圓貝 Mother Pearl：「圓」美花香

此時此刻，日本嘅櫻花綻放，雖然已經全面通關，但暫時都未有考慮出門住，始終經過三年疫情有啲地方都未完全復常，再等耐啲先出門，去睇睇呢個世界。不過，喺公司附近嘅「圓貝」，出咗一系列加入櫻花元素嘅茶飲，嘆番杯感受下春日櫻花嘅「味」力。

Tangram：美食「巧」察團

「七巧板」玩過未？細細個嗰陣已經玩過啦，不過，今晚嚟到呢個「七巧板」（Tangram）就無得玩，只有美食。之前睇過朋友嘅食評，介紹呢間新派日系餐廳，有啲日式嘅Tapas，都頗為特別。 但喺今次嚟，就唔喺為啲Tapas，而喺為咗新推出嘅AKI Bowl，喺乜嘢嚟，等陣再介紹！

萬麗咖啡室 Cafe Renaissance：「萬」活人生

曾經有一段時間都都幾鍾意食自助餐，不過見自助餐嘅定價飛升得幾快，所以就食少咗，然而，過去幾年嘅疫情日子，就反而因為去咗好幾次「宅渡假」而食多咗少少自助餐。睇番自己嘅食評，對上一次嚟「萬麗咖啡廳」喺2013年3月，與同事嚟食，當喺開年飯，今次再訪，啱啱好變相喺10週年紀念。

The Cockloft：滋味觸「閣」

今日約咗個都耐無見嘅舊同學出嚟食晏晝，就番小弟工作區域，梗喺晌番中環食啦，地點當然由小弟負責揾！好彩呢個舊同學咩都食，所以搵起嚟都容易，難得聚聚舊都會搵間餐廳可以坐耐少少傾吓偈，故此，就過到嚟蘭桂坊主打法國菜嘅「Cockloft」，因為睇見食友嘅食評，指其性價比甚高，就探訪一吓這個「小閣樓」。

樓上大排檔：「樓」住好友情

都好耐無同啲死佬聚一聚，所以，今晚就搞咗個小飯局，幾個死佬出嚟食下飯、吹下水。個個都喺麻甩佬，所以，食中菜就啱氣氛啲，故此，過到嚟灣仔嘅「樓上大排檔」食餐晚飯。

龍城冰室 Dragon City Cafe：湯清味「龍」

趁老婆返學夜，得番一支公，出嚟旺角睇睇波鞋，順便食埋晚飯先返歸， 因為得一個，所以食得好隨意，咁快靚正梗係茶餐廳啦，晌鐵站口見到「龍城冰室」，選擇多，最主要喺門口見到有啲招牌海鮮湯泡飯系列。

Zecond：不「二」之選

要走過來上環續領回鄉卡，來到只見人頭湧湧，就算晌網上預約咗（其實喺一定要網上預約，無即場籌），睇見啲籌號都有排輪，所以，先落去食個食個午餐攝一攝時間。有晌上環做嘢嘅朋友就推介咗呢間小店「Zecond」，名字都幾特別，佢話小店製作有誠意，出品絕對喺高質素，所以，正所謂擇日不如撞日，咁啱過到嚟就食番餐高質午餐。

樂酒場 がくさかば GAKU HALL：絕無失「樂」

今晚老婆要返學，又喺得小弟一支公，所以約咗親戚出嚟尖沙咀食吓飯，聚一聚，有幾間心水餐廳俾佢哋揀，佢哋話想食日本嘢，所以，嚟咗「樂酒場」大眾食堂暢食一番。揀呢度仲有個好處，對出就喺尖東站，小弟返屋企非常之方便。

Ricco：「無飯」之夜

今晚同老婆都做一晚「無飯夫妻」，因為佢忙，我又忙，大家懶一晚費事煮，索性買外賣返屋企食。咁住喺長沙灣嘅親友推介呢間西餐廳「Ricco」，話佢哋嘅出品唔錯，加上外賣自取又有9折，叫我不妨試吓。

Big Buns：邪惡「Bun」放

是日就專誠嚟試一試呢一家英倫風嘅烤芝士三文治店，因為從網上睇到佢哋好幾款邪惡嘅出品，賣相既吸引，又合小弟口味，來一趟高質嘅享受。雖然地址標示「軒尼詩道英皇集團中心」，但靠近「灣仔道」一邊，都唔難搵。 

十十川滬料理 Sha Sha Mala：重「十」繁華

約咗表哥食晏，打算上朗豪坊嘅美食廣場，不過，上到去人頭湧湧，果然市面恢復番昔日繁華，再睇返啲定價，美食廣場內嘅餐廳一般都喺$60、$70一位，咁啱美食廣場側邊有一間「十十川滬料理」，有啲一人嘅午市套餐，計埋茶位加一，好似唔喺貴好多，但裏面望上去就舒服好多喎。

Supreme Steak & Grill：鋸扒之樂

自從老婆嘅飲食偏向素食之後，小弟就相對地少食咗肉，唔喺唔食，不過喺比往常較少啲而已。咁當然唔同老婆一齊食飯嘅時候，就會乘機放縱啲。講到純鋸扒呢家嘢，印像中呢幾年真喺食少咗好多，而今晚約咗老死食飯，大家都喺食肉獸，所以一齊嘆番餐鋸扒之樂，故此嚟到深水埗呢間西餐廳「Supreme Steak & Grill」聚聚舊。

稻香 Tao Heung：抵食之「稻」

細佬嘅生日飯，本應2月攪，因為老婆連續幾個星期都有好多堂上，所以就延到三月初先食。就返細佬妹都喺揀返石硤尾啲酒樓，費事佢哋咁頻撲，而過去幾年都喺去飯堂「多彩」，今次就改改「稻香」，因為貪佢有「一蚊雞」推廣，哈哈！

ROJO：精彩西班牙之夜

卒之口罩令鬆挷，不過，今晚同兩位老死出嚟食飯，就唔喺為此慶祝，都喺一早約好聚一聚嘅老友小飯局。佢哋話未食過西班牙菜，所以，就揀咗嚟「ROJO」，佢喺其中一間西班牙餐廳我覺得喺一直保持到水準嘅，啲Tapas仲不時推陳出新，有信心帶朋友嚟試。