗下餐廳，到依家仲開咗多家分店，貫徹做出全手造及無化學添加劑嘅曲奇餅。除多款曲奇，仲有幾款一口酥、蝴蝶酥、蛋卷、鳳凰卷……等等。

杏仁一口酥，佢個官方英文名叫Almond Cookies，所以，姑且納入埋小弟嘅曲奇餅食評當中。包裝袋有膠條封口，唔使一次過食晒都得。一口酥除咗杏仁，仲有腰果同合核，一包裡面都有幾多粒，多少粒就無數過，而每粒一口酥細細圓圓，烘得金黃，面頭梗有一片杏仁片，入口味道鹹鹹香香，口感酥酥化化，所以，都幾好食。

有機會，又真喺想試番吓佢啲「曲奇」，睇睇個水準又喺點，因為從官網見到佢啲曲奇，跟平時食開嘅樣有啲唔同，所以想知道究竟喺咩口感啫。

個人評分
味道：7/10
環境：- /10
服務：- /10
抵食：- /10
平均每人消費：HK$0（禮物）

餐廳資料：
麗姐私房曲奇 Lily's Pastry - Homemade Cookies
銅鑼灣禮頓道62號A禮賢大廈地下
2882 7300