2015年2月28日星期六

Godiva Chocolatier:公朱同好(16)

好耐無寫過朱古力食評,都有好幾個月喇,最近就收到朋友所贈嘅Godiva片裝朱古力,講明上嚟食餐飯,乜都唔晒送,佢實在太客氣咯!

2015年2月27日星期五

雅苑座 The Greenery:雅口無言

又喺一年一度嘅公司周年飯,老細加大咗額度,我哋可以揀嘅自助餐範圍又闊咗,雖然自己有少少心水,但最後有同事建議去帝苑酒店嘅雅苑座(The Greenery),晌度食過一次下午茶自助餐,都已經喺好多年前嘅事,所以,都有興趣再訪,睇過究竟。

2015年2月26日星期四

和牛燒肉.純 Japanese Wagyu Yakiniku Pure:和牛脂味大放送

日本菜之中,以烤肉為最少接觸嘅類別,對上一次食日式烤肉,真喺都唔記得幾時嘅事,今晚適逢其會,當然唔會錯過,跟友人嚟到尖東嘅「和牛燒肉.純」,一嚐多款烤肉,實行「脂」味大放送,讓滋味填滿咀。

2015年2月18日星期三

Lab Made Café:狂熱分子

同表姨甥晌Little Vegas食晚飯,話題當然離唔開飲飲食食啦,佢間唔時都有留意一下小弟嘅食評,提及到舊年年尾晌屯門Lab Made試到嘅冰之粟一燒口味分子雪糕,佢就覺得好神奇,真喺好想試吓分子雪糕喺點。知道隔幾條街嘅登龍街,Lab Made就有一間新分店,所以,就順道帶佢去見識吓。

百樂門宴會廳 Paramount Banquet Hall:一樂千丈

由於屋企附近有兩間百樂門,間中都會去吓飲茶或食飯,雖然唔喺成日都有寫佢哋嘅食評(因為有時同老婆家人去,唔太方便影相),但對依個品牌一向印象都唔差。跟親戚一年一度嘅團年飯,選址晌長沙灣元州街新開嘅百樂門宴會廳。

功夫點心 Kung Fu Dim Sum:功糕蓋主

過農曆年,糕品配粥喺唔少得嘅早餐選項之一,皆因總有機會從朋友或親友間收到一啲糕點嘅賀年禮盒。多謝朋友送來兩盒出自「功夫點心」嘅賀年禮盒:臘味蘿蔔糕及椰汁年糕,讓小弟跟家人又有餐免費糕點食吓!

2015年2月16日星期一

多彩皇宮 Wonder Land Seafood Restaurant:一團和氣

原來再嚟多彩皇宮都已經事隔一年喇,對上一次嚟又喺做節食團年飯,今次都喺,不過,分別喺上年就同一大班親戚,筵開兩圍,而今次則只喺小弟原生家庭一家人5個咁大把,輕輕鬆鬆同老爸、細佬妹食番餐。

2015年2月14日星期六

端記茶樓 Duen Kee Chinese Restaurant:行山好開端

同老婆一齊行山最好就喺佢幾捱得,上上落落幾粒鐘都閒事,趁周六,兩公婆又「自由」行,無特定路線,由川龍起步,晌山上「響石」兜個圈當熱身(原來山頂上有個好大嘅墳場「響石墳場」),跟住去端記嘆完茶,再晌附近啲菜田行吓,最後就經城門引水道、老圍一直行落荃灣市中心,慳番程小巴車錢,都唔喺第一次行,所以,都知道無乜難度,亦無乜危險性。

2015年2月13日星期五

Little Vegas:有目共賭

因為Little Vegas曾經上過10大排行榜,都有留意過依間樓上店,不過,就一直未有衝動去試。最近睇過一位相熟食友嘅食評,讚佢唔錯,部份菜式有驚喜,所以,扚起心肝走過嚟試試。百樂中心內有好多餐廳,真喺好多人,地下大堂等電梯已大排長龍,而一出電梯,又見Little Vegas門外企咗唔少人等位,好彩小弟有訂枱,如果唔喺,侍應話最快要等成粒鐘。

2015年2月11日星期三

樂天皇朝 Paradise Dynasty:樂聚天倫

之前曾經嚟過樂天,無論八色小籠包,定部份小菜,都既有特色,又有水準,所以,嗰時已講過會帶舅仔嚟試吓,趁著佢老婆生日,一於拉隊一家人嚟品嚐品嚐。

2015年2月10日星期二

caffè HABITŪ:好友狂嚐曲(31)

