星之味 Star's Taste：好友狂嚐曲（35）

晌食友當中，有幾位特別有小弟心嘅，久不久就送上小曲奇作為點點心意。最特別喺佢送親嘅曲奇都唔喺出自咩大店，大多數都喺啲小店，如：Crostini Bakery & Café、Joey's、Clover Cake & Coffee House、Rachel's Cookie……等等，今次又會喺邊間呢？就喺「星之味」（Star's Taste），款式喺朱古力曲奇。

對依間店非常陌生，嚐試晌網上搵搵，雖然搵到佢哋個官網，但十分簡單，只介紹到喺由兩位曾擔任五星級酒店西餐部總廚嘅顧問及總監主理，有蝴蝶酥、杏仁酥、曲奇、蛋糕、凍餅售賣，不過再詳細啲嘅產品介紹就欠奉。

金銅色配以格仔紋嘅紙盒包裝，典雅得體。每包淨重150g，塊塊獨立包裝，確保衛生，又唔怕一次過食唔晒而潮化變腍。數過喇，一包裡面共有17塊，都唔少喎。

每塊朱古力曲奇，除咗加有朱古力粒，仲有勁多杏仁碎，平均分佈。曲奇本身已經極之香脆鬆化，而且朱古力味濃郁，杏仁又香脆，食落又唔會太油，真喺好得，兩位師傅果真唔喺徒有虛銜。

晌佢個網頁有一段咁嘅分享：「我們希望在您細嚐本店的出品時，不但可以找到味蕾上的滿足，更感受到我們所投入的心機及誠意，這就是Star's Taste星之味的宏願！」食完啲曲奇，完成感受到你哋嘅心機及誠意。

味道：8/10

環境：- /10
服務：- /10
抵食：- /10
平均每人消費：HK$0（禮物）

餐廳資料：
星之味 Star's Taste
中環皇后大道中33號萬邦行1樓128號鋪
2613 1921