從門面已睇得出阿麥走歐陸小店路線，木系門面，再晌地上擺放少少盆栽及雜誌架，襯上白紗窗簾。透過偌大嘅玻璃窗，可窺探當中嘅悠閒氣息。內裡裝修簡約，數盞吊燈及壁燈，加上枱上嘅蠟燭燈，營造柔和嘅用餐氣氛。此外，牆上掛咗一幅幅外地景點大相，以及店主旅行時嘅景點照，帶嚟多點寫意嘅感覺！
除散叫以外，晚市套餐較為划算，4道菜晚餐包括前菜、餐湯、主菜及甜品，附送啡茶，定價都喺$143 - $238 +10%，而前菜同餐湯可加錢升級，平貴任擇，部份主菜亦不乏特色。由於是晚試菜菜式一早安排好，少了半點操心。
香煎帶子配柚子沙律伴柑橘汁醋汁 $88
Pen - Fried Scallops with Grapefruit Salad with Citrus vinaigrette sauce
第一道上場喺一道好清新嘅沙律頭盆，沙律菜入口爽脆，帶微酸嘅柑橘醋汁，酸香細緻，加埋微微酸澀多汁嘅柚子肉，叫人份外醒神；而中間嘅香煎帶子，厚肉甘香，墊上薄薄嘅蘿蔔仔薄片，配上海膽及黑魚籽，頓時鹹鮮富層次，實在很有心思嘅組合。
第一道上場喺一道好清新嘅沙律頭盆，沙律菜入口爽脆，帶微酸嘅柑橘醋汁，酸香細緻，加埋微微酸澀多汁嘅柚子肉，叫人份外醒神；而中間嘅香煎帶子，厚肉甘香，墊上薄薄嘅蘿蔔仔薄片，配上海膽及黑魚籽，頓時鹹鮮富層次，實在很有心思嘅組合。
酥皮焗蟹盒 $98
Crab Meat au Gratin
外層嘅「飛佬皮」（filo pastry，有叫做「紙酥皮」）脆得交關，咔嚓作響，內裡有好多蟹肉，軟綿富口感，味道又香濃。店主介紹時，話不單拆新鮮蟹肉，而且加埋蟹膏、忌廉、洋蔥嚟整，再晌表面糝上少少芝士，真喺唔單真材實料，仲心機處處，亦喺小弟今晚最欣賞嘅菜式，絕對值得捱介。
外層嘅「飛佬皮」（filo pastry，有叫做「紙酥皮」）脆得交關，咔嚓作響，內裡有好多蟹肉，軟綿富口感，味道又香濃。店主介紹時，話不單拆新鮮蟹肉，而且加埋蟹膏、忌廉、洋蔥嚟整，再晌表面糝上少少芝士，真喺唔單真材實料，仲心機處處，亦喺小弟今晚最欣賞嘅菜式，絕對值得捱介。
黒松露野菌忌廉湯 $48
Cream of Black Truffle
忌廉湯本身質感都滑身，但因為實在勁多野菌碎粒，帶點粗粒感，及有少少飽肚感；再加入埋黒松露醬，菌香濃郁突出，香味四溢。
忌廉湯本身質感都滑身，但因為實在勁多野菌碎粒，帶點粗粒感，及有少少飽肚感；再加入埋黒松露醬，菌香濃郁突出，香味四溢。
焗波士頓龍蝦配扁意粉伴海鮮汁 $178
Linguini with Seafood sauce and Baked Boston Lobster
一客扁意粉有半隻開邊波士頓龍蝦，以烤焗形式處理，無咩太多調味，務求食出龍蝦鮮甜原味，細心位喺連個蝦鉗都拆咗殼，咁就成隻龍蝦都食得方便俐落，再者蝦肉本質爽彈，實在味美。而扁意粉煮得有啲未透嘅感覺，少少硬心，兼且鹹咗少少，但個海鮮汁底就非常濃鮮。
