美心西餅 Maxim's Cake Shop：芒．不了你

從雜誌睇到美心又有新蛋糕推出，喺全新呂宋芒系列，其實美心一向都出唔少以芒果為主題嘅蛋糕、甜品，老婆就特別鍾意芒果脆脆（當然，芒果亦喺小弟好喜歡嘅水果之一），因為芒果肉多，沒有多餘嘅忌廉，口感較為輕盈。依家新推嘅「香芒開心果脆脆」，加入埋同樣喺佢鍾意嘅開心果元素，更會心動一試。咁啱，收到公關寄嚟嘅試食換領信，讓小弟可以慳番一小筆。

依期時令呂宋芒系到，除雜誌所見嘅「香芒開心果脆脆」，以及舊有一直熱賣嘅「芒果脆脆」、「香芒盛放」、「香芒忌廉卷」，新作有「香芒熱情果」、「香芒六重奏」及「香芒開心果六重奏」，單晌櫥窗望已夠晒吸引呀，睇得人心花怒放添！

香芒開心果脆脆 $98

個蛋糕上下黃綠兩間，餅面有大大球芒果肉，襯以幾點啫喱水珠，側傍圍咗幾個芒果味馬卡龍，賣相精簡爽朗、時尚清新。

外表精簡，內裡就一啲唔簡單，切開後一層又一層嘅配搭，由上而下：芒果慕絲、蛋白蛋糕、芒果肉、開心果慕絲、海綿蛋糕、脆脆餅底，真喺要滑有滑（慕絲），要軟有軟（蛋糕），要脆有脆（餅底），口感層次豐富；而味道上，不愧當造呂宋芒，既香且甜，不論芒果慕絲、抑或開心果慕絲，都能帶出個別味道，卻喺唔會搶走對方風頭，平衡到位，又估唔到咁夾喎。

食完個香芒開心果脆脆，對香芒開心果六重奏，似乎有啲蠢蠢欲動一試嘅念頭！

個人評分
味道：9/10
環境：7/10
服務：7/10
抵食：8/10
平均每人消費：HK$25（參考值，以4個人分享一個蛋糕計）

餐廳資料：
美心西餅 Maxim's Cake Shop
美孚港鐵美孚站KEF 3號舖
2745 4739