愛烘焙麵包工房 iBakery Cookie Pop Up Store：好友狂嚐曲（十七）

一個品牌嘅建立已經唔容易，仲要由一間社企去做起，更值得敬佩嘅喺，當中嘅組成喺由超過半數嘅殘疾人士而嚟。所講嘅「品牌」就喺東華三院屬下專門訓練及聘用殘疾人士嘅社會企業「愛烘焙麵包工房」，今次多得食友送贈，讓小弟有幸品嚐佢哋製作嘅曲奇。

Classified：Jam心賀禮

食果醬其實真喺無咩心得，細個時最鍾意喺用羅拔臣黃梅占做油占多，另外羅拔臣仲有隻檸檬占，搽梳打餅清香好食，早年都仲有機會晌華潤見到，依家好似消聲匿跡。不過，近年老婆就較喜歡法國嘅聖桃園（St. Dalfour）果醬，尤其藍莓味，一來晌超市就買得到，二來貪佢講明成分天然，又無添加，更含一半成份果肉，都只喺三十零蚊一樽（284g-300g），抵食喎。年初，收到食友一份生日賀禮，喺嚟自Classified，屬英國產品嘅Strawberry and Champagne Preserve Extra Jam。

米飯班煮：松露煮意

上次同幾個朋友去完荃灣廣場搵食，今回就嚟到大坡坊依邊，見間鋪名同小弟啲食評標題咁，鍾意玩食字，所以，特別有印象。依晚4人行人少少，一齊嚟食個晚飯，傾吓偈，交流一下飲食心得。

高．牽心 Go Inside：夢．不祗是想！

從雜誌睇過「高．牽心」（Go Inside）及「有情有意」（Friends Italian Restaurant）嘅報導，一直都有心想嚟一試，依兩間連體嬰社企隸屬同一個非牟利機構，只喺前者主要以訓練年輕人為使命，重拾追求夢想嘅熱情；後者則讓失聰人士自力更新嘅地方，更推動聾健共融。

美心MX Maxim's MX：我的星期六美孚早餐 ~ 抵食之選

之前，寫咗唔少小弟晌美孚區食早餐嘅食評，一向晌屋企多過出街食早餐，事緣都喺公司實行5日制之後，星期六朝早得閒咗，就決定偷懶唔煮而多咗出去食。前前後後以「我的星期六美孚早餐」都寫咗好多篇，雖然照樣有星期六落去食，但少咗出文，因為多數都離屋企較近嘅快餐店或美心，真喺又無咩好寫。不過，今次美心MX嘅早餐，又想講番幾句。

Ocean Three Development Limited：「酒肝」倘賣無，「脆味」示範班！

報工聯會參加啲烹飪示範班就多喇，晌廠廈嘅樓上食材店參與都喺第一次啫，有幸嚟到專賣優質食材嘅Ocean Three 鰂魚涌新店，出席名為「Rougie新煮意」示範班，仲要由米芝蓮一星大廚親自示範，真喺機會難得。

綠野仙踪 Greenland Corner：旗幟仙明？！

雖然都幾鍾意去台灣旅行，尤其一啲小城、小鎮，好似台南、羅東、礁溪……等等，不過，晌香港就甚少專燈搵台菜食，一向隨遇而安。就好似今晚，幫朋友嚟開德成號「攞貨」，順道試吓綠野仙踪，點解會喺佢？因為食友推介囉，話值得一試幾唔錯。

峰壽司 Mi-Ne Sushi：峰衣足食

一段日子無嚟壽司店食壽司，為老友移民而搞嘅餞行飯，有建議話食「峰壽司」，我當然無異議。由於位處新港中心地庫嘅峰壽司無得訂位，早啲去攞位嘅任務，就交由較清閒嘅小弟去做，不過，閒日7:15pm到達餐廳，人客話多唔多，話少唔少，總之，唔使點等位。

下一站...甜品 Next Station ... Dessert：Next Station Dessert… Mind your dollar please!

飲食界晌香港真喺變化得好快，就連旺角區都高檔起嚟，就以短短嘅黑布街、白布街為例，就有唔少具質素嘅食店陸續晌度插旗，最新一員就喺由佐敦發跡，繼而搬過嚟嘅「下一站...甜品」。多謝店主邀請，令小弟試咗多款甜品。

曼谷泰菜 Bangkok Thai Restaurant：曼功出細貨

曼谷泰菜都唔喺第一次到訪，不過，都喺去灣仔店。今回跟幾位朋友移師天后店，都喺方便其中一位朋友夜收工啫。可能喺快樂星期五，估唔到餐廳咁多人，所以，今晚出菜都比較慢，或者，喺師傅慢工出細貨。

