Zecond：不「二」之選

要走過來上環續領回鄉卡，來到只見人頭湧湧，就算晌網上預約咗（其實喺一定要網上預約，無即場籌），睇見啲籌號都有排輪，所以，先落去食個食個午餐攝一攝時間。有晌上環做嘢嘅朋友就推介咗呢間小店「Zecond」，名字都幾特別，佢話小店製作有誠意，出品絕對喺高質素，所以，正所謂擇日不如撞日，咁啱過到嚟就食番餐高質午餐。

睇佢門面細細，入到裡面第一個感覺喺地方唔大，但原來餐廳喺佔地兩層，地下一層一半喺小用餐區，另一半喺半開放式廚房，因為拉咗簾就唔喺好睇到裡面。

嚟得早，趁未咁多客人，走上上層睇睇，樓上全層都喺用餐區，所以，座位比較多，感覺亦闊落啲，故此見到部份拍成大枱。整間店主色調喺淺粉紫色，裝修簡約，感覺都算舒服。

午市時段，餐牌底面兩版睇晒，包括有多款主菜、意大利麵、飲品同甜品，所有主食都會附送瓶裝果汁，但可以加錢轉為啡茶。不過，有一點 感覺少少奇怪，揀主菜會附送是日濃湯，但揀意大利麵就唔知點解會無，當其時又唔醒起向店員問問。

海膽醬蟹肉牛油果意大利麵 $158

睇啲色水就覺得落咗好多海膽，因為一片橙黃，雖然食落口，無話大梳大梳蟹肉，但每炷麵條面都沾滿海膽醬同蟹肉，味道獨特，有陣陣鮮味，再者，啲麵條煮得啱啱好，咬落柔韌咬口，而且，原來仲有好多牛油果，以及唔少鮮雜菌，整體嚟講食味絕對唔錯。

比利時窩夫 $58
窩夫嘅賣相好靚仔，因為烘得微微焦香，配咗好多士多啤梨及藍莓，仲有一球雪糕，初時仲以為喺抹茶，但食落先知原來喺玄米茶雪糕，實屬少見；窩夫都幾有蛋香，裡面好綿密，襯埋啲雜莓同雪糕，真喺甜蜜在心頭。

美式咖啡 +$15
雖然，鮮奶咖啡喺小弟至愛，但有時都會試吓其他嘢，今回就改飲美式咖啡。估唔到啲咖啡幾醇香，甚對啱小弟嘅口味，因為我就怕帶酸味嗰種嘅，而呢杯帶點點果仁香。此外，店家好好人，免費幫我續多一杯美式咖啡，可以跟埋個甜品慢慢嘆。

雖然只喺簡簡單單試咗一客意大利麵，一份甜點，但都食得出喺用料不賴，製作認真，而且，招呼好唔錯，侍應亦好有禮貌。晚市有個3道菜套餐，包前菜、主菜、甜品，仲包餐飲，起標價先喺$158，每個分類都仲可以加錢升級其他嘢，彈性非常大，下次過開嚟再試吓先。

個人評分
味道：8/10
環境：8/10
服務：8/10
抵食：8/10
平均每人消費：HK$255

餐廳資料：
Zecond
地址：上環蘇杭街126-128號地下C號舖
電話： 9263 3516