咪以為caffè HABITU淨喺飲吓咖啡,食吓蛋糕、意粉之類,佢哋一樣有出啲曲奇,最近就收到一包好友所送贈嘅HABITU曲奇。白色嘅包裝袋,初時仲以為喺跟咖啡之類嘅相關產品,打開先知喺一小袋曲奇。

Bilibala Yakitori Bar:燒遙自在

大多數人都響往無拘無束、安閒自得嘅生活,有時總會想著退休後嘅生活,不過,離退休之日仲好漫長,還要捱好多個年日。但喺,將工作、煩事拋諸腦後,跟老友閒閒談談,食吓飲吓,一樣可以感到逍遙自在。

2015年2月8日星期日

美心西餅 Maxim's Cake Shop:永恆玫瑰

仲記得舊年情人節,美心出咗款「玫瑰之都」(Rose Garden)士多啤梨忌廉蛋糕,三層漸變粉紅色忌廉唧花,賣相瑰麗浪漫,叫人一見傾心。玫瑰就有種代表永恆嘅感覺,所以,今年又見美心推出同以玫瑰為外型嘅情人節蛋糕,兩公婆食唔得晒一個,最好就跟家人共享,唔一定要跟情人先可以食,家人亦都需要愛和關心。

2/3 Dolci:愛.是這樣甜

超忙碌嘅一、二月,雖然算唔上忙到抖唔到氣,不過,錯過咗很多跟朋友嘅飯聚,難得擠出一個周日下午,跟朋友晌又一城嘅2/3 Dolci小聚片刻,享受一頓悠閒下午茶。相比起中環店,又一城店環境更加舒適寬敞,因為店子位處商場兩層之間嘅中庭,對出一邊面向達之路全喺大型玻璃窗,冬日暖陽,份外暖和,亦令人精神倍添,充滿正能量。

路邊攤 The Lobintan:滋味在路邊・衛生篤魚蛋

過過口癮,間中都有晌街邊篤魚蛋,不過,篤魚蛋食評真喺少寫,因為,一來又唔喺食得多、成日食,二來嚟嚟去去感覺上都相差唔大。但喺,今次朋友介紹嘅「路邊攤」,唔喺話咩全城最好食,但相信喺全城最衛生之一嘅篤魚蛋檔。

2015年2月1日星期日

奇華餅家 Kee Wah Bakery:羊羊得意,步步糕升!

雖然未到過年,已偷步食咗蘿蔔糕及年糕,多謝朋友送來一盒奇華賀年禮盒,紅底紙盒,配手繪中式公仔,甚有賀年氣氛。盒內有齊蘿蔔糕與年糕,煲啖粥,淥啲菜,已經可以當一餐晚飯。

BBQ Military:請軍入甕

早前分享咗8/F「至尊重慶雞煲」嘅食記,依次就分享埋晌上面18/F「BBQ Military」嘅韓燒飲食體驗。一出電梯,已經感受到「軍事重地」嘅氣氛,不過,一啲都唔凝重,絕無打杖嘅感覺,反而有份喜樂同開心,因為,幾幅壁畫,細心睇,有點幽默抵死。

英王麵包店 A-1 Bakery:街大歡喜

上文提要吓,事緣小組簡簡單單搞飲茶,嚟到九龍城廣場嘅佳寧娜,為咗順道幫埋是月生日嘅組員慶祝,一早預訂好英王麵包店(A1 Bakery)嘅蛋糕,就晌九龍城廣場嘅分店取貨,當作飯後甜品。

佳寧娜潮州菜 Carrianna ChiuChow Cuisine Restaurant:福至心寧

依個月大家都好忙,預咗唔齊人,所以細胞小組就唔搞咁多活動,簡簡單單飲餐茶,當喺聚一聚,選址喺九龍城廣場嘅佳寧娜,讓小弟有多一個搵食足跡晌九龍城。成語「福至心靈」,意思喺運氣嚟到,人心也變得靈巧,我哋就「福至心寧」,因為一大班組員維繫咗十幾廿年(見其他組都一早散晒),當中由無小朋友,到依家個個都大晒,真喺蒙福,咁多年見大家無病無痛,算喺齊齊整整,心感安寧。