金記冰室 Kam Kee Cafe：金非昔比？

今個中秋節所品嚐嘅月餅唔多，唔喺親友送嘅，就喺朋友俾，又或者同事拎返嚟公司一齊分享。所試到嘅大多數都喺奶皇，少部份喺傳統嘅蓮蓉或豆沙餡。如果講到最懷舊就要數到伍仁，依個年頭真喺唔喺個個識欣賞，偏偏我老婆佢又鍾意喎，因為少蓮蓉，而果仁對身體有益，佢話如果無埋啲金腿就完美喇！

男人廚房 Man Kitchen：男．以捉摸

上回細佬生日，就試咗深水埗嘅「堤諾比薩」，感覺唔錯，今次輪到細妹生日飯，都搵番啲食薄餅嘅小店，結果摷到間「男人廚房」。依家出街食飯喺穩陣嘅做法，但當小弟打去訂枱時，接電話嘅店員好似有種錯愕嘅反應，去到就知點解。

奇華餅家 Kee Wah Bakery：姆明之月

既然老婆同姨仔去完北歐，自然多多少少都有啲北歐手信，老婆就送咗隻姆明茶匙俾我，姨仔就送隻芬蘭茶杯，仲加多一盒姆明家族嘅茶包。無獨有偶，友人提前送我月盒，嚟自奇華餅家，最特別喺「迷你姆明奶皇月餅禮盒」，真喺夾晒啲手信。

我愛廚房 I Love Kitchen：優質廚品

雖然依篇唔喺食評，但都同飲食有好大關係。小弟久唔久都有落廚，但就唔喺咩大製作，勉勉強強見得吓人，而廚具亦無話太多要求，一向以精簡實用為主。最近，就因為家中塊竹砧板打柴，有朋友介紹一款美國出嘅砧板，話喺永久保用，喺唔喺咁堅呀！所以，專登走一轉睇睇，地點就晌K11內嘅「I Love Kitchen」，位置方便。

Springfields：法式小清新．抵食二人餐

中環一入夜都幾靜，旺嚟旺去都只有蘭桂芳同雲咸街或蘇豪一帶，皆因酒吧林立，吸引唔少買醉嘅人或遊客。知道表姨甥女極鍾意窩芙、法式薄餅一類嘅甜食，早前食完晏經過擺花街嘅「Springfields」，晌門口睇見大大個餐牌，原來餐廳主打法式薄餅，更有鹹有甜添，所以，是夜就嚟到「Springfields」。

鮨一日本料理 G One Sushi Japanese Restaurant：難忘鮨味

上次晌銅鑼灣嘅「鉄人旨花」食過一次「廚師發辧」，確喺一次難忘體驗；最近，嚟到尖沙咀嘅「鮨一」，品嚐當造時令嘅魚生，亦喺一次難忘體驗，皆因睇住師傅切魚生、擺盤，已喺一種視覺享受。

Picada：南美美食之旅

唔知友人喺咪睇到小弟晌大坑嘅「Andy's Garage」食評，講到南美洲好多引人入勝嘅景點，如秘魯天空之城「馬丘比丘」，玻利維亞天空之鏡「烏尤尼鹽湖」……等等，但飛行時間長，旅行成本超高，有生之年都應該無乜機會到訪南美。故此，就推介我到中環嘅「 Picada」，因為主打就喺賣南美菜，唔單止墨西哥，仲有秘魯、哥倫比亞、阿根廷菜……等等。

百味堂：夢味以求

早陣子同朋友晌K11食飯，由地鐵轉上商場，經過中庭見到有間店好多人排隊，名為「百味堂」，因為當日既路經，又鬼咁多人，所以，就未有詳細深究賣乜嘢。事後睇雜誌才知喺韓國一家乳業集團旗下嘅新品牌，標榜用100%韓國農場直送有機牛奶，主打牛奶雪糕，而呢間K11店喺Pop-up Store，真喺唔知開幾耐。是夜雖然都仲見好多人，但排隊嘅人唔算多，就試吓其夢寐以求嘅牛乳產品。

Burgeroom：奇珍異堡

七、八十蚊食個漢堡唔喺咩驚奇事，近年不斷湧現漢堡包店，講緊唔喺三、四十蚊一個餐嗰種，而喺單買個包都七、八十，甚至過百，但仍然有唔少人幫襯，願意以金錢換嚟高質素嘅漢堡。Burgeroom在港原來都開業10年，能賣高檔嘅漢堡一直維持咁多年，必然有其個人之處。

McCafe：McCafe鴛鴦

一年出入香港機場唔多，就算上大陸山區做嘢，我哋都喺取道深圳機場，因為嗰邊班次多啲，啲時間又好啲。今日嚟到香港機場，唔喺出門，而喺接老婆機，佢就好啦，同姨仔（即喺兩姊妹）兩個去咗北歐旅行，卒之完結咗15日嘅行程，所以，今日就專登入嚟接機。去到機場，發現佢哋嘅航班有延誤，加上我又早到咗，故晌抵達大堂層嘅McCafe打住躉先。

雅‧悠蔬食 Leisurely Veggie：重新素造

素食店「悠蔬食」有咗九龍店，嚟光顧就方便好多，約咗表哥食晏，幾間餐廳俾佢揀，估唔到佢對素都有興趣喎，可能我同佢講過依間唔喺一般齋鋪，啲素菜做得精緻有心思，又夠健康，所以，佢就揀依間嚟一試。

Jumbo Cafe：珍分奪秒

因為小弟都算住近西鐵線，所以，新界西都偶有小弟搵食足跡，但新界東呢？真喺除大圍、沙田外，往上延真喺食唔得幾多間，今次同兩位朋友嚟到Jumbo Cafe食晏，都喺因為一位朋友住正大埔，另一位朋友住晌上水，我就順便入嚟樹記買鮮腐竹。

幸屋：拉麵小確幸

晌日本旅行，見啲日本餐廳真喺做得好專吓，賣拉麵就只喺賣拉麵，賣壽司就淨喺賣壽司。不過，今晚落開灣仔買啲電腦附件，路經過嘅「幸屋」，就既賣拉麵，又有丼，且有好多串燒添。一支公食番碗拉麵，都可以喺種小確幸唷！