IKI Teppanyaki Bento：燒遙自在

雖然唔喺住晌荃灣，亦唔喺晌依頭返工，但依區都算得上出沒頗多嘅區域，都睇住近荃灣西站一帶，近年變化不斷，好似以前死氣沉沉、得幾檔傢俬鋪嘅灣景廣場，依家因有Aeon（前身吉之島）進註，即時煥然一新。而對面嘅荃灣廣場，一向都好旺，但早幾年稍稍翻身之後，就更加多人，尤其六、日。今晚，就喺同朋友一齊嚟到荃灣廣場嘅IKI嘆日式鐵板燒。

Maison Eric Kayser Artisan Boulanger Cafe：麵包王遇上麵包狂

小弟雖然自詡為「山區麵包王」，實際就只不過喺嘩眾取寵虛銜一個。晌小弟嘅飲食朋友中，有個「同學仔」雖然無寫食評，亦唔寫網誌，相識源於麵包習實班中，但比小弟更懂飲食，喜歡做包，更喜歡食包。今晚，虛銜「麵包王」遇上真正「麵包狂」，走到半山Eric Kayser，食餐名正言順、無花無假嘅全「包」宴。

大力棒棒摩登中菜 Bang Bang Modern Chinese Cuisine：摩力不凡

依家做中菜真喺越嚟越唔易，懷舊嘅未必好多人識欣賞，香港人又喜歡貪新鮮。最近，嚟到尖沙咀The ONE嘅「大力棒棒摩登中菜」一試新派中菜，據介紹菜式揉合上海菜、台灣菜、四川菜、粵菜等等，不拘一格，又套上一啲甚具玩味嘅菜名，希望將中菜變得「摩登」有型。

Godiva Chocolatier：公朱同好（六）

試咗法國品牌agnès b. DÉLICES同日本品牌Royce’兩款朱古力，都未喺好滿足，食友所贈比利時品牌嘅Godiva，又會否帶嚟一點點安慰呢？延續朱古力食評「公朱同好」系列第六篇，分享一下Godiva嘅排裝朱古力「鹽味杏仁牛奶巧克力磚」（Milk Chocolate Salted Almond）。

鯉魚門紹香園合桃果子專門店 Walnut Shop：卷土重來

寫完篇食友送贈嘅奇華餅家「零食」，就順手寫埋另一篇又喺食友相送嘅紹香園「零食」，清一清食友小心意嘅食評貨尾。今次收到嘅紹香園產品，喺一盒炭燒咖啡蛋卷，雖然佢哋首創咗鮑魚汁味、波菜味、紫菜肉鬆味蛋卷，但喺相信食友都知小弟都幾鍾意咖啡，所以，就揀咗盒炭燒咖啡味俾我，在此再次多謝老友餽贈。

喜記蟹將軍 Heekee Crab General： 將軍喜革命

舊年年初，細妹請食生日飯，就喺晌喜記蟹將軍，不過就喺尖沙咀國際廣場店，仲記得當晚一家人食得好滋味，個「開心套餐」真抵，食到捧腹而回。今趟嚟到銅鑼灣店，席間朋友生日，雖然講明唔喺生日飯，都順祝一句生日快樂啦！喜記由「避風塘炒辣蟹」擴展至「蟹將軍」，其實，已一早悄然起革命。

美心西餅 Maxim's Cake Shop：樹欲靜而風不息

收到公關送嚟美心母親節蛋糕嘅換領券，試想著究竟個食評寫定唔寫好呢？一年裡邊，總有好多節日跟家人慶祝，大時大節如冬至、年三十、中秋、聖誕……等等，就唔使多講，不過，過去好多年，母親節就絕少慶祝，正所謂：「樹欲靜而風不息，子欲養而親不在。」回想後生時，未有盡孝道，喺人生中其中一個遺憾。當睇到依度，就知結果都喺寫咗，唔喺為公關交功課，反正寫少篇都無人理我，只喺，仍然有啲嘢想分享吓。

銀杏館 Gingko House：跟太太的小確杏

「小確幸」一詞嚟自村上春樹嘅散文集「蘭格漢斯島的午后」，雖然小弟才疏少睇書，不過，都知道小確幸嘅意思 - 一種微小而確實嘅幸福。今日嚟到饒宗頤文化館內嘅銀杏館嘆下午茶，同樣，有著一份豐滿嘅小確幸。

Wolf Den Café：我的星期六美孚早餐 ~ 呻笨之選

晌美孚區可以食到All Day Breakfast（全日英式早餐）嘅店子唔多，以前有間La Kaffa，試過一次叫做OK啦，不過，做咗無耐就執咗。同鋪位接手嘅Star Hill Kitchen，都有全日英式早餐供應，由於試過佢一次晚餐，質素真喺唔得，所以，就無再試佢個早餐。最近，晌蘭秀道街尾迴旋處個角位，開咗間新Café，名字叫Wolf Den，所以，就搵個星期六朝早走入依個狼穴見識見識一下！