2019年6月29日星期六

瑪寶鮮 Marbo Seafood Restaurant:走寶秘場

星期六基本上喺唔使返工,不過,今次就特別加班,幫老婆手搬文件返公司,唔喺講笑,袋「紅白藍」重過我平常長旅行嘅喼。而辛苦過後,佢話請我食晏,晌附近有家酒樓嘅泡飯好得,夾埋佢同事,就嚟到晌寶勒巷嘅「瑪寶鮮」。

2019年6月22日星期六

太平洋咖啡 Pacific Coffee Company:消暑梳打

呢排真喺日日熱到爆,過開荃灣Ikea睇啲嘢,本來都想買杯台式冰茶邊行邊飲,不過,諗諗吓,索性不如搵個「竇」攤抖吓。結果,經過中染大廈嘅「Pacific Coffee」,食埋個下午茶,打吓躉,慢活一下,先再起行。

2019年6月20日星期四

The Leah:倫住嚟試

講開英國菜,就諗起炸魚薯條、英式全日早餐、英式下午茶、肉批……,當然,實際就應該唔止咁少啦。最近,同幾位朋友嚟到銅鑼灣主打英國菜嘅「The Leah」,見識唔少出色嘅菜式,都喺非常有心思嘅,讓我哋都重新認識一下英國菜。

2019年6月19日星期三

韓屋 Hanook Korean Restaurant

好多年前到訪韓國嘅濟州島,當地有一個著名嘅景點「濟州民族村博物館」(拍攝「大長今」嘅取景地之一),晌裡面有好多唔同特色嘅韓屋,不過,今晚同老友聚聚舊嚟到金吧利道近尾嘅「韓屋」(Hanook),就完全唔喺嗰啲「韓屋」啦。

2019年6月18日星期二

Chef Stage de Eddy Chu:舞動真功夫

每個人都想有自己發光發亮嘅舞台,不過,現實中,就唔喺個個人能夠做到,除了因為個人嘅才能、性格,有時際遇都會喺一個因素,但喺,常言道,有志者事竟成,可惜,呢句嘢就唔啱小弟,小弟做人都喺喜歡閒逸啲。然而,今晚嚟到「Chef Stage de Eddy Chu」,就當然喺一個讓主廚們發揮嘅舞台。

2019年6月17日星期一

素一 Veggie One:自助找素

近年食多咗素,亦知道坊間更開咗唔少素食自助餐餐廳,但講真,就真喺一次都未試過。友人就貪新鮮,建議一齊去試吓,小弟就當然樂意奉陪啦,齊齊嚟到「素一」,橫「素」各種美食。

2019年6月16日星期日

高興+ happinesssssplus:趁高興.趁即興

近年,無乜新茶餐廳,無?唔喺啩,無錯,因為家下興用冰室,仲開到成行成市,其實都喺茶記一間,用得冰室做名嘅,都大玩懷舊。之但喺,玩懷舊又豈止冰室,最近機緣下過到嚟北角,偶遇呢家西餐廳「高興+」,裡面裝潢一樣玩懷舊,但就更具打卡性。

2019年6月14日星期五

La Famille:咖啡之友

之前都食過La Famille嘅戚風蛋糕,以往都喺買到返屋企當甜品同屋企人一齊食,但到最近先知晌銅鑼灣有以咖啡店形式經營,可以安坐慢慢享受。同個好耐嘅老友無見,就約埋短聚,食件蛋糕,飲杯咖啡咁囉。

2019年6月13日星期四

自家燒吧:燒息靈通

友人一向喜歡捐窿捐罅搵食,對飲食特別消息靈通,近日睇見佢一篇食評,介紹呢一家「自轉」燒烤吧「自家燒吧」,既喺懶人包嘅福音,唔使郁手郁腳就食到燒烤嘢,又可以就算大熱天時都可以嚟過吓串燒癮,最正喺以放題形式嘛,一個價錢定晒預算,唔使就住就住食,食得暢快嘛。

2019年6月11日星期二

茶木‧台式休閒餐廳 TeaWood Taiwanese Cafe & Restaurant:耳木一新

早排旺開去食茶記,呢排就意外地旺開食台菜,其實都無刻意安排,有啲喺朋友嘅選擇,只喺咁啱而已。依次同表姨甥女嚟到世貿中心嘅「茶木」,諗一諗,對上一次到訪喺其旺角店,但已喺3年前嘅事喇。對「茶木」嘅印象喺唔錯嘅,選擇多,水準又不俗,否則,今晚都唔會再次到訪啦!

2019年6月9日星期日

紅椒力量 Pepper Power:椒牌美味

雖然黃埔線開通咗好耐,但慣性問題,都喺較少過嚟紅磡、黃埔呢區食嘢。而呢一晚因為有個安息禮拜要出席,而且,又結束得早,所以,同友人打算食埋飯先返歸。自問對呢區認識淺,故此,今晚幫襯「紅椒力量」都喺友人帶路,因其工作關係,食勻港九新界。

2019年6月7日星期五

富園豐海鮮酒家 Wealthy Garden Seafood Restaurant:街坊豐味

一班親友大部分都喺住晌長沙灣一帶,所以,做節飯都喺安排晌呢頭,近年,食嚟食去都喺嗰好幾家,所以,都少咗寫。但今次唔同,表姐揀咗呢家「新酒家」,其實都唔新,個鋪位一直喺做酒樓,只喺轉名又轉名,依家新名字叫「富園豐海鮮酒家」,唔知可以做幾耐!

安平麵店 An Ping Taiwanese Noodles:平心而論

又喺一年一度上嚟鑽石山墳場掃墓嘅日子,唔會揀清明嚟,反而揀先人嘅死忌日,一來呢度晌清明嘅人潮真喺多得好恐怖,二來先人嘅忌日喺農曆啲公眾假,就番大家又實唔使返工,所以,就會揀呢日嚟。掃完墓,一齊食晏亦喺慣例,舊年落咗去荷里活廣場食,今年實在太熱,就行過去附近嘅慈雲山中食搵食,故此,是日午餐就喺晌賣台菜嘅「安平麵店」搞掂,因為面向大街嘅地鋪位,外觀較顯眼吸引。

2019年6月4日星期二

金鶴拉麵 Kane Tsuru Ramen:鶴.有所成

其實,本身雖然都有睇開啲飲食雜誌,不時見到好多新店開張,但就甚少因為報導而去光顧,一來雜誌寫得出嚟就一定喺讚好,二來怕好多人一鍋蜂走去貪新鮮,怕怕哋為食一餐而戇排。「金鶴拉麵」喺之前去開「大館」而發現,再上網睇睇,原來已開到第4家,風評亦不俗,所以,值搏率高,加上收工行過嚟都好方便。

2019年6月2日星期日

三餐冰室 Sam Chaan Cafe:一日.三餐

上次送老婆返興趣班前,一齊去食咗餐簡單嘅泰國菜,今晚,同樣送佢返學,但就再簡簡單單食茶記,因為佢晌漆咸圍工聯會上堂,街口就有家茶記「三餐冰室」。雖然話喺茶記咋,但依家啲茶記出品都好有水準架,而且,勝在選擇多,又平靚正,喺唔少人一日三餐嘅選擇,當然,今次喺小弟第一次到訪「三餐」。