奇華嘅「奶皇系列」一向都有水準，奶皇做得幼滑鹹香之餘，唔同嘅味道都頗有特色。今次新加嘅3款口味，亦喺鍾意嘅口味。雖然奶皇月餅多達8款口味，事實上店家暫時未有依種「八星」禮盒，晌門市只喺有個別獨立口味或鴛鴦口味，想試齊8款就要買多幾盒先得。
講到包裝，每個獨立包裝夠晒衛生，除咗包裝盒印有口味名稱之外，每個月餅面都有一或兩個字喺咩口味，唔使擔心搞錯。店家嘅推薦食法喺放入微波爐加熱20秒，或放進焗爐以150°C慢烤約10分鐘，令奶皇餡烘得更料更綿滑綿芳香。
迷你蛋黃奶皇月
喺經典口味嘅奶皇月，簡單以鹹蛋黃混入牛奶做成奶皇餡，切開，皮薄而入口鬆化，奶皇餡色澤橙紅，散發陣陣蛋香，口感軟綿幼滑，保持水準。
迷你茉莉香片奶皇月
茶味奶皇月有兩款口味：茉莉香片及伯爵茶，先分享茉莉香片奶皇月。切開聞一聞就唔喺好覺，但入口香片味會慢慢透出，唔算好強，有種清幽淡雅嘅感覺。
迷你御金奶皇月
基本上，跟迷你蛋黃奶皇月相同，分別只在於餅面加上一片金箔作點綴，其實據介紹，內餡喺用咗雙倍蛋黃，所以，細意比較下，較甘香啲。
迷你朱古力奶皇月
上年曾試過依一款奶皇月，黑沉沉嘅餡心，鹹香中散發出朱古力味，算喺頗香濃，卻喺少甜。
迷你蜜餞子薑奶皇月
今年嘅新出品之一，蜜餞子薑又幾有新意，入口未有預期咁強勁嘅薑味，嚟得比較含蓄，可能喺子薑蜜餞咗，甜度中和番少少薑味，加重少少薑味都仲可以；而食落奶皇餡中有細微嘅蜜餞子薑肉，感覺幾好。
迷你伯爵茶奶皇月
另一款茶味嘅奶皇月，對比起茉莉香片口味，伯爵茶奶皇月嘅茶香味比較突出，因為切開嗰下，已聞到些微茶香，再食落又確茶味香醇啲。
迷你柚子奶皇月
另一今年新品，雖話新嘢，但柚子味嘅月餅應該唔喺新鮮事，不過，水準又真喺做得唔錯。入口有淡淡柚子清香， 配搭上幼滑的奶皇，感覺甜而不膩，再者，柚子有健脾消滯之效，喺好好嘅組合。
迷你麥芽糖醇低糖奶皇月
最後所試嘅一款喺麥芽糖醇低糖奶皇月，據單張介紹選用小麥及粟米澱粉提煉而成嘅麥芽糖醇嚟造，絕對喺啱晒依家講求健康嘅人士，確然入口比咁多款奶皇月嘅甜度偏低，全無甜膩嘅感覺。
試咗咁多款奶皇月，兩款茶味及新出嘅蜜餞子薑都甚得小弟歡心，然而，原味嘅奶皇月依樣保持到水準。今年，你又會傳統蓮蓉月餅，抑或奶皇月餅呢？
個人評分
味道：8 /10
環境：- /10
服務：- /10
抵食：- /10
平均每人消費：HK$0（試食邀請）
餐廳資料：
奇華餅家 Kee Wah Bakery
尖沙咀港鐵尖沙咀站TST10號舖
2314 4808
味道：8 /10
環境：- /10
服務：- /10
抵食：- /10
平均每人消費：HK$0（試食邀請）
餐廳資料：
奇華餅家 Kee Wah Bakery
尖沙咀港鐵尖沙咀站TST10號舖
2314 4808
沒有留言:
發佈留言