明彩海鮮酒家 Ming Choi Seafood Restaurant：執身彩賀死佬回歸

死佬飯局自上次五月嘅三聖添鮮局之後，因為死佬之一孔七兄大病一場，所以，拖到依刻先搞番次打邊爐聚一聚，順道賀佢回歸，大步「攬」過，今餐雖然唔齊腳，都算有特別意思，又可以一齊嘻嘻哈哈吹水食飯。之前打邊爐，多數去飯堂「新星」，貪其唔貴，材料夠鮮，不過，今回想試試隔離街嘅「明彩」，任食火鍋，全包價，最啱我哋依班大食死佬，條數好圍啲。

Doux：嘩嘩嘩．眾取．寵下午茶

嚐甜品、嘆高茶，絕對喺令人心情愉快嘅節目，難得一段時間無見嘅老友找伴，話之前到訪過嘅一間主打提供Art Dessert嘅樓上甜品店啱啱推出咗個英式下午茶套餐，拉埋小弟一齊嘆番個下午茶。

樂天皇朝 Paradise Dynasty：蟹逅新菜

一入秋唔喺蛇，就大閘蟹，市面好多餐廳都推出蟹粉菜式。雖然小弟對大閘蟹唔算死粉，唔會搶先試，不過，就晌樂天皇朝食咗今年嘅第一道蟹粉菜式。嚟到樂天皇朝，估唔到仲喺咁旺，幾多人晌門外等位，可能喺星期五，又有蟹粉菜推出。

Pret A Manger 百特文治：芝味．滋味晚茶

嚟到灣仔會展睇展覽，唔經唔覺睇到好晏，仲有一段時間先到食晚餐嘅時間，夜晚又有其他行程，所以，就不如兩餐夾一餐搞掂，下午茶加個早鳥晚餐，攝埋個中間時間，偷得浮生半日閒，唔使四圍盪。

悠蔬食 Leisurely Veggie：渾身解素

上次趁着星期日同過老婆嚟食晏，佢一致贊好，當然唔好食就梗喺唔帶佢啦。短期內再翻兜嘅餐廳，悠蔬食都喺屬於少數之一，無他嘅，好味之餘，配搭有心思，賣相又精緻，食素啱老婆口味更喺其中主因之一。獨食難肥，好嘢就梗喺要共享，所以，多拉埋另一位老友一行三人過嚟找「素」。

永和海鮮酒家 Wing Wo Seafood Restaurant：西遊團餐

是日教會搞咗「西遊記」，兩車一行近百人包團遊西貢，去吓獅子會、鹽田梓及橋咀島，行程好迤，叫做到過部分地質公園，但依條線唔算多嘢睇。中午，安排到西貢市中心嘅永和海鮮酒家食團餐。

Spark Bar & Restaurant：閃爍美味

若非唔喺朋友嘅介紹，真喺唔會嚟到Spark Cafe食飯，老友喺樓上咖啡餐室嘅覓食之友，鍾意捐窿捐罅「上樓」搵食，油尖旺叫佢俾幾間選擇，其中之一就喺Spark Cafe，佢嘅評語就喺抵食夾大件，咁又睇睇有無所言非虛先。

賀喜 Gaki Japanese Restaurant：後喜之秀？

香港人一向「新屎坑」，一有新店就好易一窩蜂去排，小弟就好怕排隊，因為香港大把好嘢食，唔會話食唔到依間就有咩損失，排隊真喺嘥時間。九月中尾先開張嘅「賀喜」，新開當然好多人，就好似隔幾個鋪位嘅「韓盛朗」，一樣開檔初期門口企滿人，依家去已經無咁犀利。所以，趁星期日午市過嚟睇睇，人唔多，兼且市午流轉快，只隔幾張籌，等無耐就有枱。

Paul Lafayet：賞心悅目小圓餅

事緣入到去蝴蝶村做探訪，難得入到嚟屯門，就無理由食個晏就閃，所以，都周圍逛吓，不過，星期六嘅屯門，一樣多人到不得了，結果就只喺行咗一陣就返歸。費事兩手空空，除買咗啲零食，就有少少「專登」過嚟屯門市廣場嘅Paul Lafayet，買件片裝蛋糕（Loaf Cake）返去同老婆下午茶。

金象餐廳 Golden Elephant Thai Restaurant：象心獨運

屯門本身都少入嚟，蝴蝶村更喺人生第一次到訪，真喺港燦入城。由於工作關係，先會入到依條村做探訪，完事之後都喺午餐時間，所以，返到輕鐵站附近搵食，隨意就幫襯咗「金象」。

Espuma：蕉思暮想

Espuma中環店唔喺第一次嚟，但對上一次已經喺大半年前嘅事，當時一時興起為試佢個全日高茶。今次就無話特別要試啲乜，只喺朋友想搵個靜局好迤啲嘅地方食飯吹水，大家同喺中上環工友，所以，小弟就建議嚟依度慢慢坐、慢慢嘆！

Babbo Trattoria：心意之選

同幾個團友仔嘅小飯局，想要搵啲食物有水準，環境有氣氛嘅餐廳，所以，就想到嚟Babbo Trattoria，喺聽老友早前推介過嘅一間意大利餐廳。

Häagen-Dazs：冰封我心

我依等食棍親戚，無咩叻，死淨把口，就即喺「為食」。今晚上到親戚屋企黐餐，查實就唔止為餐晚飯，主要喺慶祝表姪女生日快樂，而生日（雪糕）蛋糕嚟自Häagen-Dazs嘅出品。

Check-In Taipei：北．一樣的台菜

同你講晌台灣茗茶，正路不過，但講到品酒，會唔會覺得離咗題呢？小弟對酒一向都見識淺薄，但對台灣嘅美食就甚有興趣之至，麵包班同學仔對酒就甚有研究，所以，今晚兩個麻甩佬嚟到Check-In Taipei，就各有所好。

悠蔬食 Leisurely Veggie：絕不粗蔬

曾經跟朋友嚟過一次，知道佢哋唔單只做健康嘅素食，更以創意、心思嚟做菜，試過覺得有水準，味道又唔會好似齋菜咁寡，絕不粗疏，所以，當其時已打算帶老婆嚟食番餐當喺佢生日飯。

樂農 Happy Veggies：不樂俗套

自從老婆轉咗多食素菜，出街食飯搵地方都多咗留意啲素菜館，就算唔喺素菜館，都會揀多少少喺素菜嘅菜式。今次藉着細妹生日，就揀咗以聘用聽障員工嘅社企餐廳「樂農」一試，樂農都開咗好一段日子，由灣仔開到嚟旺角，佢嘅背景都唔使多介紹。位處旺角港鐵站附近，非常方便，而一出電梯就喺整間餐廳嘅地方。