2017年4月29日星期六

McCafe:我的星期六美孚早餐 ~ 麥麥幫襯

晌好耐日子前都寫過美孚萬事達嘅McCafe,自從大裝修後,麥記就幫襯咗幾次,但McCafe就反而未幫襯過,今早就輪到嚟McCafe嘆早餐。

2017年4月27日星期四

Oyster Cove:蠔不遜色

嘉蘭圍喺一條頗奇特嘅小街,晌連接加連威老路嘅入口,好唔起眼,但一轉入嚟嘉蘭圍就有少少另一片天嘅感覺,甚至百樂酒店嘅正門開晌嘉蘭圍都唔開晌金馬倫道。講到嘉蘭圍,一條短短環形內街,就已經有成6間食肆插旗,講到Oyster Cove,若非睇到食友P嘅食文,小弟真喺以為佢喺間酒吧嚟。

2017年4月22日星期六

Hungry Korean:重新啟韓

舊年晌沙田連城廣場嘅Hungry Korean食過一餐晏,當時因為趕住去聽啲旅遊講座,只喺匆匆試過個吞拿魚韓國壽司及牛肉石鍋飯,味道中規中矩,老婆就話佢覺得晌尖沙咀店好食啲。今晚要過嚟荃灣開組長會,一支公嚟到路德圍嘅Hungry Korean食晚飯,睇吓唔同分店喺唔喺又唔同啲。

曲奇薈 Cookie Galerie:好友狂嚐曲(62)

曲奇薈嘅蝴蝶酥就買過嚟送俾朋友,但自己就真喺未食過,多謝好友嘅小心意,我小弟都可以試番吓佢哋嘅蝴蝶酥。曲奇薈啲包裝簡約而精美,長型啲包裝袋再結隻絲帶蝴蝶。

2017年4月20日星期四

Panash:好友狂嚐曲(61)

又喺曲奇系列,今次好友送贈嘅喺Panash嘅腰果曲奇,凡喺堅果類曲奇我都鍾意食,因為,有咬口吖嘛。在此,先多謝好友心意,有你哋嘅餽贈,先延續到依個系列,亦釀小弟晌忙碌嘅工作中,歇一歇食啲曲奇當下午茶。

2017年4月19日星期三

餃掂手工餃子雲吞專門店 Nom Nom Dumpling:松善如流

我老婆喺幾鍾意食餃子嘅人,尤其中式嘅湯餃,就連早個月前去南九州旅行,行程最尾一晚都搵咗間賣中國菜嘅「紅虎餃子房」食餃子。最近,先知太子有家特色餃子店「餃掂手工餃子雲吞專門店」,有多款特色餃子,有湯餃,有煎餃,專登過嚟會一會佢,老婆鍾意食嘅嘢,小弟一向從善如流。

2017年4月18日星期二

Chez Bistro:親民法菜

曾到訪銅鑼灣嘅Chez Moi,品嚐過佢哋5道菜嘅法式晚餐,覺得水準高,非常抵食。當時聽店長講,佢哋有另一家分支,同樣晌銅鑼灣,走親民路線,價位亦定得低少少,不妨一試。是夜,就約定表哥嚟到佢間姊妹店Chez Bistro,睇吓價錢親民咗,質素有無將貨就價先。

2017年4月17日星期一

東霖小廚餐廳:歡迎光霖

雖然美孚區人口唔少,亦養起唔少食肆,不過,選擇就比較狹窄,佔絕大多數都喺港式餐廳。正所謂一雞死,就一雞鳴,之前嘅「御·上澄」日式小店卒之結業,新一員喺間茶記小廚。早前就打算嚟食下午茶,但人多就過門不入,擇日搵埋老死嘅美孚街坊早啲嚟食晏。

2017年4月15日星期六

綠野仙踪茶座 Greenland Teahouse:仙豔奪目冬蔭功燴飯

一連幾日復活節假,無外遊嘅打算,不過,就搵咗一日同老婆晌港島區行山,揀咗只得1星極易行嘅港島徑第3段。行完山,落天后搵食,皆因一條電器道已選擇多多,啲價位又街坊。

2017年4月11日星期二

Day and Nite by Master Kama:龍重登場

聽聞依間主打食龍蝦嘅西日料理餐廳好耐,據聞非常有人氣,由銅鑼灣總店開到嚟旺角,一間餐廳開得分店,理應有一定支持度先得,所以,抱住一試嘅心態嚟到試試。

2017年4月8日星期六

美味小炒茶餐廳 May May Restaurant:我的美孚下午茶餐 ~ 油閒炒麵

「美孚下午茶餐」依個系列真喺好耐無出過,查返對上一篇已經喺2014年年初嘅事,一來少咗晌美孚食下午茶,二來食過幾次又覺得無咩特別,都無乜好寫。本來,最近開咗間新茶記「東霖小廚餐廳」,可能喺新開,多人多到不得了,所以,改咗去轉個彎嘅「美味小炒茶餐廳」。

2017年4月5日星期三

Naked 原の味:原汁.原味.完美

「Naked」有一種原始、赤裸裸嘅意味,加上「 原の味」嘅譯名,多多少少你就估到店家堅持嘅喺乜嘢。較早陣子,喺從雜誌嘅介紹認識這家店,主打新派日菜,並非常有創意及互動,仲記得早前到訪嘅Le Rêve,以西日融和風格帶嚟唔少驚喜,所以,對Naked亦萬分期待。

Bouchon Bistro Francais:美味法電機

相約一位老同學食晏,知佢食嘢一向有要求,所以都唔敢太隨便搵間,再者,中環區一放午飯,真喺多人多到不得了,要形容就好似蜂群而出。為咗同老友好好傾吓偈、食餐飯,就專登行上少少揀咗較靜局位處蘇豪區嘅法式小館「Bouchon Bistro Francais」。

2017年4月3日星期一

唐宮小聚 Social Place:歡聚一唐

早前同老婆晌功德林食過款香菇包,佢當然好鍾意啦,所以,最近搞有個小局歡聚一堂,就刻意揀咗中環主打摩登中菜嘅「唐宮小聚」,一來試試佢啲特色創意點心,二來佢款香菇包做得有水準,帶老婆嚟試吓,三來可以儲吓飛行里數,雖然一餐飯儲得唔多,但儲得一里得一里嘛。

2017年4月1日星期六

海風餐廳 Mistral:風衣足食.意式前菜!

無食自助午餐或晚餐好一段日子,相對都較少光顧酒店內嘅餐廳,而一聽到晌五星級酒店內嘅意大利餐廳,感覺就會喺收費唔便宜嘅用餐之地。早前,聽到好友介紹「海景嘉福酒店」內嘅「海風餐廳」,推介佢哋個半自助午餐,講到眉飛色舞,點樣點樣好食,性格比高,搞到心癢癢,所以,趁個悠閒周六,同老婆嚟撐枱腳食餐晏。

金裝燉奶佬餐廳 Daniel's Restaurant:我的星期六美孚早餐 ~ 團購早餐

美孚間燉奶佬有段時間幫襯過唔少,不過,近幾年幫襯嘅次數真喺少之有少,無他嘅,感覺佢哋啲水準跌咗,同類鋪頭中佢又唔喺抵食過人,慣咗唔嚟就自然少去。最近,見佢哋又推團購,用$38.5買$50現金券,草草哋買一張同老婆嚟食個早餐!