一客扁意粉有半隻開邊波士頓龍蝦，以烤焗形式處理，無咩太多調味，務求食出龍蝦鮮甜原味，細心位喺連個蝦鉗都拆咗殼，咁就成隻龍蝦都食得方便俐落，再者蝦肉本質爽彈，實在味美。而扁意粉煮得有啲未透嘅感覺，少少硬心，兼且鹹咗少少，但個海鮮汁底就非常濃鮮。
黑松露麵包蟹意大利飯 $168
Edible Crab Risotto with Black Truffle
依個麵包蟹意大利飯，有種似曾相識嘅感覺，同樣晌銅鑼灣一間樓上餐廳品嚐過，細問之下，原來主廚曾晌該餐廳工作過，所以，再次將此招牌菜帶到嚟阿麥當中，而且定價仲要平近3乘（以散叫價計）。最好都喺兩三個朋友分享，因為意大利飯內充滿鮮拆蟹肉、蟹膏同菌粒，加埋芝士、黑松露醬，雖然飯粒煙韌，味道幽香，始終一個人食會覺得有啲滯膩之感。
依個麵包蟹意大利飯，有種似曾相識嘅感覺，同樣晌銅鑼灣一間樓上餐廳品嚐過，細問之下，原來主廚曾晌該餐廳工作過，所以，再次將此招牌菜帶到嚟阿麥當中，而且定價仲要平近3乘（以散叫價計）。最好都喺兩三個朋友分享，因為意大利飯內充滿鮮拆蟹肉、蟹膏同菌粒，加埋芝士、黑松露醬，雖然飯粒煙韌，味道幽香，始終一個人食會覺得有啲滯膩之感。
試過幾道前菜、主菜之後，又去到餐飯嘅尾聲，店主為我哋預備好兩款甜品：雪葩及芭菲。
柑味雪葩 $48Mandarin Sorba
雪葩分為檸檬及柑味，可惜前者賣晒，只好試試柑味雪葩如何？冰鎮嘅柑味雪葩，半個柑皮包住滿滿雪葩，冰涼清爽，柑味頗出，酸香中甜味較重，但不失為一份平衡番先前兩道味濃主菜嘅調和劑。
焦糖芭菲 $48
Camerel Parfait
芭菲類甜品屬小弟較少接觸嘅甜品類別，以忌廉、牛奶、芝士做成嘅原味芭菲，奶香味好濃重，而質感卻好輕柔，入口即化。配合埋焦糖脆脆及脆果仁，跟芭菲形成強烈嘅對比，幾有趣嘅甜品。
芭菲類甜品屬小弟較少接觸嘅甜品類別，以忌廉、牛奶、芝士做成嘅原味芭菲，奶香味好濃重，而質感卻好輕柔，入口即化。配合埋焦糖脆脆及脆果仁，跟芭菲形成強烈嘅對比，幾有趣嘅甜品。
如果嫌一般啡茶太普通，店主晌飲品方面都下咗啲苦工，例如有：特色咖啡、川寧茶、果味冰茶、特色牛奶、四季保健飲品……等等。
熱情果乳酪 $38
小弟向來喜歡試新嘢，所以揀嚟一杯特飲「Yogurt Drink」，有士多啤梨、熱情果及紅桑莓（覆盆子）3款味道。眼前依杯「熱情果乳酪」，比想像中少酸，反而入口清香，冰涼，好啱夏天享用。
廚師晌廚房裡默默煮，我哋就密密食，因為今餐店主為我哋所預備嘅實在太多、太豐富，再次多謝款待，令各人食得心滿意足。
個人評分
味道：8/10
環境：8/10
服務：8/10
抵食：8/10
平均每人消費：HK$0（試食邀請）
味道：8/10
環境：8/10
服務：8/10
抵食：8/10
平均每人消費：HK$0（試食邀請）
餐廳資料：
阿麥廚房 Mackie Kitchen
銅鑼灣加路連山道9號地舖
2808 0351
阿麥廚房 Mackie Kitchen
銅鑼灣加路連山道9號地舖
2808 0351
沒有留言:
發佈留言